CHUSBʼAL 3

¿Kam atik tu Paraísoeʼ?

Mamaʼla kameʼ bʼaʼn kat taqʼ Aak Tiixheʼ te aak Adáneʼ tukʼ aak Evaeʼ (Génesis 1:28)

Aak Jehováeʼ kat ibʼan Aak u Evaeʼ as kat taqʼ Aak ixoj te u Adaneʼ

Aak Jehováeʼ kat ibʼan Aak u Evaeʼ, u bʼaxa ixoj, as kat taqʼ veʼt Aak ixoj te u Adáneʼ aqʼal la tixqeli naj ixoj (Marcos 10:6, 7).

Tul kat ibʼan Aak Tiixheʼ u Adáneʼ tukʼ u Evaeʼ yeʼlik paav atik tiʼ itxumbʼal as tiʼ ichiʼol chaʼma.

U Adaneʼ tukʼ u Evaeʼ aalbʼen chaʼma te u tatimbʼaleʼ, uveʼ Edén ibʼii

Echenik chaʼma tu atimbʼaleʼ uveʼ Edén ibʼii, atik umaʼl u aʼ stuul, atik tzeʼ as tukʼ txokop.

Nikat iyolon Aak Jehováeʼ as nikat taqʼ Aak itxumbʼal chaʼma umpajte. Aqʼal la atin chaʼma tu Paraísoeʼ tiʼ chit ibʼeneʼ techal laik inima chaʼma yol.

Aak Tiixheʼ kat taqʼ Aak u bʼekʼeʼ uvaʼ yeʼ la techbʼu chaʼma umaʼl u vatz tzeʼ (Génesis 2:16, 17)

U tzeʼeʼ atik tu edeneʼ veeʼ kat tal Aak Jehováeʼ te u Adaneʼ tukʼ u Evaeʼ uvaʼ yeʼ la techbʼu chaʼma

Aak Tiixheʼ kat tal Aak te u Adáneʼ tukʼ u Evaeʼ uvaʼ yeʼ la techbʼu chaʼma umaʼl u vatz tzeʼ. Asoj la techbʼu chaʼma u vatz tzeʼeʼ laik kam chaʼma.

U Satanáseʼ u ángeleʼ yebʼaʼn itxumbʼal ni bʼanbʼe umaʼl u txʼiʼlatxoo tiʼ iyolon tukʼ u Evaeʼ

At umaʼl u ángel kat teesa tibʼ kʼatz Aak Tiixheʼ. U ángeleʼ aʼeʼ u Satanáseʼ, u Txʼiʼlanaj.

U Txʼiʼlanajeʼ yeʼ nikat isaʼ naj uvaʼ la inima chaʼma Aak Jehováeʼ. Kat ibʼambʼe naj umaʼl u txʼiʼlatxoo tiʼ talchu te u Evaeʼ uvaʼ yeʼl ixoj la kami asoj la techbʼu ixoj u vatz tzeʼeʼ. Kat tal veʼt naj te ixoj Evaeʼ uvaʼ ech veʼt ixojeʼ Aak Tiixheʼ la ibʼaneʼ. ¡Mam joʼseʼ! (Génesis 3:1-5.)