CHUSBʼAL 1
¿Kam la qulbʼe kunimat Aak Tiixheʼ?
Niyolon Aak Tiixheʼ sqej tu Bibliaeʼ (2 Timoteo 3:16)
Vitxumbʼal Aak Tiixheʼ aʼ echenkat tu Bibliaeʼ. Kat ibʼanbʼe Aak kaʼl unqʼa naj tiʼ itzʼibʼalkan. Ataj kam nimtalcheʼ tu Bibliaeʼ, as Aak Tiixheʼ nisaʼ Aak uvaʼ la pal oʼ stuul.
Yeʼxhibʼil nim itxumbʼal tiʼ Aak Tiixheʼ. Ootzimal taʼn Aak kam la lochon oʼ. Asoj la kunima Aak at veʼt kutxumbʼal tiʼ kubʼanat u bʼaʼneʼ (Efesios 1:17; Lucas 11:28).
Nisaʼ Aak uvaʼ kajayil xaol la sikʼlen u Bibliaeʼ. Estiʼeʼ tziʼbʼamal tu nimal yolbʼal.
Asoj nukusaʼ kunimat Aak Tiixheʼ, techal la kusikʼle u Bibliaeʼ as la pal oʼ stuul.
Vatz skajayil u Txʼavaʼeʼ at xaol uveʼ niniman Aak Tiixheʼ (Romanos 10:18)
La iloch axh unqʼa itexhtiigo Aak Jehováeʼ tiʼ apal tu Bibliaeʼ.
Unqʼa Texhtiigoeʼ nitaqʼ ootziloj u jikla yoleʼ tiʼ Aak Tiixheʼ vatz skajayil u Txʼavaʼeʼ.
La uch ootzit Aak Tiixheʼ umpajte asoj la bʼen axh kʼatz unqʼa itexhtiigo Aak Jehováeʼ tu vikʼulbʼalibʼeʼ. As oy kuxh unqʼa chusbʼaleʼ nitaqʼcheʼ.