Wa A Gad Kindom?

Da magaziin ya no fi sel. It a paat a wan wok we a gwaan aal uova di worl fi tiich piipl bout di Baibl. Di moni we piipl gi, it yuuz fi sopuot da Baibl edikieshan wok ya. Yu kyan go pan donate.jw.org ef yu waahn fi gi moni ar ada tingz. Iina da magaziin ya, aal a di skripcha dem iida kom fram di New World Translation of the Holy Scriptures ar Di Jamiekan Nyuu Testiment. Ef dem kom fram no ada Baibl, wi wi tel yu a wich ada wan fi da skripcha de.

DA MAGAZIIN ya, we niem Di Wachtowa, big op Jeuova Gad. Im a di wan we a di Ruula fi di wol yuunivors. It tel piipl bout di gud nyuuz se suun suun, Gad Kindom a-go get rid a aal a di wikidnis we a gwaan pan di ort an ton it iina wan paradais. It tiich piipl fi chos iina Krais Jiizas, uu did kom ded fi wi so dat wi kyan get di chaans fi liv fi eva. Nou im a di King we a ruul iina Gad Kindom. Wi a mek da magaziin ya fram 1879 kom rait dong tu tide die. Da magaziin ya no tek no said iina palitiks. Wa de iina it stik tu wa di Baibl se.