Iwhowhovia

◼ Ebe nọ a ti fihọ ada evaọ October: Evẹrẹ kpobi—Ọkparedẹ ọ Uwou-Eroro Na gbe Awake! Emagazini ọ isiava-amara evaọ ukpe ovo: ₦320; ẹkwoma ipostọfisi, ₦450. Ẹsiẹvo-amara evaọ ukpe ovo hayo isiava-amara evaọ emerae ezeza: ₦160; ẹkwoma ipostọfisi, ₦225. November: Eme Ọghẹnẹ Ọ Gwọlọ Mi Omai? hayo Eriariẹ Nọ I Re Su Kpohọ Uzuazọ Ebẹdẹ Bẹdẹ. December: Eriariẹ Nọ I Re Su Kpohọ Uzuazọ Ebẹdẹ Bẹdẹ. January: Obe ọ ewẹ-obe 192 kpobi nọ a kporo taure 1986 u te ti te nọ ukoko na u wo. Ikoko nọ i wo ebe itieye na ha a rẹ sai fiọ Life—How Did It Get Here? By Evolution or by Creation? họ ada hayo Whọ Sae Ria Bẹdẹ Bẹdẹ eva Aparadase ọ Otọakpọ.

◼ Uko-obeva nọ o rọ uvitha ọ Odibọgba Uvie Mai nana họ “Omaa Isukulu Odibọgba Ọghẹnẹ ọrọ 2000” yọ a rẹ sẹro riẹ re a hae rehọ iẹ ruiruo evaọ ukpe ọ 2000 na soso.

◼ Otẹrọnọ oke iwuhrẹ ukoko rai u ti nwene evaọ January 1, o sae gwọlọ re wha vi ebe-uzizie ekpokpọ re a ro dhesẹ oke uwuhrẹ nọ a nwene kpohọ na.

◼ Kiekpahe iruo ọkobaro na, a kẹ ekareghẹhọ enena:

○ A re ru owhowhovia kẹ ukoko na evaọ okenọ ọkobaro oke-kpobi ọ tẹ siọ iruo ọkobaro riẹ ba. Owhowhovia ọkpẹkpẹe na ọ rẹ sae jọ enẹ: “Ma be vuẹ ukoko na nọ [odẹ] ọ gbẹ rrọ ọkobaro oke-kpobi hi.”

○ Ute euwa ẹgbukpe kẹ ekobaro oke-kpobi họ euwa 840.

○ Nọ a tẹ kẹ ohwo ọwhọkuo ẹdhoguo hayo rehọ iẹ ziọ ukoko, ẹgbukpe ọsoso ọ rẹ vrẹ no taure a tẹ te kuvẹ re ohwo na o ru iruo ọkobaro obufihọ hayo ọrọ oke-kpobi.—Rri uko-obeva ọ Odibọgba Uvie Mai, September 1986 (ọrọ Oyibo), edhe-ẹme avọ 21, gbe 23.

◼ Re o lọhọ kẹ Society rẹriẹ ovao ku ileta ra, who re muẹrohọ eware enana: (1) Kere odẹ gbe adrẹse ra mu gbalọ fihọ ubienẹ obọze obehru ọ ileta ra na. (2) Whobọhọ ileta ra eva obọ ekuhọ na, re who kere odẹ ra mu gbalọ evaọ otọ obọ-owhẹhọ na keme ma sae riotọ hayo se obọ-owhẹhọ ra ha. A re rri ileta nọ a whobọhọ họ hayo nọ a kere odẹ fihọ họ ghaghae he keme e kare evaifihọ. Whọ tẹ rehọ ẹjini kporo ileta ra, who re kporo odẹ ra fihọ obotọ riẹ gheghe ọvo ho, keme ohwo ọfa kpobi ọ rẹ sai kporo ileta je kporo odẹ ra fihọ obọ ekuhọ na. Whọ rẹ whobọhọ ileta ra evaọ obehru odẹ ra. Taure who te ti vi ileta kpobi se Society, iviena kiẹ ziezi re whọ ruẹ nọ whọ nya lele eme ivẹ nọ a fodẹ evaọ obehru na.