Yus Kanta

Tura wi untsumkuisha chichamur anturtukta.

 2 Wi seamusha Ame íismaka kuṉkuinia núnis ti shiir atí.

Winia uwejur takuimiuka aṉkú taṉku maar áeseamua ímiatrus atí.

 3 Maa Uunt Yusru, wikia chichaatsa̱i̱ṉ wenurka Ame waitrukta

núnismek chichamprusha péṉker waitrukta.

 4 Kame winia enentái̱r yajauchia nuna wakerukat tusam tsaṉkatrukaip.

Tura aents yajauchin túrin ainia nuja̱i̱ aya yájauchiniak pujursa̱i̱ṉ tusam iniaitiusaip.

Kame ni yurumkari̱ kunturmaitkiuisha nunasha yuruashtaj tajai.

 5 Naka túrin shuar chichartuktaj tusa asutiakuiṉkia ti shiir yumiṉsaintjiai.

Tura Yusan enentáimtichu kuṉkuin muukrui̱ ukattrurtaj túrutkuisha nakitráttajai.

Antsu nu aents yajauch túramuri̱n Yus iistí tusan Yusan iniaitsuk seasan pujustatjai.

 6 Ni chichamprin ainia núnaka kaya írunmanum jápanum ajapnawartatui.

Winia chichamur nekasa nuna antukartatui.

 7 Pukutái̱ji̱a̱i̱ nuṉka pukuam, nuṉka punaichukait

núnisaraṉ ii ukunchí̱ṉkia jakaa matsamtainmaani̱ tsakiṉmakmaiti.

 8 Tuma asamtai Winia Uunt Yusru winia jí̱ruka Áminiak íirmainiawai.

Amiin ejameajai tuma asamtai winia enentái̱r ajapa ikiurtukip.

 9 Wa̱a̱ táutriar ikiurtuinia tura yajauchin túrat tusa

anaṉkruinia nuya̱sha péṉker wáitkiata.

10 Wikia uwempran aṉkant ajasan naṉkaikin,

Yusan umircha ainia nuka ni neka aepsamunmaṉ nemakarti.*