Fiẹro h’Otọ Ziezi kẹ Oghẹrẹ nọ Whọ be rọ Oke Ra Ruiruo

¹ Evaọ oge nana nọ ma jọ wo ekwakwa nọ i re ru eware vẹrẹ jẹ lọhọ na, eware nọ ahwo buobu a bi ru i bi bu viere, yọ oke nọ a re ro ru ai o be kawo viere. Kọ o be jọ bẹbẹ k’owhẹ re whọ nya lele emamọ omaa iruẹru abọ-ẹzi? Kọ o rrọ owhẹ oma inọ dodo kọ who wo oke viere kẹ odibọgba na? Ẹvẹ ma sae rọ rehọ oke mai ruiruo ziezi?—Ol. 90:12; Fil. 1:9-11.

² Vuhu Eware nọ I bi Mi Owhẹ Oke Mu: U re woma re n’oke ruoke, mai kpobi ma kiẹ epanọ ma be rehọ oke mai ruiruo riwi. Ebaibol e kẹ uduotahawọ nọ: “Wha fiẹrohọ otọ enẹna eva onya rai, o jọ wọhọ igheghẹ hẹ rekọ iwoareghẹ, wha raha oke he, keme edẹ na i re yoyoma.” (Ẹf. 5:15, 16) Roro kpahe ebẹbẹ nọ ẹnyaharo ikuaku eware nọ a rẹ rọ wha evuẹ ọ wha ze no. Dede nọ kọmputa gbe ekwakwa ikporakporo i re fi obọ họ, e rẹ sai zihe ruọ agbefẹ ma gbe muẹrohọ oghẹrẹ nọ ma be rehọ oke mai ruiruo ho.—1 Kọr. 7:29, 31.

³ U fo re mai omomọvo ma nọ oma mai nọ: ‘Kọ mẹ be raha oke kẹdẹ kẹdẹ ro se jẹ za evuẹ kọmputa nọ i fioka ha? Kọ mẹ be hae rehọ ifonu se ahwo hayo rehọ ifonu nọ i wo ufi hi vi evuẹ nọ i wuzou hu ẹsikpobi? (1 Tim. 5:13) Kọ me re mu kiẹ Itanẹte hayo nwene no oria etẹlivisiọno jọ kpohọ ọfa gheghe gheghe? Kọ erozaha kọmputa hayo erozaha efa, wọhọ ọludo gbe ebọro-efa, i bi mi omẹ oke nọ me re ro wuhrẹ Ẹme Ọghẹnẹ? Kọ mẹ be raha enwenọ urere-oka kpobi ro kpohọ ehaa-orọo hayo ehaa efa?’ Eware itieye na e rẹ sae rehọ ẹmẹrera raha edikihẹ abọ-ẹzi mai no.—Itẹ 12:11.

⁴ Oke U ro Ruiruo avọ Areghẹ: Ekwakwa ikporakporo gbe eware arozaha efa e rẹ rehọ oke gbe iroro mai. Uzoge jọ nọ o du oma le no vẹre evaọ ezaharo kọmputa ọ ta nọ: “Ẹsejọ nọ mẹ tẹ zaro kọmputa taure me te ti kpohọ odibọgba na hayo ewuhrẹ Ileleikristi, o jẹ hae jọ bẹbẹ re me fi iroro họ odibọgba hayo ewuhrẹ na. Oware nọ mẹ jẹ hẹ mai roro kpahe họ epanọ mẹ te rọ zaro na woma viere nọ me te zihe te obọ uwou. Uwuhrẹ omobọ mẹ gbe isase Ebaibol ẹsikpobi e rioja gaga. Oghọghọ mẹ evaọ egagọ Ọghẹnẹ u te muhọ ekie kpo.” Nọ o vuhumu nnọ u fo re o ru inwene, o te si erozaha kọmputa kpobi no kọmputa riẹ. Ọ ta nọ: “O jọ bẹbẹ k’omẹ gaga. Me duoma họ erozaha na vi epanọ me roro vẹre. Rekọ eva e were omẹ nnọ mẹ sai si erozaha na no kọmputa mẹ keme mẹ riẹ nnọ me ru ei kẹ erere mẹ.”—Mat. 5:29, 30.

