Ọkiẹkpemu Isukulu Odibọgba Esuo-ọghẹnẹ
Obe ọkiẹkpemu orọ eme nọ a ru evaọ Isukulu Odibọgba Esuo-Ọghẹnẹ evaọ eka ọ September 2 rite December 23, 2002. Rehọ ẹwẹ-obe ọfa kere iyo enọ nọ whọ rẹ sae kẹ kpobi evaọ umuo oke nọ a kẹ na.
[Muẹrohọ: Evaọ etoke ọkiẹkpemu na, Ebaibol na ọvo whọ rẹ sai rri rọ kẹ uyo onọ kpobi. Ebe nọ a fodẹ nọ i lele enọ na e rrọ kẹ ekiakiẹ omobọ ra. Inọmba ẹwẹ-obe gbe edhe-ẹme e sae te rehọ oma via evaọ idhesẹ Uwou-Eroro Na kpobi hi.]
Kẹ iyo enọ nọ e rrọ obotọ na Uzẹme hayo Ọrue:
1. Eroro kpahe ekwakwa igbunu Jihova yọ owojẹ nọ o r’oja nọ a re ro si kẹle iẹe. (Ol. 143:5) [w00-E 10/15 ẹwẹ. 4 edhe. 6]
2. Ekpala ivẹ nọ a kugbe zihe ruọ ovo nọ a fodẹ evaọ Izikiẹl 37:15-24 na u wo orugba ọgbọna evaọ oware nọ o via evaọ 1919 nọ erọ ẹrọwọ nọ a wholo na a kuomagbe ọvo evaọ otọ Kristi, “ovie ọvo” gbe “othuru-igodẹ ọvo” rai. [Isase Ebaibol ọ Ẹkpoka; rri w88-E 9/15 ẹwẹ. 25 edhe. 13.]
3. Dede nọ egba-avro ilogbo mukpahe Ebaibol na a vro nọ iku obe Daniẹl e ghinẹ via ha, otokiẹ eware anwae anwọ ikpe buobu ze e raha eme rai. [si-E ẹwẹ. 138 edhe. 4]
4. Ẹme nọ ma yo o te no oria nọ o wọhọ oria udu ze hayo no obọ ohwo nọ ọ ta nọ o wo eriariẹ gaga ze, u re wo uvi iroro nọ ma rẹ rọ vro riẹ wọhọ ọrue he. [w00-E 12/1 ẹwẹ. 29 edhe. 7-8]
5. Ẹme na “eruẹaro esese” na, o nwani dhesẹ nọ ebe 12 urere erọ Ikereakere Hibru na i w’uzou tere he. [si-E ẹwẹ. 143 edhe. 1]
6. Emọs ọ jọ omọvo “emọ eruaro” na evaọ okenọ Jihova o se ei je vi ei re ọ ruẹaro kẹ Juda gbe Izrẹl. (2 Iv. 2:3) [si-E ẹwẹ. 148 edhe. 1]
7. Obedaya 16 o ruẹaro kpahe okpemuotọ orẹwho ahwo Edọm fiki omukpahe nọ a wo kẹ Juda. (Obed. 12) [Isase Ebaibol ọ Ẹkpoka; rri w89-E 4/15 ẹkpẹti ọ ẹwẹ. 30.]
8. ‘Emamọ ẹrọunu’ nọ a ta kpahe evaọ Zẹfanaya 3:9 na yọ emamọ otoriẹ uzẹme kpahe Ọghẹnẹ gbe ẹjiroro riẹ. [Isase Ebaibol ọ Ẹkpoka; rri w01-IS 3/1 ẹwẹ. 19 edhe. 18.]
9. Oware nọ Jesu ọ jẹ rọ rova evaọ ọgbọ Getsemane na họ ọ jẹ ruawa kpahe oghẹrẹ nọ uwhu riẹ wọhọ ohwo egbulegbu u ti kpomahọ Jihova gbe odẹ ofuafo Riẹ. (Mat. 26:38; Luk 22:44) [w01-IS 1/1 ẹwẹ. 4 edhe. 8]
10. “Ohwo Filistia” nọ ọ jọ “wọhọ oletu evaọ Juda,” wọhọ epanọ a dhesẹ evaọ Zekaraya 9:6, 7, NW, na ọ rrọ oriruo aruọruẹ nọ a ro dhesẹ ahwo igodẹ efa nẹnẹ enọ ‘odibo nọ o wo ẹrọwọ avọ areghẹ na’ o wuhrẹ jẹ kẹ udu wọhọ epanọ ẹgwọlọ na ọ rrọ. (Mat. 24:45) [Isase Ebaibol ọ Ẹkpoka; rri w95-E 7/1 ẹwẹ. 23 edhe. 14.]
