HABAKỌK
1 Ovuẹ nọ u te Habakọk* ọruẹaro na obọ evaọ eruẹaruẹ:
2 O Jihova, ẹvẹ me re bo kẹ obufihọ kri te, rekọ who bi yo ho?+
Ẹvẹ mẹ rẹ yare kri te inọ whọ thọ omẹ no ozighi, rekọ who bi ru oware ovo ho?*+
3 Fikieme who bi ro ru omẹ ruẹ uzioraha?
Kọ fikieme whọ be rọ kuvẹ kẹ okienyẹ?
Fikieme ọraha gbe ozighi e be rọ romavia evaọ aro mẹ?
Kọ fikieme ẹwhọ gbe ohọre e rọ da otọ fia?
4 O tẹ whae ze nọ uzi u gbe wo iruo ho,
Yọ a gbe bi bru uvioziẹ hẹ.
Ahwo omuomu a wariẹ ikiẹrẹe na họ;
Oyejabọ nọ a be rọ rẹriẹ uvioziẹ na.+
5 “Wha rri erẹwho na, jẹ gaviezọ!
Wha tẹrovi ai re wha rri avọ igbunu;
Keme oware jọ o te via evaọ edẹ rai,
Onọ wha te rọwo ho nọ a tẹ make vuẹ owhai dede.+
A rẹ họrọ ruọ eria nọ e rrọ kẹkẹe evaọ otọakpọ na
Re a rọ ogaga rehọ iwou nọ e rrọ erai hi.+
7 A re muozọ, a tẹ jẹ vọ avọ idudu.
A re fi izi obọrai họ jẹ kẹ omobọ rai udu-esuo.*+
Enyenya-ẹmo rai e rẹ dhẹ ababọ eriosehọ;
Enyenya rai i re no ugbothabọ ze.
I re siawọ wọhọ ugo nọ o be rra nyai vo oware.+
9 Fiki ozighi aikpobi a rọ wọ ze.+
A tọ ovao rai vi obaro ọvo wọhọ ofou ovatha-ọre,+
Yọ a re mu erigbo rehọ wọhọ epanọ a rẹ whẹ uwẹkpẹ.
A rẹ hwẹ oria kpobi nọ a di ogba wariẹ họ;*+
A re koko ẹkpẹ họ kpekpehru nọ a rẹ rọ gadiẹ ruọ eva ẹwho, a ve fi ei kparobọ.
12 O Jihova, kọ ogbẹrọnọ whọ rrọ bẹdẹ bẹdẹ?+
O Ọghẹnẹ mẹ, Ọrẹri mẹ, who re whu hu.*+
Kọ fikieme who bi ro vu ahwo ẹghẹ na wa+
Je fibo nọ ohwo omuomu ọ tẹ be lọ ohwo nọ o kiẹrẹe vi ei no?+
15 Ọ* rẹ rehọ oghọlọ si enana kpobi fihọ okpa.
Ọ rẹ rehọ osakrosa riẹ mu ai,
O ve koko ai fihọ uwe riẹ.
Oyejabọ nọ ọ rẹ rọ ghọghọ gaga na.+
16 Oyejabọ nọ o re ro dhe idhe kẹ osakrosa riẹ
Je dhe idhe* kẹ ẹriri riẹ na;
Keme ẹkwoma rai o re ro wo okpemu,*
Jẹ re emamọ emu.
17 Kọ enẹ ọvo ọ te hae kwa iyei no osakrosa riẹ?*
Kọ enẹ ọvo ọ te hai kpe erẹwho ababọ ọdawẹ?+
Mẹ te hai rri re mẹ riẹ ẹme nọ ọ te rehọ omẹ ta
Gbe ẹme nọ mẹ te ta nọ ọ tẹ whọku omẹ.
2 Jihova ọ tẹ kẹ omẹ uyo nọ:
3 Keme eruẹaruẹ na e be hẹrẹ oke nọ a fihọ kẹe,
Yọ oke nọ u ti ro rugba u te otọ no,* o te ta ọrue he.
O tẹ make be raha oke dede,* gbe rẹro riẹ!*+
Keme o te seba erugba ha.
U ti rugba evaọ ẹruoke!
Rekọ ohwo okiẹrẹe o ti wo uzuazọ fiki ọtẹruo* riẹ.+
5 Ababọ avro, nọ orọnọ udi o rẹ viẹ ohwo họ na,
Ohwo nọ o re fu uke ọ te nyate utee riẹ hẹ.
O ru nọ isiuru riẹ e rọ rrọ kẹkẹe wọhọ Uki;*
Ọ wọhọ uwhu, yọ eva e rẹ vọe he.
O bi koko erẹwho na kpobi họ
Je bi koko ahwo na kpobi họ kẹ omariẹ.+
6 Kọ enana kpobi e gbẹ te rehọ ohare, itẹ, gbe oze ta ẹme kpahe iẹe?+
A te ta nọ:
‘Uye u te ọnọ o bi koko eware nọ e rrọ eriẹ hẹ họ,
Ọnọ o bi ru esa nọ ọ re dhe ebuebu!
