Yajauchia nu tura waitiamusha urukamtai ti nukap irunea?

Itiurchat nankaamasmatai nukap aents urukamtai ainis turuna tiniu ainiawai. Nu anintramu nekaatniun Yuusa chichame yainmakminiaitji.

1. Iwianch ju nunkanam yajauch ati tusa itiurkamia?

Iwianch Yuusan umirkatniun iniaisamiayi. Iwianch winia umirtukarat tusa wakera asa Adannasha tura Evancha anankawarmiayi. Waitrua Evan anankamiayi (Náṉkammari̱ [Génesis] 3:1-5). Yuuska warasar pujuarat tusa nakitiawai Iwianch Evan tu enentaimtikramiayi. Aentska Yuusan umirainiachkunka nekas warasar pujuarminiaiti tu timiayi. Iwianch yama waitrak jakashtatrume tu timiayi. Tuma asamtai Yuusa chichame tawai: “Iis, waitia uuntri̱ asa tuke wáitriniaiti” (Juaṉ 8:44).

2. Adán Evasha warinia najanawarmia?

Adán Evancha Jehová mash susarmiayi. Ashi numi nere yuamniaitrume antsu numi ajapen wajana au nerenka yuashtiniaitrume tu timiayi (Náṉkammari̱ [Génesis] 2:15-17). Yuus paant ujakmaitiat antutsuk yuawarmiayi. Evaka nu numi neren akak yuamiayi. Tura urum aishrisha yuamiayi (Náṉkammari̱ [Génesis] 3:6). Maimtaik Yuusan umirkacharmiayi. Adán Evajainkia tunaartincha asar Yuusnaka yupichuch umirkarminiuyayi. Ni wakerusan Yuusan umirkachar tunaamkarmiayi tuma asar Yuusan nakitrarmiayi. Yuusan umirkacharu asar ti waitsarmiayi (Náṉkammari̱ [Génesis] 3:16-19).

3. Adán nuya Eva umikcharmanum wari urukait?

Adán nuya Eva tunaamkarmia nui makchartin ajasarmiayi tura ni uchirisha tunaarintin akinkiarmiayi. Yuus papii junis tawai: “Yámankamtaik emka áishmaṉ Ataṉ niṉki yajauchin túramtai nú tunaaja̱i̱ ashí shuar tunaarintin ajasármiayi. Tura ashí tunaarintin ajasár mash jákatin áiniawai” (Rúmanam 5:12).

Nuyanka urukamtai waitiaj? Iiksha yajauch najanar waitsamniaitji. Turutskesha chikich yajauchin najanamtaisha waitsamniaitji. Tura aya neachma warinkish nankaamakui waitsamniaitji (Eclesiastés 9:11 TNM aujsata).

PENKER NEKAATAI

4. Iin waitkiarmajnia nuka awai

Aentska Yuus ju nunka uuntrinti tu enentaimiainiawai. Nu nekasashit? VIDEO iistarum.

VIDEO: Ya ju nunkancha akintruk puja? (1:24)

Sántiak 1:13 tura 1 Juaṉ 5:19 aujsarum juna aujmattsatarum:

• Yuusash waitkiarmaj?

5. Iwianch ju nunka uuntri asamtai itiurchat nankaamawai

VIDEO: Uruamtaink Yuus waitsarat tusa iniaitiamsaitiaj? (ishichik iistin jusamu) (3:07)

Náṉkammari̱ [Génesis] 3:1-6 aujsarum juna aujmattsatarum:

• Iwianch warintia waitruamia? (Akantramuri 4 tura 5 nui iista).

• Satanás Yuuska yajauchiti tusa Evan warintia aniasmia?

• Iwianch Yuus umireakur warasminiaitji tu enentaimiawash?

Eclesiastés 8:9 TNM aujsarum juna aujmattsatarum:

• Jehová ju nunkanam uuntrinchu asamtai wari nankaama?

1. Adán nuya Evajainkia tunaartichu armiayi. Nunka shiirmanam pujuarmiayi. Jehová nakitrar Iwianchin umirkarmiayi.

2. Adán tunaamkamunam ashi nunkanam tunaa nuya waitiamu tura jatai awai.

3. Jehovaka tunaancha tura waitiamuncha nuya jataincha amuktatui. Aentska tunaartichu ajasar nunka shiiram ajasmanum pujusartatui.

6. Jehovaka waitiakrin nisha aintsan waitiawai

Ii waitiakrin Yuus enentaimturmajiash? David nuya apóstol Pedro aararmiania nu aujsata. Salmo 31:7 TNM tura 1 Pítiur 5:7 aujsarum juna aujmattsatarum:

• Jehová ii waitiamun neka asamtai warintia enentaimiam?

WARI NEKAAM

Satanás, Adán nuya Eva makukratiaru ainiawai tuma asamtai waitiaji. Jehovaka ii waitiakrin nisha waitia asa waitiamun amuktatui.

Awakeasrik nekaatin

• Iwianch Evan itiur anankamia?

• Adán nuya Eva umikcharmia nui wari turunait?

• Ii waitiakrin Jehovasha waitiawai urukamtai taji?

NUKAP NEKAATA

Yuus papii tunaanun warintiua nu nekaata.

Itiur tunaamtain? (jw.org nui aarma irunu)

Edén nunkanam Iwianch timiania nuna nekaata.

Urukamtai Yuus waitiamu ati tusa iniaiya? (La Atalaya, 1 de enero 2014)

Chicham ikiakatramnia nu nekaata.

Urukamtai judío aents waitsarmia? Urukamtai Yuus yaincharmia? (jw.org nui aarma irunu)

Yajauch irunmanum pujayat aents warinia nekaamia nu nekaata.

Yamaikia wiki pujatsjai (5:09)