Juup

 2 “Atumsha ¿urutáik wáitkiakrattai̱sha tura chichamja̱i̱ itit awajkartutai̱sha iniaisatarum?

 3 Mai̱ katsekru awajtarmena núja̱i̱sha

¿átumka natsaamatsrumek?*

21 Átum winia amikrutiram waitnentrurtarum.

Yus tí waitsatniun tsaṉkatrukai.

22 ¿Urukamtai atumsha, Yusa núnisrumsha, winia pataturum

tura ishichkisha winia áujmatrutka yawe̱teatsrumek?

23 Yaaksha winia chichamprun papinium aar ikiuska maak.

24 Tura nuíchuka jirunmaṉsha tura kayanmaṉsha

sakarchamnia aar ikiuska maak ainti.

25 Winia Uwemtikrin iwiaakna núnaka nékajai.

Tuma asa ukunam jakar nuṉka najanarmanumsha Niṉki ayamprutkataj tusa wajastatui.

26 Ju̱ aya̱sh amukámtaisha

ataksha aya̱shruja̱i̱ṉ ímia wiki Yusan wainkiattajai.

27 Winia jí̱ruja̱i̱ṉ íistatjai,

chíkitcha, antsu ímia wiki wainkiattajai.

28 Átum chichaakrum ¿itiurkatjik?

túrutrumna nu yajauch kaṉkapka amiini̱ṉ awai.

29 Atumsha puyá̱ ashamkatarum.

Warí puya̱ka tunáa mui̱jmiai̱ ainia nuna Yus kajektata nuna nákameatsuk

tura nekaata sumamtikiatta nu átsuk.*