Jusuí

Amur aents nupetnakma

10 Nuyá̱ Jerusaréṉka akupniúri̱ Antunisitík, Aai nuṉkanmaya̱ aentsun tura Jirikiúnmaya̱ncha akupniúrtiuk Jusuí amukú táman antukmiayi. Tura Kapaun nuṉkanmaya̱ṉka Israer shuarja̱i̱ nawamnaikiar pujusárai tuíniakui 2 Kapaun nuṉkanmaya̱ aentska, Aai nuṉkanmaya̱ aentsja̱i̱sha naṉkaamas tí unuimiákaru kakaram áiniayat túrunamun antukar ti sapijmiakarmiayi. 3 Nu tuma asamtai Antunisitík Jerusaréṉka akupniúri̱, Eprunnumia̱ akupniun Ujaman, Jarmuta akupniúri̱ Píriam, Rákisia akupniúri̱ Japía nuyá̱ Ikruna akupniúri̱ Tiwiran, chichama akuptuiniak 4 “Kapaunnumia̱ aents Israer shuara uuntri̱ Jusuiji̱a̱i̱ nawamnaikiarai. Tuma asamtai meset yáintkiatarum” tiármiayi. 5 Nuyá̱ seṉku akupin Amur aents Jerusaréṉka akupniúri̱, Eprunnumia̱sha Jarmutnumia̱sh tura Rákisia̱sha nuyá̱ Ikrun nuṉkanmaya̱ suntarsha ashintiukar Kapaun nuṉkanam nuntumtusar mániatai tusar iwiarnatrar matsamtúkarmiayi.*