CHUSBʼAL 7
¿Abʼil aak Jesúseʼ?
Kat ichajtzan Aak Jehováeʼ aak Jesúseʼ vatz Txʼavaʼ (1 Juan 4:10)
Yeʼxnik ibʼanat Aak Jehováeʼ u Adáneʼ, kat ibʼan Aak umaʼl u bʼaʼnla ángel tu almikaʼ uveʼ nim iyakʼil as nim talcheʼ. As nisaʼ Aak Tiixheʼ uvaʼ la kunima u ángeleʼ veeʼ.
Xamtik veʼteʼ kat ichaj veʼt tzan Aak Tiixheʼ aqʼal la ul itzʼebʼo tu Belén xeʼ umaʼl u qʼopo uvaʼ María ibʼii. As vibʼiieʼ kat oksali aʼeʼ Jesús (Juan 6:38).
As tul kat atin aak Jesúseʼ vatz u Txʼavaʼeʼ, bʼaʼnla aama chit aak as maas chit nikat isaʼ aak unqʼa tenameʼ. Ech chit itxumbʼal aakeʼ Aak Jehováeʼ. Estiʼeʼ taama chit unqʼa tenameʼ tatin kʼatz aak. As yeʼl aak nikat ixoʼveʼ tiʼ ichusat u jikla yoleʼ tiʼ Aak Tiixheʼ te unqʼa tenameʼ.
Aʼ chit u bʼaneʼ kat ibʼan aak Jesúseʼ, poro nimalik xaol nikat ichiʼan taama tiʼ aak (1 Pedro 2:21-23)
Kat itxansa aak aachʼoʼm as kat tulsa aak taama kaʼtaj kamchil.
Unqʼa bʼooqʼoleʼ uveʼ chuseliktibʼ tiʼ unqʼa tzaqʼiteʼ nikat ichiʼan taama chajnaj tiʼ aak Jesúseʼ tan kat tal aak uvaʼ chuliyol kuxh unqʼa chusbʼaleʼ nikat taqʼ chajnaj as txoj chit itxumbʼal chajnaj.
Unqʼa bʼooqʼoleʼ uveʼ chuseliktibʼ tiʼ unqʼa tzaqʼiteʼ kat toksa chajnaj tiviʼ unqʼa aa Romaeʼ aqʼal la qʼospu as la yatzpu aak Jesúseʼ.