Yus Kanta
Ti shiir pujustinkia Yusai̱ya̱iti
Saramúṉ kantamámu
127 Uunt Yus je̱a̱n je̱a̱mchakuiṉkia je̱a̱mainia nusha
ántar takakmainiawai.
Uunt Yus péprun wáinchakuiṉkia
jintia iin awajsámusha ántar wajawai.
2 Ántrarum ti káshik nantarme
tura kánakrumsha ti kashi kánarme.
Warí wáitsarmechuk yurumearum.
Kame ni aneamuri̱nkia Yus Níṉkichuk kanartinniaka sua.
3 Nekaata, Uunt Yus úchinkia aparí̱n súsaruiti
tura nukurí̱nia̱ akiintsuk Úunt Yusai̱ya̱ áiniawai.
4 Úchipia asarik uchi yajutmakmaka kakarma uwejé̱n naṉki urukawa núnisaiti.
5 Aents nú naṉkin ni tuntari̱n áimiak takakuka warasminiaiti.
Úuntnun jukim ni nemasri̱ji̱a̱i̱ chichainiakush natsa̱a̱rchartatui.