⁵ O rẹ sai kiehọ re ohwo o ru epanọ uzoge nana o ru na otẹrọnọ eria jọ e riẹ nọ who roro nọ whọ jọ gwọlọ inwene. Kọ whọ sae dẹ ubro auwa no iruẹru nọ e roja ha ze kẹdẹ kẹdẹ? Ẹkwoma ere oruo, whọ rẹ sai se Ebaibol na re evaọ ẹgbukpe. Irere abọ-ẹzi nọ who re wo i ti bu kẹhẹ! (Ol. 19:7-11; 119:97-100) Fi uzedhe oke họ kẹ isase Ebaibol, oma o ruẹrẹ họ kẹ iwuhrẹ, gbe iruo odibọgba na. (1 Kọr. 15:58) Enẹ oruo u ti fi obọ họ k’owhẹ kpọ eware nọ i re mi ohwo oke je fi obọ họ k’owhẹ “riẹ otọ epanọ oreva Ọnowo na o rọ.”—Ẹf. 5:17.

Ẹme nọ Whọ rẹ Ta Kpahe Emagazini Na

Awake! Jan. 22

“Enẹ odẹ-oma Ọghẹnẹ o wọhọ evaọ ẹvẹrẹ Hibru. [Dhesẹ uke emagazini na.] Ahwo jọ a roro nnọ u fo re a se odẹ nana via vievie he. Amọfa a bi sei do via ababọ ẹkodhere. Ukere Awake! nana o ta kpahe avro nana. O tẹ jẹ ta kpahe epanọ ma sae rọ riẹ odẹ Ọghẹnẹ.” Se Olezi 83:18.

Uwou-Eroro Na Feb. 1

“Evaọ olẹ oriruo riẹ, Jesu o ku ayare na kugbei: ‘Rehọ emu inẹnẹ kẹ omai nẹnẹ.’ [Se Matiu 6:11.] Kọ whọ sai roro no ẹdẹjọ kpahe oware nọ o ro fi ayare nana kugbe olẹ oriruo riẹ na? [Kuvẹ kẹ uyo.] Emagazini nana ọ ta kpahe uvi eware jọ nọ ma rẹ sai wuhrẹ no ayare nana ze.”

Awake! Feb. 8

“Ahwo buobu nẹnẹ a bi yere uzuazọ nọ a be jọ wo uvẹ hẹ, yọ o gwọlọ nọ a re serihọ ziezi. Ẹsejọhọ whọ te rọwo kugbe eme nana nọ a kere bu vi ikpe 3,000 no na. [Se Ọtausiwoma Na 4:6. Kẹsena whọ vẹ kuvẹ kẹ uyo.] Ukere Awake! nana o kẹ ovuẹ nọ u re fi obọ họ kẹ ohwo vuhu ẹbẹbẹ na gbe epanọ ohwo o re ro yeri kugbe ẹbẹbẹ osa owezẹ nọ ohwo ọ re.”

viere no, u ru owhai fihọ obọdẹ ahwo nọ Jihova ọ be ghale no re, jẹ be tha owhai uke evaọ abọ-ẹzi nọ wha be dhẹ ohrẹ nọ a fihọ kẹ owhai na. (Hib. 12:1, 2; Evia. 12:17) Ẹhẹ, jọ u mu owhẹ ẹro inọ ‘ọnọ ọ be sẹro ra o re go fiki owezẹ hẹ.’—Ol. 121:3.

Uzoẹme Ẹgbukpe 2004 na, “Wha rroro . . . Wha ruẹrẹ oma kpahe” o nwane rrọ ẹruoke. (Mat. 24:42, 44, NW ) A jọ Ẹme Ọghẹnẹ dhesẹ Ileleikristi wọhọ erara evaọ uyerakpọ nana nọ o be vrẹ na. (1 Pita 2:11; 4:7) Fikiere, u fo re ma tẹrovi eware abọ-ẹzi, re ma ru izuazọ mai lọhọ, jẹ kiẹ idu mai riwi ziezi. “Odudu ologbo na” ọ be gwọlọ mu omai lọ, dẹ omai rehọ fihọ uyerakpọ riẹ.—Evia. 12:9.

