1 Samuir

Yusna Eṉketai̱ tura najanamu yus Takun

5  5:​1-5 Yusna Eṉketáin Jiristíu aents Astutnum júkiar najanamu yus Takuna Je̱e̱n Takunja̱i̱ ayamach apujsarmiayi. Kashin tsawa̱r Uunt Yusna Eṉketáin naka Takun nuṉká tekem iniar tepan wáinkiarmiayi. Tura pujutái̱ri̱ni̱ṉ ataksha ekentsarmiayi túrasha kashin tsawa̱r Yusna Eṉketai̱ naka Takun ataksha iniar tepan wáinkiarmiayi. Antsu nuya̱ṉka Takun múuktuk tura uwejésha tsupiramu waiti á̱a̱ri̱n tepan wáinkiarmiayi.

Yusna Eṉketai̱ Jiristíun suṉkurmamtikiarma

6 5:​6-12 Uunt Yus Astutnumia̱ aentsun émumpraja̱i̱ suṉkurmamtikiarmiayi. Jiristíu aentsu uuntri̱ armia nu irunturar Yusna Eṉketáin Káatnum júkiarmiayi. Tura Káatnumsha Uunt Yuska émumpraja̱i̱ṉ suṉkurmamtikiarmiayi. Túmainiak Yusna Eṉketáin Ikrunnum akupkarmiayi túrasha ashí Jiristíanmaya̱ uuntri̱ armia nu iruntrar chicharainiak “Ju̱ itiá ajasrum iincha suṉkurmamtikiartukurme. Tuma asamtai Israera Yusri̱ Eṉketáiṉkia pujutáiri̱n awaiṉki̱ ikiutarum núja̱i̱nchuka mantama amutmakaij” tiármiayi.