Nekaatin aarma

a Jobka menaintiu amikri armiania nu Jobpan chicharainiak yajauch najana asam waitiame. Ainis tutai aentscha warintiartin tu enentaimias itiurchat enentaimsamiayi. Yama nankamtaikkia ni uchiri jakarmiania nui tura warinkish takumiania nusha amukarmiania nuinkia tunaan najanachmiayi tura Yuusnasha yajauch chicharsachmiayi (Juup 1:22; 2:10). Tumaitkiusha yajauch najana asam waitiame tutai penker enentaimtsuk chichaktinian juarkimiayi. Jobka Jehová naari penker ujukamu atiniuyania nunaka kajinmatki, ni natsan juakchatniun imiankaska enentaimsamiayi (Juup 6:3; 13:​4, 5; 32:2; 34:5 TNM).