Ekpala-oka Evaọ Edhere Uzuazọ

OTẸRỌNỌ whọ rọ erẹ evaọ edhere nọ whọ re nya ẹdọvo ho, kọ who re rri ekpala-oka wọhọ awhaha? Vievie! Uzẹme riẹ họ who re rri rai wọhọ obufihọ nọ u re fiobọhọ k’owhẹ nọ who gbe ro vru no edhere oria nọ who bi kpohọ họ.

Kọ ẹvẹ o rọ kpahe erẹ evaọ edhere uzuazọ? Kọ a rẹ sae nyae vrẹ ababọ ekpala-oka? Ọruẹaro anwae Ọghẹnẹ jọ o vuhu ọnyaba ohwo-akpọ mu evaọ abọ ọnana. Ọ ta nọ: “Mẹ riẹ, O OLORI, inọ ohwo ọ rẹ sae salọ edhere riẹ hẹ; hayo ohwo ọ rẹ sae jiroro edhere uzuazọ riẹ hẹ.”—Jerimaya 10:23, The New English Bible.

Kọ diẹse a sae jọ duku ọkpọvio nọ a gwọlọ? Ehri evaifihọ ọkpọvio ọyena họ Ọnọma ohwo, yọ a rẹ sae jọ evaọ Ebaibol na duku ekpala-oka ẹwoho na. Jihova, ẹkwoma Ẹme riẹ, ọ ta nọ: “Ezọ rai i re ti yo ẹme evaọ obọ emu rai nọ, ‘Ọnana họ edhere na, wha nya e,’ okenọ wha ri obọze hayo ẹkpẹlobọ.”—Aizaya 30:21.

Ẹhẹ, Ẹme Ọghẹnẹ ọ k’omai ọkpọvio evaifihọ evaọ kabọ kabọ uzuazọ. (Aizaya 48:17; 2 Timoti 3:16, 17) U yoma kẹhẹ inọ ahwo-akpọ buobu a be nya edhere uzuazọ vrẹ ababọ ọkpọvio Ọghẹnẹ. (Matiu 7:13) Ghele na, a rehọ ekpala-oka na vi kothi! Kọ who ti muẹrohọ ae nọ whọ be nya edhere uzuazọ na?