¿Kam la kubʼaneʼ aqʼal at chiibʼichil tu kabʼal?

Asoj at saʼiibʼ chiibʼebʼal qatineʼ tu kukabʼal (Efesios 5:33)

Nital viyolbʼal Aak Tiixheʼ tiʼ u eqʼoibeʼ uvaʼ, umaʼl kuxh naj tukʼ umaʼt ixoj la uch itzumebeʼ.

U bʼaʼnla tzumeleʼ nisaʼ naj u tixqeleʼ as nikʼuula naj ixoj.

U bʼaʼnla ixqeleʼ niloch ixoj vitzumeleʼ.

Unqʼa talintxaʼeʼ la chit inima unqʼa itxutx ibʼaaleʼ.

U tzumeleʼ tukʼ u ixqeleʼ jit txʼiʼla aama la ibʼaneʼ svatzaj as yeʼ la ichuk umaʼt imool (Colosenses 3:5, 8-10)

U Bibliaeʼ nital te unajeʼ uvaʼ la isaʼ u tixqeleʼ echeʼ isaʼat vichiʼoleʼ, as te u ixojeʼ nitaleʼ uvaʼ la inima vitzumeleʼ.

Asoj la vat kaʼvaʼl xaol uvaʼ yeʼxhkam tzumleʼle as paaveʼ uveeʼ vatz Aak Tiixheʼ. As tukʼ kuxh umaʼl ixoj la uchkat itzumebʼ umaʼl naj.

U Bibliaeʼ nitaqʼ kutxumbʼal aqʼal chiibʼebʼal qatineʼ tu kukabʼal.