Riwiitikia

Ántar anaṉkarta nu itiur tsaṉkurnartiniait

6 Uunt Yussha Muisaisan ataksha chicharuk 2 “Yaaksha tunáa túrak Uunt Yus táman umitsuk núnisaṉ ni shuari̱n akatmampramun ujakcha asa tura susata táman súsachu asa kasamkancha túrutskesha ni shuari̱n anaṉka asa sumamatniuiti. 3 Tura wariṉkísha tepá wainkiayat wikia wáinkiachjai, wikia wáitrichuitjiai nekasan tajai tau asa Yus íimmianum tunaan túrayi. 4 Tuma asa kasamkámuri̱ncha ataṉmiancha atakmasma jukimiuncha, wariṉkish tepá wainkiamuncha 5 tura wikia nekasan tajai tusa waitruamunmasha ni takakna nuna mash awaiṉki̱ nu arantcha ni kuítri̱ncha séṉkunmaya̱ chikichkiniak patas nérenniuncha susattawai. Ni makumarmanum tsaṉkurturat tusa Yusan súana nú tsawantini̱ṉ nérenniun awaiṉki̱ mash akiktatui. 6 Yúsnan pujurin tunáa túramu akikmaktinian kuítri̱n apujtustatna nuja̱i̱ métek murik áishmaṉ tunamárchan ni makumarmanum Uunt Yusan susataj tusa Yúsnan pujurin pujana nui̱ itiatniuiti. 7 Túramtai Uunt Yus íimmianum Yúsnan pujurin Yus nu aentsun suir enentáimtamun atsaṉkar aṉkant ajastaj tusa Yusan áestuattawai. Nui̱ ashí makumarma tunáa tsaṉkurnartatui” Uunt Yus tímiayi.*