Juup

ni iwiaakmari̱ṉkia ishichkitiat ni itiurchatri̱sha náṉkatkachuiti.

 2 Tura kuku̱j kuku̱jrukiat urumka wárik káatsuk.

Núnis asa kiritia áintsaṉ aya méṉkawai.

 3 ¿Ju̱ áishmaṉ wáinmek tura ame péṉkeraitme turutminkiaitiam?

 4 Yajauchia nuyá̱ péṉker awajsámniasha ya aa,

chikichkiksha peṉké atsawai.

 5 Amek ashí aentsu tsawantri̱sha súsaitme

tuma asam ni iwiaakmari̱sha nu arant ékekchamniaiti.

 6 Ni íistiṉkia aṉkant iniaisata,

iwiaakna nuiṉkia takakmawa áintsaṉ warasat.

 7 Warí, numi tsupikiam ataksha nuke̱ je̱a̱tsuk.

Tuma asa tsupikmaitiat jé̱e̱tskeka iniaisashtatui.

 8 Kame ni kaṉkapé̱nka nuṉká kaawai

tura nantujé̱ṉka mamúawai.

 9 Túrasha entsaja̱i̱ṉkia samek ajastatui

tura áraka núnisaṉ kanawentrattawai.

10 Antsu íksaṉ aentska jaawai

tura jakasha ¿tuí̱ṉkish pujá?

11 Entsá yuraṉmiri̱ nayantsanmaya̱ takunniuiti

túmak entsasha ku̱yu̱witi.

12 Kame nayaimpikia ai̱ṉ aents iwiarsamunmaya̱ nantakchartatui

tura kanarmanumia̱sha shintiarchartatui” tímiayi Juup.*