AKANKAMU 19
Testigos de Jehová nekas religionkash ainia?
Testigos de Jehovatikia nekas religionnum pachitkiaji urukamtai ainis taji? Ii unuikiartajnia nusha tunia unuikiartaj nu nekaatai. Urukamtai testigos de Jehová tu naartiniaitiaj nu nekaatai. Mai anenai ajajnia nusha nekaatai.
1. Testigos de Jehová jintinkratainiana nusha wari papiijiain jintinkratin ainia?
Jesús Jehovan timiayi: “Ame chichamem imiá nekasaiti” (Juaṉ 17:17). Testigos de Jehovatikia Jesús turamiania aitkiasrik turaji. Iikia tuke Yuusa chichamenia unuikiartiniaitji. Testigos de Jehová itiura iruntrarmia nu nekaata. 1870 uwitin warumchik aents iruntrar Yuusa chichamen unuimiatratniun juarkiarmiayi. Yuusa chichame jintinkratman unuikiarturtinian juarkiarmiayi. Iglesianmanka nankamas jintinkratainiakuisha ninkia Yuusa chichamen jintinkratiarmiayi. Nuyanka chikich aentsnasha Yuusa chichamen unuiniartinian juarkiarmiayi.a
2. Testigos de Jehová ainis urukamtai naamkaitiaj?
Jehovan enentaimtuiniana nuka Jehovanun paant etserin ainiawai (Israernum [Hebreos] 11:4–12:1). Jehová yaunchuk Israel aentsun junis timiayi: “Winia etserniuitrume” (Isaías 43:10 TNM aujsata). Jesussha Jehovanun etserniuiti tawai Yuus papii (Apocalipsis 1:5 TNM). Tuma asamtai 1931 uwitin testigos de Jehová tu naamkamiaji. Testigos de Jehová asar waraji.
3. Testigos de Jehovasha Jesús anenkratmiania aintsan itiura najanainia?
Jesuska ni unuiniamuri armiania nuna anea asa nii shuara ainis enentaimtiarmiayi (Márkus 3:35 aujsata). Testigos de Jehovatisha iruntrar pujaji. Ashi nunkanam matsateaji tuma asar yatsurua umarua tunainiaitji (Jirimiúṉkan [Filemón] 1, 2). Nuyasha ju chicham umiaji: “Yus shuar ainia nusha aneetarum” (1 Pítiur 2:17). Testigos de Jehovatikia anenkratin asar ii yachi ii umai itiurchat nankaamainiakui yainiaitji.
PENKER NEKAATAI
Testigos de Jehová nankaamasarma penker nekaatai. Ninkia nekas Kristu aents ainiawai urukamtai timiniaitiaj nu nekaatai.
Testigos de Jehová ainiana nuka Yuusa chichame tana nuna chikich aentsun jintintin ainiawai.
4. Iikia Yuusa chichame tana nu unuikiartiniaitji
Ni chichame paant nekanatniuya nuna Jehová etserkamiayi. Taniar 12:4 aujsarum juna aujmattsatarum:
Yuusa chichamen tishipsar unuimiatainiak warinia paant nekaawartatui ta?
Warumchik aents Yuusa chichamen itiura tishipsar unuimiatiarmia nu nekaata. Charles Russell naartincha nui pachitkiauyayi. VIDEO iisrum juna aujmattsatarum:
Video iisajnia nuisha Yuusa chichamen itiura tishipsar unuimiatainiayait?
Jusha nekaata
Unuikiartimiaj nu yapajiaitji, nusha urukamtai? Yuuska ni chichamen ishichik ishichik penker nekaatniun yainma asakrin ainis turaitji. Tsawan tsawamunam ishichik ishichik tsaapin ajaki weana aintsaiti (Nekatai̱n Jintinkiartin [Proverbios] 4:18 aujsatarum). Yuusa chichame yapajtsuk ii unuikiartajnia nu tishipsar penker nekaar unuikiartiniaitji.