Kẹ iyo enọ nọ e rrọ obotọ na:
11. Ẹvẹ a sae rọ rehọ owha-iruo mai re ma ta usiuwoma na rọ wawo owha-iruo Izikiẹl wọhọ ororoke? (Izik. 33:1-11) [Isase Ebaibol ọ Ẹkpoka; rri w88-E 1/1 ẹwẹ. 28 edhe. 13.]
12. Oware vẹ nọ o via evaọ oke mai nana o rrọ ọkpọ kẹ eruaruẹ Izikiẹl kpahe igbenwa eyaya na? (Izik. 37:5-10) [Isase Ebaibol ọ Ẹkpoka; rri w88-E 9/15 ẹwẹ. 24 edhe. 12.]
13. Eme ọ mae kẹ imuẹro nnọ Ọghẹnẹ ọ kẹ ẹgba nọ a ro kere obe ọ Zekaraya na? [si-E ẹwẹ. 169 edhe. 5]
14. Eme okpẹwho ọ eruaruẹ Izikiẹl na u dikihẹ kẹ? (Izik. 48:15-17) [Isase Ebaibol ọ Ẹkpoka; rri w99-IS 3/1 ẹwẹ. 24 edhe. 22.]
15. Iwhru vẹ enọ e rrọ ọyewọ ọvo e rẹ yọrọ? [fy-IS ẹwẹ. 106 edhe. 11]
16. Didi uwuhrẹ ma rẹ sai wuhrẹ no owọ nọ Daniẹl ọ jẹ kpahe uzi ovie na inọ evaọ edẹ 30 a rẹ lẹ se uvumọ ọghẹnẹ hayo ohwo ho ajokpa ọ ovie na ọvo ze? (Dan. 6:7-10) [Isase Ebaibol ọ Ẹkpoka; rri dp-IS ẹwẹ. 125 edhe. 25-28.]
17. Evaọ ewhowho ovuẹ Jihova vẹ okiọkotọ na o jo dikihẹ gaga no wọhọ okpohrokpo evaọ udevie erẹwho na? (Mae. 5:8) [Isase Ebaibol ọ Ẹkpoka; rri w81-E 7/15 ẹwẹ. 23 edhe. 10.]
18. Eme họ otofa eme na “whọ rehọ ire-izuẹ duwu uzou ewegrẹ ẹmo riẹ,” evaọ Habakuk 3:14? [Isase Ebaibol ọ Ẹkpoka; rri w00-IS 2/1 ẹwẹ. 28 edhe. 15; w81-E 8/1 ẹwẹ. 29 edhe. 6-7.]
19. Eme ẹme na “otiẹsejọ” eva Zẹfanaya 2:3 o dhesẹ? [Isase Ebaibol ọ Ẹkpoka; rri w01-IS 3/1 ẹwẹ. 11 edhe. 8.]
20. Wọhọ epanọ Zekaraya 8:6 ọ ta, anwọ ukpe ọ 1919 ze, ẹvẹ Jihova o ro ru oware nọ ohwo-akpọ ọ hai rri fihọ bẹbẹ lọhọ no? [Isase Ebaibol ọ Ẹkpoka; rri w96-IS 1/1 ẹwẹ. 24 edhe. 18-19.]
Fodẹ ẹme hayo eme nọ a gwọlọ re ihie-eme ọvuọvo obotọ na e tẹ gb’unu:
21. Ma rẹ ta ẹme se Jihova ẹkwoma __________________________ , onọ o rrọ ẹmeọta egagọ se Ọghẹnẹ; rọkẹ ọye omariẹ, ugogo edhere nọ ọ be rọ t’ẹme kẹ omai họ ẹkwoma __________________________ . (Ol. 65:2; 2 Tim. 3:16) [w00-E 10/15 ẹwẹ. 5 edhe. 2-3]
22. Nọ enọ i kere Ebaibol e t’ẹme kpahe Ileleikristi wọhọ irigbo Ọghẹnẹ, orọnikọ a be ta kpahe __________________________ ọgbahọ họ; oware nọ a bi dhesẹ na họ omarokpotọ __________________________ nọ u re no uyoyou udidi, udu kpobi ze kẹ Ọghẹnẹ gbe Ọmọ riẹ, Jesu Kristi. (Mat. 22:37; 2 Kọr. 5:14) [w01-IS 1/1 ẹwẹ. 3 edhe. 1]
23. ‘Ẹme na re a ruẹrẹ Jerusalẹm jẹ wariẹ e bọ’ ọ roma via evaọ __________________________ , nọ u kpoka họ emuhọ eka 69 erọ ikpe na, enọ i kuhọ evaọ ẹromavia ọ Mesaya na evaọ __________________________ . (Dan. 9:25) [Isase Ebaibol ọ Ẹkpoka; rri dp-IS ẹwẹ. 190 edhe. 20-ẹwẹ. 191 edhe. 22.]
