Yus Kanta

tura wi seajme nuka umirtukta.

 2 Nuṉka tsukintri̱ náṉkatrana tímianian mayai̱r ishinkiuinkia Ámin untsuktatjame.

Kaya ti yaki̱ya ímianunam juruktia.

 3 Ámeka winia ejamtairuitme,

je̱a̱ kayaja̱i̱ je̱a̱mmia winia nemasruinia̱ ejatna núnisaitme.

 4 Wikia Ame je̱e̱min tuke pujustajtsan wakerajai,

kame atash uchichíri̱n wéar nanape̱ja̱i̱ etektus pujurna áitkiasam ú̱rkata. (Séraj)

 5 Maa Yusá, wi amastájai tímiajmena nu anturtukmame.

Ame náarmin ashamainia nu ii aparí̱niu sunastinia nu surusuitme.

 6 Uunt akupniu tsawantri̱nkia núkap eketkata,

ni uwiri̱sha yamaisha tura ukunma ímianaisha tuke átatui.

 7 Yusai̱nkia tuke akuptiatui

Ni aneṉkrattairi̱ji̱a̱i̱ métek wainkiattawai.

 8 Tuke tsawant ame náarmin pachisan kantamprittiajme

tímiajmena núnaka tuke umiktatjai.*