Enọ Uwuhrẹ Rọkẹ Obe ọ Wuhrẹ Mi Owuhrẹ Ologbo na
Ithubro Rọkẹ Epanọ A re ro Wuhrẹ Obe ọ Owuhrẹ Ologbo Na
Re whọ sai wuhrẹ obe nana evaọ edhere nọ ọ rẹ kẹ erere, kẹ idhe-eme nọ e rrọ uzou ovuọvo inọmba, te enọ e rrọ abọ eme-emuhọ na. A re se idhe-eme nọ e rrọ abọ ọvuọvo na kpobi ẹsiẹvo. A sae tẹme kpahe ikereakere nọ e rrọ urere uzou na evaọ udevie uwuhrẹ na nọ o tẹ gwọlọ ere.
Nọ a te bi wuhrẹ obe na evaọ Uwuhrẹ Obe Ukoko, izou ivẹ a re wuhrẹ koka koka, yọ abọ eme-emuhọ na a rẹ rehọ wọhọ uzou ọsosuọ. Abọ 25 a ghale obe na fihọ nọ a re ro wuhrẹ iẹe re, a rẹ rehọ oka urere na wuhrẹ Uzou avọ 48 je ru ọkiẹriwo ọkpẹkpẹe ọrọ obe na.
Uzou Avọ 16 Edhe-ẹme 1-6
1. Ẹbẹbẹ vẹ ọzae jọ nọ o gu oniọvo riẹ kẹ Jesu o wo?
2. Didi iku Jesu o gbe ro dhesẹ oware nọ o jọ iroro ọzae na thọ? (Se Luk 12:16-21)
Edhe-ẹme avọ 7-13
3. Oghẹrẹ vẹ ahwo buobu, te emaha t’ekpako a rọ wọhọ ọdafe na?
4. Eme o wuzou vi ekwakwa efe, rekọ ẹvẹ ahwo buobu nẹnẹ wọhọ ọdafe na a bi ro dhesẹ oware nọ o mai wuzou kẹ ae?
5. Fikieme ma gbẹ jọ wọhọ ọdafe nọ Jesu o gbiku riẹ na ha?
Edhe-ẹme avọ 14-17
6. Eme u dhesẹ re a fe evaọ obọ Ọghẹnẹ?
7. Emamọ oriruo vẹ Jesu o fihotọ kẹ omai?
8. Ẹvẹ a rọ hwosa kẹ Jesu fikinọ o fe evaọ obọ Ọghẹnẹ?
Uzou Avọ 17 Edhe-ẹme 1-8
1. Eme ọ rẹ wha evawere ze?
2. Fikieme a ro se Jihova ‘Ọghẹnẹ evawere na’?
3. Eme ma rẹ sae kẹ amọfa?
Edhe-ẹme avọ 9-12
4. Eme Jesu avọ ikọ riẹ a kẹ amọfa?
5. Eme Pọl avọ Luk a kẹ amọfa, kọ fikieme eva e rọ were Lidia zizie ai ziọ uwou riẹ?
Edhe-ẹme avọ 13-16
6. Ẹvẹ u fo nọ okẹ nọ ma rẹ kẹ amọfa o rẹ j’omai oma, kọ fikieme?
7. Fikieme aye oyogbere jọ ọ rọ rehọ evawere kẹ onọ o wo kpobi?
8. Idhere jọ vẹ ma sae rọ ‘hae kẹ okẹ,’ kọ eme ma rẹ sai rẹro riẹ otẹrọnọ ma ru ere?
Uzou Avọ 18 Edhe-ẹme 1-5
1. Eme u fo nọ ma ru nọ amọfa a te ru oware ezi kẹ omai?
2. Eme họ oti, kọ fikieme a jẹ hai ro leri emoti evaọ edẹ Jesu?
3. Ẹvẹ Jesu o ru emoti?
Edhe-ẹme avọ 6-12
4. Eme Jesu ọ ta kẹ emoti ikpe nọ e yare riẹ nọ o siwi ai, kọ fikieme o ro ru onana?
5. Eme o dhesẹ nọ emoti na a rọwo nnọ Jesu ọ sai siwi oti rai?
6. Eme ọ via kẹ emoti na evaọ edhere nọ a jẹ nyai dhesẹ oma rai kẹ izerẹ na?
7. Ẹvẹ ọzae Sameria na o ro wo ohẹriẹ no ezae izi edekọ?
