Yus Kanta
Aya Yusak enentáimtusar nákasar pujamu
Kantamkir wakamu Tawit aarma
131 Jiuwá enentái̱rja̱i̱ṉkia wikia Ámiṉkia antra núnisnaka enentáimtuschaitjiame.
Núnisaṉ winia jí̱ruja̱i̱ naṉkamantu íimiaschaitjiai.
Núnisnak uunt awajmámsattaj tura shiir enentáimtu ajamai átaj tusancha wekaasachuitjiai.
2 Tí nekas péṉker wekaakun takamat pujusuitjiai uchi nukurí̱ya̱ utsurkamua núnisnak.
Tura enentái̱rka uchi utsurkamaitiat nukurí̱ takusa pujam aṉkant mitia pujá núnis pujajai.
3 Israerá, yamaiya̱ ju̱yá̱ juárkimiuk
tuke iniaṉnatsuk nekas enentáiji̱a̱i̱ Jiuwá enentáimtusta.