Yus Kanta

Jakupa Yúsri̱nkia tí warasam untsukta.

 2 Shiir awajkum kantamáta túram panteruja̱i̱

nuyá̱ árpaja̱i̱ jikiá jikiamat tuntuiyata tura tuntuitiai̱ neturmaja̱i̱ tuntuiyata.

 3 Yamaram nantu takamtai kachu umpuarta.

Tura nayantumamtaisha kachu umpuarta.

Warí tesamu tsawantka akantúkma ti shiir ii namperi̱nti.*

 4 Ju̱ akupkámusha Israer shuarnaiti. Jakupa Yusri̱ akupkámu umiktin chichamaiti.

 5 Ejiptu nuṉkanmaya̱ jiinkimia nui̱ Jusen pachis umiktin chichaman najanamiayi.

Wi nui̱ nékachma chichaman antukmajai.

 6 Tí kijin aentskar waitkiamunmaya̱ṉka wi aṉkant awajsámajme.

Núnisaṉ ame uwejmesha chaṉkin kijin júkitniunka iniaisarmai.

 7 Wáitiakum untsumkamame túrawakmin wi aṉkant awajsámajme.

Ipiamtaja̱i̱ páchitra ái̱kmajme tura Miripia entsa nui̱sha nekapsamajme.* (Séraj)

 8 Maa Wi shuará anturtukta anearai tusan chicharkattajme.

¡Wikia Israer shuar tí urutmatsuk anturtukarat tusan wakeraj!

 9 Ántar yus najantkamu ainia nu atumínkia atsutniuiti.

Chíkich yus ainia nu tikishmáttrairap.*

10 Jiuwá ame Yúsrum Ejiptu nuṉkanmaya̱ jusamiajrumna nu Witjiai. Waṉkata Wi ejematkiartatjame.

11 Túrasha Winia shuaruka Winia chichamprun anturtukcharmai.

Israer shuarka Wíniaka nakitrurarmai.

12 Enentáim ti katsuram asamtai ame wakeramuram túrak tusan ajapa iniaisámajme.

13 ¡Maa Wi shuará anturtukuitkiumni̱ṉkia tura Israerá Wi tama umikiam wekaasaitkiumni̱ṉkia

14 ame nemasrumnia̱ka nú chichamaik péejchach awajsarajai.

Tura ámin kajertamainia núnaka wajatra̱a̱jai!

15 Winia nakitruinia nuka Winí̱ péejchach awajnása̱a̱yi.

Tura Wi, Jiuwá tuke waitias matsamin awajsarajai.

16 Túrasha Áminkia Yuska tí peṉker tríkiun ayurtamawara̱a̱yi

tura ame kitiamamuram imikrai tusa muchiṉnumia̱ míshkin átmara̱a̱yi.