Junas

Junas atak enentáimiar Uunt Yusan seamu

2 Tura Junassha uunt namaka tantane̱n eṉkemsaṉ ni Uunt Yusri̱n seamiayi. 2 Tura seak “Winia Uunt Yusru, wáitsatniunam pujusan Ámin untsukmajmena nusha ái̱rkamame. Tura ti init jaka matsamtai̱niam pujakun untsukmajmena nusha anturtukmame. 3 Maa, nayantsa kunari̱n ajapruawakmin namaknum eṉketai̱ nayantsa wáinchiri̱ jurukmiai. Tura ti init kunanam pujái̱ tampasha yakiṉ naṉkaatiarmai. 4 Tura wikia Amiiya̱ ajapamua núnisan nekapmiajai. Túmaitkiuisha Ame shiir Je̱e̱min ataksha wainkiattajai tu enentáimsamjai. 5 Kame entsa suerua imiai amutamtai kiritniunam jakattsan pujumjai. Tura entsaya̱ nupa̱sha múukarui̱ penunkarmai. 6 Wisha entsá init naintia tépakmari̱n aya kíritniunmaṉ ímianai̱ waya̱mjai. Kame meṉkakatniunam túkeapi apujnasja tu enentáimpramjai. Túrasha winia Uunt Yusru, Ame nu jákatniunmaya̱ uwemtikrurmiame. 7 Kame Uunt Yusru, ju̱í̱ya̱pi jakattaja tu nekapran enentáimturmajme. Tura wi seamajmena nusha ame ti shiir Je̱e̱miin pujusam anturtukmame. 8 Warí najankamu yusan enentáimtuinia nusha ame waitnenkartutairmin nakitiáiniawai. 9 Antsu wikia winia péṉker chichampruja̱i̱ taṉkun maancha tuke ame náarmin shiir awajtústatjame. Auka nekas túrattajai timiaj núnaka umiktatjai. Uunt Yusru, aya Ameketme uwemtikkiartinmeka” tu seamiayi Junas.

10 Nuya̱ṉka Uunt Yus namakan Junas kukar imiakta tutai ímiatrusaṉ umikmiayi.