Edhe-ẹme avọ 13-18
8. Ẹvẹ ma sae rọ raro kele ọzae nọ o zihe ze ti yere Jesu na?
9. Fikieme u ro wuzou re ma yere ahwo nọ a ru emamọ eware kẹ omai?
Uzou 19 Edhe-ẹme 1-5
1. Eme Jesu ọ ta kpahe eru udhedhẹ, rekọ eme o jẹ jọ bẹbẹ ẹsejọ re ma ru ere?
2. Nọ ahwo Sameria a dhesẹ eva-egaga kẹ ilele Jesu, eme Jemis avọ Jọn a jẹ gwọlọ ru?
Edhe-ẹme avọ 6-12
3. Eme Itẹ 24:29 o ta kpahe orukele?
4. Ẹvẹ ma re wo otoriẹ eme Jesu nọ e rrọ Matiu 5:39 na?
5. Ma tẹ kparo ruẹ ẹbẹbẹ, eme ọ mai woma nọ ma re ru, kọ fikieme?
Edhe-ẹme avọ 13-17
6. Eme Itẹ 26:17 o ta, kọ ẹvẹ ohọre amọfa nọ a re dhomahọ o rọ rrọ epọvo na?
7. Eme ahwo a rẹ mai ru nọ ahwo a tẹ be họre, rekọ eme u fo nọ Oleleikristi o re ru, kọ fikieme?
Uzou Avọ 20 Edhe-ẹme 1-7
1. Ẹvẹ ahwo nọ a rẹ gwọlọ karo ẹsikpobi a jọ Jesu oma?
2. Didi iku Jesu o gbe, kọ fikieme?
3. Eme họ otọ iku Jesu na?
4. Nọ ohwo ọ tẹ gwọlọ karo, eme o rẹ mai noi ze?
Edhe-ẹme avọ 8-15
5. Ẹvẹ ohwo ọsosuọ nọ a rẹ gwọlọ jọ o rọ wha ẹbẹbẹ ze evaọ udevie ikọ Jesu nọ a jọ edhere je kpọhọ Jerusalẹm?
6. Eme Jesu ọ ta nọ ohwo nọ ọ gwọlọ jọ ohwo ọsosuọ o re ru?
7. Ẹvẹ ma sai ro ru wọhọ erigbo kẹ ohwohwo?
