JEHOVÁ UMIRKARTAI

Tuke iwiaaku tana nuu papiijiai Yuusa chichame unuiniarartai

Aents unuiniartasar jimiara papii yamaram achiaku asar waraji. Nuu papiijiai aents Kristu aents ajasarat tusar unuiniartatajnia nui yainkratkat tusar Jehová seaji (Mat 28:18-20; 1Kur 3:6-9). Nuu papiijiai itiura unuiniartiniaitiaj?

Yuusa chichame unuiniakur aujmattsar unuiniartin asamtai yaunchuk itiur unuiniauyaj nuka yapajiatniuitji. Tuma asamtai iwiarnakum tura unuiyakum junis turata:a

Nui aarma ana nu aujsa amikiam aniasta.
Yuusa chichame aarma ana nu aujsam warinia unuikiarta nu jintintiata.
Video iimtiksam nuu papiinium anintramu irunna nu aniasta.
Yuusa chichame unuiniakum nuu tsawantinin jeakmeka chikichik akankamu unuimiatram amukta.

Yuusnan nekaattsa wakerawash tusam Tuke iwiaaku tana nu papiin achiakeajai titia (Folleto Tuke iwiaaku tana nujai Yuusa chichame itiur etserkamniaitiaj tana nui iista). Nu papii unuimiatra amukrum aents Yuusa chichamen unuimiatki wetaj takuinkia chikich papiijiai akankamu 4 nuyainia unuiniartin juarkitia. Nos enseña tura Continúe papiijiai unuimiakuinkia Tuke iwiaaku tana nu papiijiai unuiniartin juarkitia. Wari akankanmunmaya unuiniartin juarkittiam nuka amek enentaimsata.

Ii yachi ni nuarijiai “Tuke iwiaaku“ tana nu papiijiai uchi natsamarun Yuusa chichamen ujainiawai.

AMESHA YUUSA CHICHAME PENKER UNUIMIATRATA TANA NU VIDEO IISAM JU ANINTRAMU CHIKICHKIMSAM AIMKIATA:

Yuusa chichame unuimiainiasha yamaram papiijiaisha warinia nekaawartata?
Yuusa chichame yama unuimiainiana nusha urukamtai juu video iniaktustiniaitiaj?
Yuusa chichame unuiniamna nu warinia najanat tusam yainminiaitiam? (Warinia aujmatea nu tura warinia turatniuit nu tana nui iista).

a JUSHA AUJSATA: Nukap nekaata tana nuka wakerakrikia Yuusa chichame unuiniajnia nu unuiniarminiaitji, tumaitkiusha Yuusa chichame unuiniartasar iwiarnakrikia mashi unuimiatratniuitji. Nu turakmeka ame unuiniamna nu warinia nekaattsa wakerimniait nusha nekaattame. Celularnumani turutskesha computadoranmani nu papii iiyakrikia video tura chikichcha iistin yupichuch wainkiamniaitji.

WARINIA AUJMATEA NU TURA WARINIA TURATNIUIT NU
	AKANKAMU	WARINIA AUJMATEA	WARINIA TURATNIUIT
1	1-12	Yuusa chichamesha itiura yainmakminiait tura Yuussha itiura nekaamniait nu nekaatin.	Yuusa chichame aujsata tura Yuusa chichame unuimiartasam iwiarnarta nuya iruntainmasha pachinkiata titia.
2	13-33	Yuus iin yainkratkattsa warinia najanait tura itiura enentaimtursarat tusa wakera nu nekaatin.	Chikich aentscha Yuusna ujakarta tura Yuusa chichame etserin ajasta titia.
3	34-47	Yuus enentaimtuiniana nuka uruku artiniait nu nekaatin.	Yuusa chichame unuimia Yuusai sumama imianit tusam jintintiata.
4	48-60	Yuus tuke anensat takur wari itiurkatniuitiaj nu nekaatin.	Yajauchia nuna tura penkera nuna neka ati tusam jintintiata tura ni iwiaakmarincha yapajniaki weti tusam yainta.