Isase Ebaibol ekẹdẹ kẹdẹ e r’oja ma tẹ gwọlọ jaja aro vi. O rẹ sai fi obọ họ k’omai ‘ru Ee mai jọ Ee’ evaọ ẹnyate omarọkẹ mai jẹ “yọrọ ẹruọrọsuọ ọsosuọ mai na whawha te urere.” (Jem. 5:12; Hib. 3:14) Isase Ebaibol ekẹdẹ kẹdẹ o rẹ sai fi obọ họ k’omai kareghẹhọ epanọ akpọ na o kiuke ku itee Ọghẹnẹ nọ i re nwene he thabọ te no. (Mal. 3:6; 2 Tim. 3:1, 13) Eriariẹ Ebaibol e rẹ sai fi obọ họ k’omai whaha ‘iku anwae nọ a nabe ma kiete’ jẹ yọrọ ẹrọwọ mai kẹ Jihova.—2 Pita 1:16; 3:11.

Esẹgbini, nọ wha be rehọ ọwhọkuo gbe ọkpọhọ-iroro Jihova yọrọ emọ rai na, kọ wha bi fi obọ họ kẹ ae fi itee abọ-ẹzi họ je ‘rroro’? (Ẹf. 6:4) Kọ wha bi wuhrẹ ai re a rri obaro na wọhọ epanọ Jesu, ọzae nọ ọ mai wo areghẹ nọ ọ rria no, o rri obaro riẹ? Jesu ọ hae sae jọ ọwena, oku-eware, hayo ọbo nọ ọ mae rro nọ ọ rria no, rekọ ukpoye o le odibọgba oke-kpobi na. Jọ oriruo riẹ ọ wọ owhai fi obọ họ kẹ emọ rai re a fi isiuru Uvie na họ oware ọsosuọ evaọ uzuazọ rai.

Utu ọrigbo ẹrọwọ na, onọ Ugboma Esuo na a rrọ ẹro kẹ, o be rehọ udu kpobi yere “otu obuobu” na fiki obọ nọ a bi fihọ k’omai ru owha-iruo mai gba orọ ‘emamọ usi uvie na nọ ma re whowho nya otọakpọ na kpobi wariẹ re o jọ isẹi.’ (Evia. 7:9; Mat. 24:14, 45) Whai inievo eghaghae, jọ u mu owhai ẹro inọ Jihova ọ be kareghẹhọ “iruo rai . . . gbe uyoyou nọ owha be rehọ fiki riẹ ruẹ gbe epanọ wha be ga erezi na, wọhọ epa o nọ wha ruẹabọhọ na.” (Hib. 6:10) Nọ who bi se eware isiuru nọ e via je muẹrohọ iyẹrẹ omodawọ okugbe rai evaọ ewẹ-obe 2004 Yearbook of Jehovah’s Witnesses na, riẹ nnọ who ru abọ ologbo no evaọ isẹri-ise akpọ-soso nana.

Ajọ wha rẹriẹ ovao ku obaro na avọ udu nọ wha gbe bi ‘rri kparo kpohọ ẹhwa osa na,’ ababọ uvẹ nọ wha rẹ kẹ ohwo-akpọ jọ hayo idhivẹri re a bru iruo rai dhe. (Hib. 11:26; Kọl. 2:18) Ẹhẹ, fi eva họ Jihova, avọ udu inọ o ti fi obọ họ kẹ enọ i you rie kpobi re a le uvi uzuazọ na t’obọ.—Jọn 6:48-54.

Riẹ nọ eva e be were omai inọ ma bi lele owhai ruiruo rọkẹ oruaro Jihova.

Inievo rai,

Ugboma Esuo orọ Isẹri Jihova