Kọ ẹvẹ o ti ru ere kri te?
7 Kọ ahwo nọ whọ reosa rai a gbẹ te wọ bru owhẹ ze idudhe?
A te rọwo no owezẹ ze, a ve ti nuhu owhẹ zighi zighi,
A vẹ te kwa eware ra rehọ.+
8 Fikinọ whọ jọ erẹwho buobu kwa eware rehọ,
Ahwo nọ a kiọkọ kpobi a te kwa eware ra rehọ,+
Fiki azẹ ahwo nọ who kpe
Gbe ozighi nọ who ru evaọ otọakpọ na,
Evaọ ikpewho na jegbe evaọ udevie ahwo nọ a be rria eva rai.+
9 Uye u te ọnọ ọ be rehọ edhere omuomu wo erere ziọ uwou riẹ,
Re ọ ruẹse bọ uwou riẹ họ oria nọ u kpehru,
Re okpẹtu o gbe tei oma ha!
10 Omaa nọ whọ ma o wha omovuọ se uwou ra no.
Whọ thọ uzi mukpahe omobọ ra fiki ahwo buobu nọ who kpe kufiẹ.+
11 Utho o te jọ ugbẹhẹ na bo via,
Ubro-ure o vẹ te jọ obọ ehru uwou na kẹe uyo.
12 Uye u te ọnọ ọ be rehọ azẹ-okpe bọ okpẹwho,
Gbe ọnọ ọ be rehọ umuomu fa ẹwho!
13 Rri, kọ ogbẹrọnọ Jihova olori egbaẹmo na họ ọnọ o re ru ahwo ru iruo gaga ro wo eware nọ erae e rẹ to no,
Jẹ lẹliẹ erẹwho ruẹ uye kufiẹ?+
15 Uye u te ọnọ ọ be rọ ofu gbe evedha kẹ egbẹnyusu riẹ udi da,
Re idi e ruẹsi mu ai,
Ọ vẹ sai rri ẹba rai!
16 Omovuọ o te vọ owhẹ oma viukpọ oruaro.
Whẹ omara—da idi, re ahwo a ruẹ ẹba ra nọ a yawo ho.*
Egho nọ ọ rrọ obọze Jihova o ti bru owhẹ ze re,+
Yọ omovuọ u ti ruru oruaro ra;
17 Keme ozighi nọ who ru evaọ Lebanọn o ti bru owhẹ ze,
Yọ ọraha nọ ọ lẹliẹ ozọ ogaga mu erao ẹwọ na o ti te owhẹ oma,
Fiki azẹ ahwo nọ who kpe
Gbe ozighi nọ who ru evaọ otọakpọ na,
Evaọ ikpewho na gbe evaọ udevie ahwo nọ a be rria eva rai.+
18 Didi erere ọ rrọ ẹmema nọ a kare
Nọ ohwo nọ ọ be kare iẹe ọ tẹ kare iẹe no?
Didi erere ọ rrọ ẹmema nọ a rọ ayọno ru* gbe owuhrẹ nọ o re wuhrẹ ahwo erue,
O tẹ make rọnọ ọnọ ọ ma riẹ o fievahọ iẹe,
Nọ orọnọ eghẹnẹ nọ i fioka ha nọ i dienu o bi ru na?+
19 Uye u te ọnọ ọ rẹ ta kẹ ubro-ure nọ, “Rọwo ze!”
Hayo ọnọ ọ rẹ ta kẹ utho nọ o rẹ sae ta ẹme he nọ, “Rọwo ze! Ta onọ ma re ru kẹ omai!”
20 Rekọ Jihova ọ rrọ evaọ etẹmpol ọrẹri riẹ.+
Jọ otọakpọ na soso o fọ rirẹ evaọ aro riẹ!’”+
3 Olẹ Habakọk ọruẹaro na nọ ọ rọ ile uweri lẹ:
2 O Jihova, me yo usi ra no.
Iruo ra i bi gbe omẹ unu, O Jihova.
Dhesẹ ai via evaọ udevie ikpe* na!
Ru re ahwo a riẹ kpahe ae evaọ udevie ikpe* na!
Kareghẹhọ dhesẹ ohrọ evaọ etoke uye na.+
Oruaro riẹ u ruru idhiwu na;+
Ujiro riẹ o vọ otọakpọ na soso.
Elo ivẹ i lo no obọ riẹ ze,
Oria nọ ẹgba riẹ o dhere.
6 Nọ o dikihẹ o te nuhu otọakpọ na.+
Uriwo riẹ u ru erẹwho na duola.+
O kporo igbehru ebẹdẹ bẹdẹ na,
Ikpehru anwae na i te guzou kpotọ kẹe.+
Ọye o wo idhere nọ i no anwae ze.
7 Mẹ jọ iwou-udhu Kush ruẹ okpẹtu,
Ehọ uwou-udhu ẹkwotọ Midian i je nuhu avọ ozọ.+
8 Kọ ithẹ na who bi mu ofu kẹ, O Jihova,
Kọ ithẹ na who bi mu ofu kẹ,
Manikọ abade na who bi mu ofu kẹ?+
9 Whọ tọlọ uze ra lahwe jẹ ruẹrẹ iẹe kpahe.
Whọ ruẹrẹ ekpọ* na họ avọ iyei iduwu.* (Silah)
Whọ rehọ ithẹ hẹriẹ otọakpọ na.
