Yus Kanta
Papirúnianam achirar yaruakma wáitiainiamu
137 Papirúnianmaya̱ entsanam yantamach nui̱ matsamsar
Seun enentáimtusar útniuyaji.
2 Sause numi írunmanum nui̱ ajapén
ii árpari̱ṉkia nenasarmiaji.
3 Tura iin achirmár yarurmakaru kantamáku tusa seatmarmaji.
Tura amutmakar aya jú̱nik awajtámsaruitiat iin warasuk tusa chichartamainiak
“Seúnnum pujusrum kantamniurumna nu kantamátarum” turamarmiaji.
4 ¿Jiuwá kantamprutai̱sha
nékashtai̱ nuṉkanmasha itiurak kantamátaji?
5 Maa Jerusaréṉká ámin kajinmátkimtaiṉkia
winia untsuur uwejrusha wariṉsha takaschamnia ajasti.
6 Maa Jerusaréṉká, ámin naṉkaamas peṉké enentáimtachkunka
winia waratái̱run nu naṉkaamas ámin eem ikiúachkunka
winia iniai̱rka kayakpatrui̱ nujamaa juaktí.
7 Maa Jiuwaá, Jerusaréṉkan emeskamia nu tsawantin Etum shuar chichainiak “Páchitsuk emeskatarum, páchitsuk aeprukmartiuk
takamtsuk emeskatarum” tiarmia nu enentáimturta.
8 ¡Amesha Papirúnia emeskamu átatme!
Iin yajauch túrukratamunam yapajtiamuk ámin
túrutmattana nuka shiir warasti.
9 ¡Yaaksha ame uchirmin achik
muchiṉnum aji̱a̱ruka wararnasti!
Warí, nuna naṉkaamas asutniashtatuak.