Uzou Avọ 21 Edhe-ẹme 1-10
1. Eme u dhesẹ re a seha, kọ eme who roro kpahe ahwo nọ a re ru ere?
2. Didi iku Jesu o gbe kpahe ohwo Farisi gbe omiazọhọ jọ?
3. Eme Jesu ọ rehọ iku riẹ na ro wuhrẹ?
Edhe-ẹme avọ 11-19
4. Okevẹ Pita o ro seha, kọ oghẹrẹ vẹ ahwo buobu a bi ro ru ere nẹnẹ?
5. Fikieme u gbe fo re ohwo ọ rọ omobọ riẹ seha ha?
6. Ono họ ohwo nọ ma re ro seha, kọ fikieme?
Uzou Avọ 22 Edhe-ẹme 1-6
1. Eme Jesu ọ rehọ ẹme riẹ nọ a re duku eva Matiu 5:37 na dhesẹ?
2. Didi eware jọ e via nọ Jesu ọ nwani whu no?
Edhe-ẹme avọ 7-13
3. Eme Ananias avọ Safira a ru nọ o thọ, kọ eme ọ via kẹ ai?
4. Eme ikuigbe Ananias avọ Safira na u wuhrẹ omai?
Edhe-ẹme avọ 14-18
5. Fikieme o rọ thọ re a ta ọrue?
6. Okevẹ iroro ọrueta e sae rọ ziọ omai udu?
7. Unuovẹvẹ vẹ Ebaibol na e kẹ omai kpahe ọrueta?
Uzou Avọ 23 Edhe-ẹme 1-8
1. Diẹse Jesu ọ jọ nọ a wọ ọzae jọ nọ okie o kie sei?
2. Eme u ru riẹ jọ bẹbẹ kẹ ọzae nọ okie o kie na re o te Jesu oma, kọ ẹvẹ ọ sai ro tei oma?
3. Eme Jesu o ru ro fiobọhọ kẹ ọzae nọ okie o kie na?
Edhe-ẹme avọ 9-14
4. Eme ma wuhrẹ no iruo igbunu Jesu nọ o ro siwi ọzae nọ okie o kie na ze?
5. Oghẹrẹ vẹ ahwo-akpọ kpobi a rọ rrọ erahaizi?
Edhe-ẹme avọ 15-18
6. Fikieme ahwo jọ a jẹ mọ vi ahwo jọ?
7. Edhere vẹ ọvo a sai ro si izieraha mai no, kọ oghẹrẹ oma vẹ ma ti wo nọ a te si izieraha mai kpobi no?
Uzou Avọ 24 Edhe-ẹme 1-13
1. Eme ọ rẹ sai ru ohwo tho uji?
2. Ono họ oji ọsosuọ, kọ eme o tho?
3. Isiuru ethọthọ vẹ mai kpobi ma rẹ whaha?
4. Eware iyoma vẹ isiuru ethọthọ Judas Iskariọt e wọ riẹ ru?
Edhe-ẹme avọ 14-21
5. Ẹvẹ Ekan o ro zihe ruọ oji?
6. Ẹvẹ Devidi gbe ọmọ riẹ Absalọm a ro tho oware nọ o rrọ orai hi?
7. Ẹvẹ Ọghẹnẹ o rri oghẹrẹ ujitho kpobi?
