CHUSBʼAL 9
¿Jatu la ul veʼt u Paraísoeʼ?
Unqʼa kʼaxkʼoeʼ nituch cheel nikʼuch sqej uvaʼ tul veʼt u Tijleʼm Aak Tiixheʼ (Lucas 21:10, 11; 2 Timoteo 3:1-5)
U Bibliaeʼ kat talkan uvaʼ mamaʼla kʼaxkʼoeʼ la uch veʼteʼ cheel. Unqʼa talintxaʼeʼ yeʼ la inima veʼt itxutx bʼaala as txʼiʼla aama chit veʼt unqʼa xaoleʼ, aʼ kuxh upuajeʼ la tachva veʼteʼ as tukʼ unqʼa vatz txʼavaʼil kameʼ.
Kat talkan umpajte uvaʼ at kabʼlaano xoʼvebʼal chituʼ, chʼaʼo, mamaʼla vaʼy as tuk mamaʼla chʼoʼm. As aʼ chiteʼ veeʼ nituch veʼteʼ cheel.
Aak Jesúseʼ kat talkan aak uvaʼ la alax isuuchil unqʼa bʼaʼnla yoleʼ tiʼ u Tijleʼm Aak Tiixheʼ vatz skajayil u Txʼavaʼeʼ (Mateo 24:14).
U Tijleʼm Aak Tiixheʼ tuk isojsa kajayil unqʼa kameʼ uveʼ txoj kuxh nituch cheel (2 Pedro 3:13)
Bʼiit kuxh veʼteʼ la isojsa veʼt Aak Jehováeʼ unqʼa xaoleʼ uveʼ txoj kuxh nibʼaneʼ.
La sojsal veʼt u Txʼiʼlanajeʼ tukʼ unqʼa iángeleʼ.
Unqʼa tenameʼ la niman Aak Tiixheʼ la atin veʼteʼ tu Paraíso as at veʼt saʼiibʼ, chiibʼichil as jik umpajte. Yeʼl veʼt xoʼvichil la ibʼaneʼ. Tan skajayil unqʼa tenameʼ la uch ikʼujbʼat veʼt ikʼuʼl tiʼ imool.