Yus Kanta

Itiurchat pujakrincha wárik yáintmaji.

 2 Tuma asamtai nuṉka meseak naint yumpunkuisha ashamkashtatji.

 3 Tura nayants tamparuk téter ajak

náintian umuchiniakuisha ashamkashtatji. (Séraj)

 4 Ashí Naṉkamantu Uunt Yus pujana nú péprunam

entsa waana nu shiir enentáimtikiainiawai.

 5 Yus nui̱ pujak ikiaká̱rtatui.

Tsawant náṉkamkuisha tuke yáiṉtatui.

 6 Aents itiurchatan matsamtusar charaatum ajainiamunam

Yus chichaakuiṉkia akupniúrtiuk kuraṉkiar kaji̱niawai.

 7 Antsu íiji̱a̱i̱ṉkia Ashí Akupin Uunt Yus Jakupa Yusri̱ya nú pujawai.

Iiji̱a̱i̱ pujak ii ejamtairi̱nti. (Séraj)

 8 Pai yamaikia Uunt Yus wakeramuri̱ji̱a̱i̱ nuṉká túrana ju̱ nekaatarum

 9 mánitiai naṉkincha kupirainia nu tura mesetnum wetai káruncha áestuinia nu iitiarum.

Nuna tura ashí nuṉka náṉkatka ímianai̱ mesetan iniaṉnakchaik.

10 “Wats Wíkitjiai Yus.

Tee ajasa pujusrum nekaratarum.

Ashí nuṉkanam aents írunna nuna Úuntri̱ntjiai.”

11 Uunt Yus iiji̱a̱i̱ pujawai.

Jakupa Yusri̱ ii ejamtairi̱nti. (Séraj)