8. Eme o re fiobọhọ k’omai nọ ma gbe zihe ruọ oji vievie he?
Uzou Avọ 25 Edhe-ẹme 1-8
1. Eme ọ be hae lẹliẹ omai kpobi ru oware uyoma ẹsejọ?
2. Eware iyoma vẹ Sọl o ru, kọ fikieme?
Edhe-ẹme avọ 9-15
3. Eme ọ via kẹ Sọl evaọ edhere nọ o jẹ nyai mu Ileleikristi?
4. Eme Sọl o zihe rro, kọ eware iwoma vẹ o ru?
5. Ono ọ be daoma kpobi re o ru ahwo ru eware iyoma?
Edhe-ẹme avọ 16-20
6. Ohọre vẹ mai kpobi ma be họre?
7. Fikieme Jesu o ro you ahwo nọ a ru eware iyoma vẹre no?
8. Nọ ma tẹ jọ Ebaibol na wuhrẹ inọ oware nọ ma bi ru u woma ha, eme u fo nọ ma ru?
Uzou Avọ 26 Edhe-ẹme 1-9
1. Nọ Sọl o zihe ruọ olele Jesu no, ẹvẹ a ru rie?
2. Uzẹme Ebaibol vẹ Jesu o wuhrẹ nọ o lẹliẹ eva dha ahwo?
3. Eme ahwo na a jẹ gwọlọ ru Jesu, kọ onana u ru nọ Jesu ọ rọ siọ usiuwoma ba ẹta kẹ ae?
Edhe-ẹme avọ 10-14
4. Iruo igbunu vẹ Jesu o ru evaọ Ẹdijala?
5. Amono eva e were fiki iruo igbunu Jesu, kọ amono eva e were he?
6. Iroro vẹ mai kpobi ma rẹ jẹ?
7. Ono o bi ru ei bẹbẹ kẹ omai re ma siọ oware uwoma ba eruo?
Edhe-ẹme avọ 15-18
8. Amono a ru akpọ nọ o mukpahe ilele Jesu via?
9. Fikieme o jẹ rrọ bẹbẹ gaga re a ru oware uwoma?
10. Eyaa vẹ e rẹ wọ omai ru oware nọ Ọghẹnẹ ọ gwọlọ?
Uzou Avọ 27 Edhe-ẹme 1-5
1. Fikieme ahwo a jẹ rọ gwọlọ gọ Pọl avọ Banabas, rekọ eme Pọl avọ Banabas a ta je ru?
2. Eghẹnẹ vẹ ahwo buobu a be gọ?
3. Ono họ ọghẹnẹ akpọ nana, kọ eme ọ rẹ daoma bẹbẹ ahwo họ ru?
Edhe-ẹme avọ 6-13
4. Eme Nebukadneza Ovie na ọ kẹ ujaje nnọ ahwo kpobi a ru, rekọ fikieme emoha Hibru esa jọ a jẹ se?
5. Iruo igbunu vẹ Jihova o ru, kọ eme onana o wọ Nebukadneza Ovie na ta?
Edhe-ẹme avọ 14-15
6. Kọ whọ sae fodẹ odẹ emema jọ hayo emedhọ nọ ahwo a be gọ nẹnẹ?
7. Eme who roro nọ o rẹ jọ uruemu emoha Hibru esa na kpahe emedhọ o hae jọ nọ a rrọ uzuazọ nẹnẹ?
Uzou Avọ 28 Edhe-ẹme 1-5
1. Fikieme o jẹ jọ bẹbẹ ẹsejọ re ma riẹ ohwo nọ ma re yoẹme kẹ?
2. Ithubro vẹ a kẹ emaha na evaọ Ebaibol na?
3. Fikieme Shedrak, Mishak gbe Abẹdnigo a rọ se nọ a re ruwẹ kẹ ẹmema nọ Nebukadneza o ro vi hi?
4. Nọ ikọ na a rẹriẹ ova dhe ẹbẹbẹ ohwo nọ a re yoẹme kẹ, eme a jiroro nọ a re ru?
Edhe-ẹme avọ 6-10
5. Ono o wuzou egọmeti evaọ edẹ Jesu, kọ eware iwoma vẹ egọmeti a be hai ru?
6. Eme Jesu ọ ta kpahe ẹhwa osa-uzou, kọ fikieme uthubro Jesu na u ro kiehọ?
Edhe-ẹme avọ 11-18
7. Fikieme u je fo nọ te emaha te ekpako a yoẹme kẹ izi egọmeti gbe ahwo nọ a ro mu?
8. Okevẹ Ileleikristi uzẹme a rẹ rọ nya lele izi jọ họ, kọ fikieme?
Uzou Avọ 29 Edhe-ẹme 1-10
1. Eme o dhesẹ nọ Ọghẹnẹ o mukpahe ehaa nọ a re ru hu, rekọ oghẹrẹ ehaa vẹ ọ jẹrehọ họ?
2. Ehaa ẹdẹ-eyẹ ivẹ vẹ Ebaibol i gbiku rai?
3. Gbiku oware nọ o via evaọ ehaa enana.
Edhe-ẹme avọ 11-15
4. Eme who roro nọ Ebaibol na e be ta kẹ omai kpahe ehaa ẹdẹ-eyẹ?
5. Ẹdẹ vẹ ahwo a salọ nọ a be hai ro ru ehaa ẹdẹ-eyẹ Jesu, kọ fikieme o gbẹ sae rọ jọ nọ oke yena ukpe na a ro yẹ Jesu hu?
Edhe-ẹme avọ 16-17
6. Fikieme ahwo a bi ro ru Ikresimesi?
7. Ẹvẹ o sai ro mu omai ẹro inọ ehaa nọ ma bi ru e were Ọghẹnẹ? (Jọn 17:16; 2 Ahwo Kọrint 6:14; 1 Pita 4:3)
Uzou Avọ 30 Edhe-ẹme 1-9
1. Eme ọ lẹliẹ ozọ mu Pita avọ ikọ edekọ?
2. Eware jọ vẹ e via nọ e wha riẹ ze nọ Pita ọ rọ vro Jesu?
Edhe-ẹme avọ 10-16
3. Brẹse Pita ọ vro inọ ọ riẹ Jesu hu, kọ eme ọ via nọ a rọ nọ Pita sọ ọ riẹ Jesu?
4. Ẹvẹ ma sae rọ jọ otọ uyero nọ o wọhọ onọ Pita ọ rẹriẹ ova dhe na?
5. Eme ọ rẹ sai fiobọhọ kẹ omai whaha ozọ gbe oghẹrẹ uweri nọ Pita ọ ruẹ uye riẹ na?
Uzou Avọ 31 Edhe-ẹme 1-7
1. Didi omosasọ Ebaibol na ọ kẹ enọ e rrọ ọkọkora?
2. Dede nọ Jesu ọ ruẹ uye, eme ọ riẹ kpahe?
3. Oghẹrẹ vẹ ma rọ wọhọ igodẹ, kọ didi iku Jesu o gbe kpahe ogodẹ nọ o vru?
Edhe-ẹme avọ 8-12
4. Ono ọ wọhọ othuru-igodẹ na evaọ iku Jesu na, kọ fikieme o gbẹ rrọ ẹbẹbẹ hẹ inọ ma rẹ rue Riẹ hẹ?
5. Ẹvẹ Olezi avọ 23 o ro dhesẹ inọ Jihova o you omai?
Edhe-ẹme avọ 13-15
6. Fikieme igodẹ Ọghẹnẹ a gbẹ dhozọ họ?
7. Ẹvẹ Jihova ọ rehọ enọ i wo ẹrọwọ, kọ ẹvẹ u fo nọ oyena u re kpomahọ oghẹrẹ nọ ma riwi Jihova?