Wo Erere no Obe ọ Wuhrẹ Mi Owuhrẹ Ologbo Na Ze
1 Kẹlena, ohwo jọ nọ o wuzou uviuwou ọ nọ ọkpako ukoko jọ oware nọ ọ sai ro wuhrẹ ọmọ riẹ re ọ se erue ba ẹta. Ọkpako ukoko na ọ tẹ ta kẹe inọ ọ rehọ uzou avọ 22 orọ obe ọ Wuhrẹ Mi Owuhrẹ Ologbo Na ro wuhrẹ ọmọ na. Otẹrọnọ whẹ yọ ọnọ o wuzou uviuwou, kọ whọ riẹ irere nọ i re no eroruiruo obe nana ze? A kere i rie re a rehọ iẹe wuhrẹ emọ emamọ uruemu. U te no emọ nọ a rẹ rehọ iẹe wuhrẹ re a siọ eware iyoma ba eruo no, u ru iwuhrẹ Ebaibol vẹ je dhesẹ epanọ emọ a sae rọ whaha enwoma erọ akpọ oyoma nọ ma rrọ na.
2 Evaọ uzẹme, emọ mai kpobi a ti wo erere no obe nana ze. Otẹrọnọ whẹ yọ ọsẹ hayo oni, yọ who ri wuhrẹ obe nana re no kugbe emọ ra ha, daoma rehọ iẹe ru obe-uwuhrẹ uviuwou. Nọ who te wuhrẹ oma obe na kpobi kugbe uviuwou ra no, u ti fi obọ họ kẹ owhẹ rehọ iwuhrẹ sa-sa nọ e riẹe eva rọ kpọ emọ ra họ nọ ebẹbẹ jọ e tẹ roma via.
3 Nọ Mosis ọ fodẹ izi Ọghẹnẹ buobu no, ọ ta nọ: “Eme nana nọ [me] je kẹ owhai nẹnẹ na e rẹ jọ eva rai; Wha rẹ rehọ ae wuhrẹ emọ rai owowa.” (Izie. 6:6, 7) Nọ whọ be rehọ obe ọ Wuhrẹ Mi Owuhrẹ Ologbo Na ro wuhrẹ emọ ra ziezi na, koyehọ who bi ru lele uvi ohrẹ nana. Enọ nọ i lele uvitha Odibọgba Uvie Mai nana ze na i ti fi obọ họ kẹ owhẹ nọ whọ tẹ be rọ obe nana ru uwuhrẹ. Iviena fi enọ nana họ evaọ obe ra na, yọ whọ sae rehọ ai ruiruo nọ whọ tẹ be rọ obe nana ru uwuhrẹ.