10 Igbehru na e jẹ thuẹ avọ edada nọ a ruẹ owhẹ.+
Okposo o hwere otọ na vrẹ.
Abade na o do enu.+
Ọ kpare abọ riẹ kpohọ ehru.
11 Ọre gbe ọvẹre i dikihẹ oria ovo evaọ obọ ehru nọ a rrọ.+
Ese ra e rra vrẹ wọhọ elo.+
Ozuẹ ra o je lo nwranwranwra wọhọ elo agbrara.
12 Whọ rehọ ofu nya otọakpọ na vrẹ.
Whọ rehọ evedha thihi erẹwho na fihọ otọ.
13 Whọ nya lahwe fiki esiwo ahwo ra, re who siwi ọnọ who wholo.
Who kpe osu* uwou ahwo omuomu na.
Who kpe rie fihọ no otọhotọ na ri duwu obọ ehru.* (Silah)
14 Whọ rehọ ekwakwa ẹmo obọriẹ* duwu uzou egbaẹmo riẹ
Evaọ okenọ a wọ lahwe wọhọ ofou ọwhibo re a vaha omẹ ku.
Eva e jẹ were ai gaga re a jọ oria idhere kpe ọnọ ọ be reoja.
15 Whọ rehọ enyenya ra nya abade vrẹ,
Evaọ udevie ame obuobu nọ o bi kporo ẹkẹre.
Igbenwa mẹ i te muhọ egbo no;+
Awọ mẹ o te bi gbe kpakpakpa.
Rekọ mẹ fọ be hẹrẹ ẹdẹ uye na,+
Keme o be tha fiki ahwo nọ a wọ ohọre bru omai ze.
17 Ure ifigi o gbẹ make whẹ idodo họ họ,
Yọ uvumọ ubi o rrọ ehru ire evaene he;
Ure olivi o gbẹ make mọ họ,
Yọ ekakọ nọ a kọ fihọ idhu na i woma ha;
Uthuru erao na o tẹ make dhẹ no oria nọ a fi rai họ,
Yọ uvumọ eruẹ ọ rrọ eva ogba na ha;
18 Mẹ te wereva ghele fiki Jihova;
Mẹ te ghọghọ fiki Ọghẹnẹ esiwo mẹ.+
19 Jihova Olori nọ Ọ Mai Kpehru na họ ẹgba mẹ;+
O ti ru awọ mẹ jọ wọhọ awọ orua
Je ru omẹ nya evaọ eria nọ e rrọ kpekpehru.+
Ro se ọnọ o wuzou ile na; avọ ekpata-ifi mẹ.
O sae jọ nọ otofa riẹ họ “Ẹgbalọ Ọgaga.”
Hayo “who bi siwi hi?”
Hayo “adhẹẹ.”
Hayo “ẹkpẹ.”
Hayo “o rẹ bẹ ẹvẹruọ.”
Hayo o sae jọ nọ, “ọghẹnẹ rai họ ogaga rai.”
Hayo o sae jọ nọ, “ma ti whu hu.”
Hayo “kẹ ọwhọkuo.”
Onana u kugbe eware nọ e rẹ katiẹ.
Koyehọ, “ahwo Kaldia nọ a rrọ ewegrẹ na.”
Hayo “ru iwiri idhe kuye kẹ.”
Evaọ Hibru, “emu nọ ewhri ọ da ziezi.”
Hayo o sae jọ nọ, “te hai yolo ọgbọdọ riẹ lahwe?”
Hayo “rroro.”
Hayo “ugbuhru.”
Hayo “ewẹ-ekpala.”
Hayo “riẹriẹriẹ.”
Hayo “u bi si awọ kpohọ ekuhọ riẹ.”
Hayo “O tẹ make wọhọ nọ o be raha oke dede.”
Hayo “rọ ọwhọ hẹrẹ iẹe.”
Evaọ Hibru, “Rri! Nifẹsh riẹ u fu fihọ.”
Hayo o sae jọ nọ, “ẹrọwọ; orọwọ.”
Hayo “Sheol.” Rri oria Otofa Eme.
Hayo o sae jọ nọ, “re whọ nya geli geli.”
Hayo “ẹmema nọ a ghra ayọno ro ru.”
Hayo “ruru.”
Koyehọ, “ọ rrọ uzuazọ họ.”
Hayo o sae jọ nọ, “evaọ oke mai.”
Hayo o sae jọ nọ, “evaọ oke mai.”
Rri oria Otofa Eme.
Hayo “e wha esiwo ze.”
Hayo o sae jọ nọ, “ese.”
Hayo o sae jọ nọ, “Erua na i duwu iyei no.”
Evaọ Hibru, “ọnọ o wuzou.”
Evaọ Hibru, “uriohọ.”
Evaọ Hibru, “ekpọ riẹ.”
Evaọ Hibru, “eva mẹ i te je nuhu.”