5. Jehovanu etserniuitji
Testigos de Jehová urukamtai ainis naamkaitiaj? VIDEO iisrum juna aujmattsatarum:
Testigos de Jehová urukamtai ainis naamkaitiaj?
Jehovasha urukamtai niniun etserkarat tusa aentsun anairait? Nukap aents Yuusan yajauch aujmattsaru asarmatai testigos de Jehová ainis naamkaruka Jehovanun paant etserin ainiawai. Chikich aentska waitruiniak warintiaruit nu nekaatai.
Nukap religión junis tiniu ainiawai: Yuuska estatuajai turutskesha warinkish nakumpramujai enentaimtursarat tusa wakerawai. Tumaitkiusha nu nekasashit? Riwiitikia [Levítico] 26:1 aujsarum juna aujmattsatarum:
Estatuajai turutskesha warinkish nakumpramujai Yuus enentaimtursarat tusa wakerawash?
Sacerdote tura pastor ainiana nuka Jesuska Yuusaiti tu tiniu ainiawai tumaitkiusha nu nekasashit? Juaṉ 20:17 aujsarum juna aujmattsatarum:
Aujsajnia nui tana aintsan Jesús Yuusjai metekeashit?
Yuuska niniun etserkarat tusa tura ni uchiriniun etserkarat tusa aentsun anaikiana nu nekaam warintia enentaimiam?
6. Mai anenai ajawitji
Yuusa chichamenka Kristu aentstinkia ayashi muchitmari aintsaitrume tawai. 1 Kurintiunam 12:25, 26 aujsarum juna aujmattsatarum:
Kristu aentska chikich Kristu aents waitiainian warinia itiurkartiniait?
Amijiaisha Testigos de Jehová ainiana nu anenainia asar warinia turin ainia?
Testigos de Jehová chikich nunkanmania waitiainiakui warik yainiaitji. Nu nekaattsarum VIDEO iistarum. Turarum juna aujmattsatarum:
Itiurchat nankaamasmatai testigos de Jehová ainiana nusha urukamtai yainiain ainia?
Kristu aentska anenkratin asar waitiainiana nuna yayainiawai.
CHIKICHKIA JUNIS TINIU AINIAWAI: Testigos de Jehovaka yamai jintraruiti.
Yaunchuksha yaki testigo de Jehová armia?
WARI NEKAAM
Testigos de Jehová ainiana nuka nekas Kristu aents ainiawai. Jehová enentaimtatikia ashi nunkanam irutraji. Testigos de Jehovatikia Yuusa chichamenia unuikiartiniaitji. Jehovanu paant etserniuitji.
Awakeasrik nekaatin
Testigos de Jehová urukamtai ainis naamkaitiaj?
Mai anenai ajattsar wari turiniaitiaj?
Amijiaisha testigos de Jehová nekas Kristu aentsuash ainia?
NUKAP NEKAATA
Testigos de Jehová nankaamasarma penker nekaata.
Testigos de Jehová Yuusan nekas enentaimtiarmiayi (parte 1): Kiritniunmaya jiniainiawai (1:00:53)
Yajauchi unuikiartuinian testigos de Jehová paant nekaawarmiania nuna nekaata.
Testigos de Jehovaka Jehová naarin paant amajainiawai (7:08)
Testigos de Jehovanu amesha warinkisha nekaattsa wakeramu nekaata.
Testigos de Jehovanu nekaatasar wakeramu (jw.org nui nukap aarma irurma)
Suir enentaimiu asa Stephen ti itiurchatan najanamiayi. Testigos de Jehová uruku asarmatai ni iwiakmarin yapajiamia nu nekaata.
Ti itiurchatnum enkemki wemiajai (La Atalaya, 1 de julio 2015)
a 1879 nuyainia juarki La Atalaya papiikia tuke najannawai.