Yus Kanta
Iwiaakma sumaktincha kuit jeaachuiti
Kurái uchirí̱ aarma
49 49:1-2 Ashí nuṉkanmaya̱tiram
kuítrinniutirmesha tura kuítrinchatirmesha
núnisaṉ kakarmatirmesha tura péejchatirmesha
ashí métekrak ju̱ péṉker antuktarum.
3 Nekatai̱n chichastatjai.
Kame enentái̱rja̱i̱ṉkia enentáimtai̱n títiatjai.
4 Nekatai̱n jintinkiartin chicham antukan
nekaachmin jintíamuncha árpan túntuiyakun kantaja̱i̱ jintintiáttajrume.
5 Itiurchat tsawant naṉkamakuisha winia nemasur téntatrukmataisha
¿urukamtaik ashamkattaj?
6 Warí aya ni wariri̱ji̱a̱i̱ṉ
ti kuítriniawar naṉkamantu enentáimtumainia
7 nu aentska yachi̱nkisha peṉké uwemtikrachminiaiti.
Tura uwemtikrutrai tusa Yúsnasha akikchamniaiti.
8 49:8-9 Warí iwiaakma sumaktincha kuítji̱a̱i̱ṉkia jeaachuiti.
Kame nuna nekáa ukunmasha tuke játsuk
iwiaaku pujusmij tusa wakerayataṉ peṉké wáinkiashtatna nuna nékawai.
10 Warí ni enentáimsaṉka nékassha jáiniawai
tura nékachusha enentáimchasha jákarka
ni kuítri̱n chikicha ikiurin áiniawai. Tu enentáimiui.
11 Kame ni enentáimtumaskeka túketsuk iwiaaku pujutja
tu enentáimiainiak nuṉke̱ncha ni náari̱niak anainiawai.
Antsu ni je̱e̱nka iwiarnastatna nuí̱yaiti. Nui̱ tuke pujusártatui.
12 Kame nu shuar kuítriniaitkiusha jákatin áiniawai.
Warí, yajasma jainia ántsaṉ jákartatui.
13 Tura nisha esetar enentáimsacharmiayi.
Tuma ai̱ṉsha ni írutramuri̱sha awajirar tí peṉker chichaawai tusa warasarmiayi. (Séraj)
14 Murikiu wáinin ni murikrí̱n matsamsatniunam yarumna núnis
tuke jákaru matsamtai̱niam jákatniusha umichunka yarumeawai.
Nui̱ umin ainia nuja̱i̱ nupetnakartatui.
Kame tsawa̱a̱kui ni páantniuri̱nkia asaktuntrartatui.
Tura tuke jaka matsamtai̱niam apujnasartatui.
15 Antsu tuke jákatniu kakarmari̱ya̱ Yus uwemtikrurtatui.
Warí wíniaka Ni juruktiatui. (Séraj)
16 Amesha kuítrinia ni je̱e̱n ti waras pujakuisha suir iisaip.
17 Warí jákaṉka warirí̱n peṉké júkishtatui.
Ni warasa pujutái̱ri̱ṉcha nui̱ṉ ikiuktiatui.
18 Yámaichik iwiaakna nui̱ṉ kuítrintin asan shiir pujajai tu enentáimtumawai.
Kame nisha tí peṉker pujá asamtai aentsush núnisaraṉ shiir awajénawai.
19 Túrasha tsawái̱ tsáapnintri̱n peṉké wainkiachartin matsatainia nui̱ṉ jeattawai.
20 Núnisaṉ enentáimcha nuka paant awajeam warawitkiusha
yajasma jaka aya meṉká núnisaiti.