24. Joẹl 2:31, onọ o ta kpahe ọre nọ o zihe ruọ ebi, u kiehọ Matiu 24:29 30, oria nọ __________________________ ọ jọ dhesẹ ẹtha riẹ wọhọ Ọmọ ohwo avọ __________________________ . [si-E ẹwẹ. 147 edhe. 13]
25. Eruẹaruẹ ọ __________________________ kpahe Asiria gbe okpẹwho esuo riẹ, __________________________ , o kpare ẹdhoguo-okiẹrẹe Jihova gbe ọkwa erumeru riẹ kpehru jẹ k’omai udu inọ Jihova o ti guẹdhọ irumuomu kpobi. [si-E ẹwẹ. 160 edhe. 11]
Salọ uyo ogbagba evaọ uhie-eme ọvuọvo nọ e rrọ obotọ na:
26. Obe ọ Izikiẹl u fi ẹgba họ inọ Jihova (o re ruọghọ; o wo omarokpotọ; ọ rrọ fuafo) u te je dhesẹ via nnọ (ẹbọ ekwakwa omobọ ohwo; erufuọ odẹ Jihova; emamọ orivẹ nọ ohwo ọ rẹ jọ) u w’uzou vi oware ofa kpobi. [si-E ẹwẹ. 137 edhe. 33]
27. Izikiẹl, ọnọ ọ rria evaọ etoke Daniẹl, ọ kẹ imuẹro nnọ Daniẹl yọ ohwo nọ ọ ghinẹ rria, ọ fodẹ odẹ riẹ kugbe (Noa gbe Job; Mosis gbe Joshua; Elaeja gbe Elaesha). [si-E ẹwẹ. 138 edhe. 2]
28. Rọwokugbe Daniẹl 2:34, 35, 45, utho nọ o tehe jẹ whọlọ uwoho na u dikihẹ kẹ (Amagẹdọn; ovuẹ ogaga ẹdhoguo nọ ahwo Ọghẹnẹ a bi whowho; Uvie Mesaya na). [si-E ẹwẹ. 142 edhe. 20, 23]
29. Orẹwho ẹwoho orọ ebaka ẹkpẹ nọ a fodẹ evaọ Joẹl 1:4-6 na u dikihẹ kẹ (orẹwho Izrẹl; Ileleikristi nọ a wholo; egbaẹmo ọ Rom). (Iruẹru 2:1, 14-17) [Isase Ebaibol ọ Ẹkpoka; rri w98-IS 5/1 ẹwẹ. 15 edhe. 9.]
30. Ileleikristi nọ e rrọ owowa a rẹ se usiwo imu hu thakpinọ (u re kpo ẹyao ohwo nọ ọ be mọ na; u mukpahe uzi Ọghẹnẹ hẹ; o wọso ẹjiroro ọ egba-eriariẹ hẹ). [fy-IS ẹwẹ. 124 edhe. 19]
Salọ ikereakere nọ i kiehọ ihie-eme obotọ na:
Hos. 6:6; Joẹl 2:32; Zek. 4:6, 7; 13:3; Rom 12:2
31. Ma rẹ kuvẹ re itee uruemu-ẹwho hayo erọ iroro akpọ eyero nana e kpọ iroro mai vievie he. [w00-E 11/1 ẹwẹ. 21 edhe. 5]
32. Oware nọ o rẹ were Ọghẹnẹ họ, orọnikọ ubu ọ idheidhe he, rekọ odhesẹvia uyoyou omarokpotọ nọ o roma hwa ẹriẹ nọ ma riẹ riẹe ze. [Isase Ebaibol ọ Ẹkpoka; rri si-E ẹwẹ. 145 edhe. 16.]
33. Ẹriẹ, adhẹẹ ọrọkẹ, gbe evaifihọ kpahe ohwo nọ o wo odẹ ofuafo na o r’oja kẹ esiwo. [Isase Ebaibol ọ Ẹkpoka; rri w89-E 3/15 ẹkpẹti ọ ẹwẹ. 30.]
34. Ẹjiroro Ọghẹnẹ o re rugba, orọnọ fiki ogaga ohwo-akpọ jọ họ, rekọ ẹkwoma ẹzi riẹ, onọ u re fi obọ họ kẹ idibo riẹ fi ezadhe nọ e wọhọ ugbehru kpare obọ je thihakọ evaọ iruo Ọghẹnẹ. [si-E ẹwẹ. 169 edhe. 2]
35. Omarokpotọ nọ u kpoka họ ukoko Jihova na u kpehru vi usu ohwo-akpọ kpobi, wọhọ orọ imoni-azẹ ekpekpe. [si-E ẹwẹ. 171 edhe. 24]