Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ December 26, 2005 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ November 7 rite December 26, 2005. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Eme ma rẹ sai ru ro dhesẹ nọ “fiki uyoyou” ma be rọ kẹ uduotahawọ? (Filim. 9) [be-IS ẹwẹ. 266]

2. Idhere vẹ ma sae rọ “rehọ emamọ uwuhrẹ wuhrẹ ahwo”? (Tait. 1:9) [be-IS ẹwẹ. 267 edhe. 1-2]

3. Fikieme u je wuzou re ma ru ẹme mai evaọ oghẹrẹ nọ o rẹ rọ kẹ uduotahawọ, kọ ẹvẹ ma sai ro ru onana? [be-IS ẹwẹ. 268 edhe. 1-3, ẹkpẹti]

4. Evaọ aro orokele Mosis, ẹvẹ eware nọ Jihova o ru kẹ ahwo riẹ no nọ ma rẹ kareghẹhọ inievo mai o sae rọ kẹ ae uduotahawọ? (Izie. 3:28; 31:1-8) [be-IS ẹwẹ. 268 edhe. 5-ẹwẹ. 269 edhe. 2]

5. Fikieme ẹme nọ ma rẹ rọ omaweromẹ ta kpahe eware nọ Jihova o bi ru enẹna gbe enọ o ti ru evaọ obaro o sae rọ jọ uduotahawọ kẹ ahwo nọ ma be ta ẹme kẹ? [be-IS ẹwẹ. 270-ẹwẹ. 271]

ẸME 1

6. Ẹvẹ ma sae rọ bọ ibe Ileleikristi mai ga? [w03-E 5/15 ẹwẹ. 22 edhe. 5-ẹwẹ. 23 edhe. 2]

7. Oghẹrẹ okẹ vẹ o rẹ were Ọghẹnẹ? [w03-IS 6/1 ẹwẹ. 5 edhe. 2]

8. Ẹvẹ ohwo-akpọ o re ro wuhrẹ epanọ a re you amọfa? [w03-IS 7/1 ẹwẹ. 4 edhe. 1; ẹwẹ. 5 edhe. 4]

9. Uvi idhere jọ vẹ ma sai ro ru ewoma kẹ amọfa? (Gal. 6:9, 10) [w03-E 7/15 ẹwẹ. 7 edhe. 2-3]

10. Fodẹ ekpọvio esa jọ nọ i no Ebaibol ze nọ e rẹ sai fi obọ họ kẹ omai jẹ iroro egbagba. [w03-E 10/15 ẹwẹ. 4-5]

ISASE EBAIBOL ẸKPOKA

11. Kọ fikinọ Jihova ọ kẹ Devidi uvẹ re ọ bọ etẹmpol na ha u dhesẹ nọ emo nọ Devidi o je fi na e were Jihova ha? (1 Irv. 22:6-10)

12. Evaọ olẹ eromudhe etẹmpol na, ẹvẹ Solomọn o ro dhesẹ inọ orọnikọ ẹgwọlọ idibo riẹ wọhọ ẹko ọvo Jihova ọ rẹ kezọ kẹ hẹ rekọ ọ riẹ uyero omomọvo nọ e be dhozọ riẹ? (2 Irv. 6:29, 30)

13. Okenọ Gọg ọrọ Magọg ọ tẹ wọ ohọre bru ahwo Ọghẹnẹ, eme ma re ru, wọhọ epanọ o rrọ 2 Iruẹru-Ivie 20:17 na?

14. Nọ orọnọ esuo Basha o muhọ “evaọ ukpe avọ esa Asa” yọ ikpe 24 ọvo o su na, ẹvẹ ma re wo otoriẹ ẹme na inọ Basha ọ wọ ẹmo ze Juda “evaọ ukpe avọ ọgba gbe ezeza nọ Asa o je ro su”? (1 Iv. 15:33; 2 Irv. 16:1)

15. Ẹvẹ obe 2 Iruẹru-Ivie 20:22, 23 u ro dhesẹ oware nọ o be te via kẹ akpọ Setan kẹlena vevẹ?

Kọ Whọ be Rehọ Obe-Uzizie Ruiruo?

Evaọ ẹdẹ jọ, ọmọzae ikpe-ikpegbọvo jọ ọ ruẹ obe-uzizie nọ u wo owhowhovia kpahe ovuẹ ogbotu nọ o ta kpahe ehẹle. Ọmọzae na ọ ta okiofa nọ: “Onana u si omẹ urru gaga, keme o wọhọ inọ oware nọ u woma ha ọvo mẹ jẹ hai ru, fikiere mẹ jẹ hae ruawa gaga inọ me bi ti kpohọ erae ehẹle nọ me te whu no.” Ọ nyae gaviezọ kẹ ovuẹ ogbotu na, a te je ru obe-uwuhrẹ Ebaibol kugbei, yọ oware wọhọ ukpe ovo o vrẹ no ọ tẹ họ-ame. Ere Karl Klein o ro mu iruo odibọgba Oleleikristi riẹ họ, uwhremu na o ruiruo evaọ ikpe buobu wọhọ omọvo Ugboma Esuo ọrọ Isẹri Jihova. Ẹkwoma obe-uzizie enana kpobi i ro muhọ.

Obe-uzizie o gbẹ rrọ obọdẹ okwakwa nọ a re ro se isẹri nẹnẹ. Iwhowho-uvie buobu e ruẹ no inọ ọvo nọ a rẹ rọ kẹ ohwo yọ obọdẹ edhere jọ nọ a re ro dhesẹ oma rai via je mu ẹmeọta họ. Esẹgbini e rẹ sai fiobọhọ kẹ emọ rai wobọ evaọ odibọgba na ẹkwoma obe-uzizie nọ a rẹ kẹ ae re a rọ kẹ ahwo nọ a te te unuẹthẹ. Iwhowho-uvie nọ e rẹ rọ ileta ta usiuwoma a rẹ sai dhesẹ epanọ iwuhrẹ ukoko mai e rrọ ẹkwoma obe-uzizie nọ a re kugbei. Yọ evaọ uzẹme, ebe-uzizie yọ obọdẹ edhere nọ a re ro zizie emọ-uwuhrẹ Ebaibol gbe ahwo nọ a dhesẹ isiuru re a ziọ iwuhrẹ ukoko mai.

A jọ ofẹ ọsosuọ obe-uzizie na dhesẹ kpẹkpẹe epanọ iwuhrẹ mai ọvuọvo e rrọ. Nọ a kere adrẹse Ọgwa Uvie gbe oke iwuhrẹ fihọ iẹe he na, who re kere eyena fihọ iẹe kẹ ohwo na eva okenọ whọ be kẹe obe-uzizie na. Oria nọ a re kere eme yena fihọ o rrọ obe-uzizie na nọ o tẹ gwọlọ ere. Kọ whọ be rehọ ebe-uzizie ruiruo ziezi evaọ odibọgba ra?