Yus Kanta

Tura chichatsuk pujusaip. Yusru mítiat pujusaip.

 2 Nekaata Ame nemasrumka júrur ajainiawai

tura Ámin muí̱jramainia nuka wi nekapnaisataj turamainiawai.

 3 Amé shuar ainia núnaka chíkich shuaraimiak ánermak yajauch chichaman ú̱san jurusárai.

Nusha Ame wáinmena nuna emeskatai tusar iruntrar chichaman jurusárai.

 4 Nuyá̱ chichainiak “Winitiárum Israer emesrarmi

túram atakka ni uunt nuṉka mátsatka Israera náari̱nkia peṉké enentáimtuschamu atí” tuíniawai.

 5 Tura kajertamainiak irunturmarar chikichik enentáiniak umiktai tusar jurutrámsarai.

Túrawar Amiji̱a̱i̱ mániatai tusar chichaman najatramawarai.

 6 Nusha jutai̱ je̱a̱nam pujuinia nu áiniawai.

Etum tura Ismaer aents núnisaṉ Muap tura Akaar aents wea,

 7 ántsaṉ Kipir aents Amun nuyá̱ Amarík

tura Jiristíu aents tura Tírunmaya̱ mátsatka ainia nuí̱miak irunturmararai.

 8 Núnisaṉ Asirianmaya̱ aentsja̱i̱ irunturmarar

Raut wean yáiniawai. (Séraj)

 9 Nisha Matian warí itiurkamam nútikiawarta.

Núnismek Kisun ashintsanam Sésara Japinji̱a̱i̱ warí itiur asutiámam nútikiawarta.

10 Nisha Enturnum nupetnakar kaji̱nkiarmai

túrunawar nuṉká ijia tepana nútiknawarmai.*

11 Urep tura Seep itiur túrawarmam núnismek au aentsu uuntri̱ ainia núnasha túrawarta.

Núnisaṉ Sépaj tura Sarmuna itiur túrawarmam núnismek ashí au akupniu uchirí̱sha túrutawarta.

12 Warí nisha chichainiak “Yusa sa̱a̱kri̱ ainia nu ii akintruktai” tuíniawai.

13 ¡Maa winia Yusru nase wainchi péper ajakí̱ nuṉká ju̱yu̱ri̱ júana nútikiawarta.

Tura trikiu saepe̱n nase yarumna nútikiawarta!

14 Ji keek kampunniunam numin aesak amúa nútiksamek aeskarta

tura nisha kampuntin keak naintian amukí̱ wéana nútikiawarta.

15 Ame nasermiji̱a̱i̱ apapékta tura Ame uunt nasermiji̱a̱i̱sha ashamtikiaram ukurkarta.

16 Túrunawar natsanmai̱ ajakar Jiuwaá Ámin nekarmawartaj tusar Ame náarmin e̱a̱tmakarti.

17 Tura natsanmai̱ itit tuke awajtai̱ ártí

túram páchishtai̱ matsamás amuukarti.

18 Ame náaram Jiuwayaitmena nuna nekarmawarti.

Tura aya Amek ashí nuṉkanam Ashí Naṉkamantuitmena nuna nekarmawarti.