Haaix Nyungc Zoux Gorn Bun Hmuangv-Doic Njien-Yiouh?

GING-SOU GORNGV HAAIX NYUNGC

“Dongh haiz Tin-Hungh nyei waac yaac ei jienv zoux wuov deix, gauh maaih njien-youh.”​—Lugaa 11:28, Ging-Sou.

NAAIC GORNGV DAAIH MAAIH HAAIX NYUNGC LONGX BUN MEIH

Bun biauv zong mienh maaih zien hnamv doic nyei jauv.​—Eˆfeˆso 5:28, 29.

Hmuangv-doic maaih hnyiouv laanh taaih laanh.​—Eˆfeˆso 5:33.

Hmuangv-doic horpc fim dongh eix.​—Maako 10:6-9.

MBUO GENGH ZIEN HAIH SIENX DUQV GING-SOU GORNGV NYEI WAAC NYEI FAI?

Haih sienx duqv nyei, weic maaih i diuc jauv faaux maengx bun mbuo hiuv:

• Tin-Hungh se dongh jiez gorn zeix cuotv hmuangv-doic daaih wuov dauh. Ging-Sou bun mbuo hiuv duqv Yeˆhoˆwaa Tin-Hungh gapv daauh dauh m’jangc dorn caux daauh dauh m’sieqv dorn bun ninh mbuo dorng jaa zoux cai-doix. (Tin Deic Douh 2:18-24) Naaic se gorngv, hmuangv-doic se yiem Yeˆhoˆwaa jiez gorn zeix cuotv daaih. Weic haaix diuc jienv nyei oix zuqc hiuv duqv naaic?

  Hnamv gaax: Se gorngv meih nyanc donx lai hnaangx ziouc haiz kuv nyei yaac oix hiuv duqv an haaix nyungc ga’naaiv zouv daaih cingx ndongc naaic kuv nor, meih mingh naaic haaix dauh? Hnamv daaih, meih mingh naaic dongh zouv naaic donx lai hnaangx wuov dauh.

  Fih hnangv nyei, se gorngv oix lorz buatc haaix nyungc dongh tengx hmuangv-doic duqv njien-yiouh wuov nor, mbuo a’zuqc mingh lorz Yeˆhoˆwaa, dongh jiez gorn zeix cuotv hmuangv-doic daaih wuov dauh.

• Tin-Hungh nzauh heix taux meih nyei. Hmuangv-hmuangv mienh se funx zoux duqv horpc se gorngv lorz taux Yeˆhoˆwaa njaaux nyei jauv, dongh ninh bun ziangx yiem Ging-Sou wuov. Weic haaix diuc? “Weic zuqc ninh goux jienv meih mbuo.” (1 Bide 5:6, 7) Yeˆhoˆwaa oix meih duqv longx jiex. Ninh njaaux nyei waac zanc-zanc tengx duqv nyei!​—Cong-Mengh Waac 3:5, 6; Iˆsaaˆyaa 48:17, 18.