PART 10
Tin-Hungh Oix Ceix Haaix Nyungc Longx Nyei Bun Dongh Muangx Ninh Wuov Deix?
Daic mingh wuov deix maaih camv nyei aengx duqv nangh daaih yiem naaiv baamh gen. Gong-Zoh 24:15
Hnamv mangc maah! Meih haih duqv haaix nyungc ndongc haaix longx yiem nqa’haav hingv se gorngv meih muangx Yeˆhoˆwaa nor. Meih nyei sin zaangc wangc siangx dunh yunh nyei. Maiv maaih haaix dauh zuqc benx baengc fai zuqc mau. Hnyouv waaic nyei mienh yaac maiv maaih aqv. Meih yaac haih sienx duqv da’dauh nyei hnyouv.
Maiv maaih haaix dauh zuqc mun, zuqc nzauh, fai zuqc nyiemv. Maiv maaih haaix dauh zuqc gox zuqc daic.
Meih youc maaih a’nziaauc doic caux hmuangv-doic buangv nzengc. Yiem wuov nzueic haic nyei orn-lorqc dorngx se za’gengh njien-youh.
Maiv maaih haaix nyungc bun mbuo zuqc gamh nziex. Mienh maanh ziouc gengh zien a’hneiv.