CHUSBʼAL 14
¿Kam la oolbʼe ooksat eebʼ kʼatz Aak Jehováeʼ?
Oksa eebʼ kʼatz Aak Tiixheʼ (1 Pedro 5:6-9)
Yeʼ la xoʼv axh tiʼ aqʼatkan unqʼa txumbʼaleʼ uveʼ niyaan u Bibliaeʼ stiʼ.
Yeʼ la ooksa eebʼ xoʼl política. La ooksa eebʼ poro kʼatz Aak Jehováeʼ as kʼatz u Tijleʼm Aakeʼ.
Txaa u jikla txumbʼaleʼ as nima Aak Tiixheʼ (Mateo 7:24, 25)
La bʼen axh tu kʼulbʼalibʼ kʼatz unqʼa itexhtiigo Aak Jehováeʼ. Tzitziʼ la lochpu kat axh tiʼ ootzit Aak Tiixheʼ.
Yakebʼen tiʼ ootzit Aak Tiixheʼ as nima Viyolbʼal Aakeʼ.
Tul la tiibʼ veʼt vakʼujlebʼal kʼuʼleʼ, la aal veʼt te Aak Jehováeʼ uvaʼ nasaʼ abʼambʼet vatiichajileʼ tiʼ animat Aak tiʼ chit ibʼeneʼ as la bʼan veʼt abautismo (Hechos 8:12).
Nima Aak Tiixheʼ. Sikʼle u Bibliaeʼ as jaj alochbʼal te unqʼa itexhtiigo Aak Jehováeʼ tiʼ apal stuul. Asoj la nima uveeʼ nachuseʼ, la isebʼ axh tiʼ chit ibʼeneʼ (Juan 17:3).