• Wa Kyan Elp Wi Fi Mek Op Wi Main Fi Du Di Rait Ting Dem?
    Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du

    • 5. No du tingz fi bada ada piipl kanchens

      A no evribadi a-go mek op dem main fi du di siem ting dem. Ou wi kyan shuo se wi rispek we ada piipl kanchens lou dem fi du? Luk pan tuu tingz we mait-a apm:

      Di fos wan: Wan sista mait-a laik fi wier miekop bot shi muuv ga’a wan kanggrigieshan we nof a di sista dem we di de no laik wen yu wier miekop.

      Riid Ruoman 15:1 an 1 Korintiyan 10:23, 24, an den wi a-go taak bout dem kwestiyan ya:

      • Bies pan wa dem vors ya se, wa di sista mait-a mek op ar main fi du? An wa yu wuda du ef yu de roun sumadi we fi dem kanchens no lou dem fi du sitn we fi yu kanchens lou yu fi du?

      Di sekan wan: Bies pan wa di Baibl se, wan breda mait-a nuo se notn no rang fi jringk likl lika, bot im mait-a stil mek op im main fi no jringk it. Som breda invait im fi go a wan likl paati an im si dem a jringk lika.

      Riid Iikliiziyastiiz 7:16 an Ruoman 14:1, 10, an den wi a-go taak bout dem kwestiyan ya:

      • Bies pan dem vors ya, wa wan breda mait-a mek op im main fi du? Wa yu wuda du ef yu si sumadi a du sitn we fi yu kanchens no lou yu fi du?

      Si som sitn ya we kyan elp yu fi mek op yu main fi du di rait ting dem

      Wan uman a prie.

      1. Aks Jeuova fi elp yu fi nuo wa fi du.​—Jiemz 1:5.

      Di siem uman a luk op sitn iina di Baibl an di buk an pamplet dem pan wan kompyuuta.

      2. Sorch aad iina di Baibl an iina di buk an pamplet dem fi fain tingz we mek wi si ou Jeuova fiil bout tingz an wa im tingk bout dem. Ar yu kyan go taak tu som breda ar sista we go chuu sitn laik wa yu a diil wid.

      Di siem uman a sidong a tingk.

      3. Tingk bout wa yu mek op yu main fi du an ef it a-go bada fi yu kanchens ar sumadi els kanchens.