Ẹme-Obotọ

a Eva e rẹ were omai nọ ahwo a tẹ be gaviezọ kẹ usi uwoma nọ ma be ta, yọ o rẹ kẹ omai uye nọ a gbe bi ru ere he. Ẹsejọhọ who bi wuhrẹ Ebaibol kugbe ohwo jọ, rekọ ọ be rọwo nyaharo ho. O sae jẹ jọ nọ who ri wuhrẹ Ebaibol kugbe ohwo ọvo te epanọ ọ rọ họ-ame he. Kọ whọ te ta nọ whọ be daoma tere he evaọ iruo Uvie na? Ma te jọ uzoẹme nana ruẹ eware nọ i re dhesẹ nọ ma be riẹ ru ziezi evaọ iruo usi uwoma ota na. Ma te jẹ ruẹ epanọ eva e sae rọ were omai ghele nọ ahwo a gbẹ make gaviezọ họ.