AKANKAMU 04
Yuussha yait?
Yaunchukka nukape aents chikich yuusan enentaimtin armiayi. Yamaisha aintsan nukap aents chikich yuusan enentaimtuiniawai. Tumaitkiusha Yuus papiikia chikichik Yuus “chikich yuusjaish nankaamas” awai tawai (2 Crónicas 2:5 TNM). Nusha yana ta? Chikich Yuus ainia nusha nijiai metekka urukamtai penke atsa? Yuus amincha warinia nekaat tusa wakera? Nuka ju akankamunam nekaata.
1. Yuussha ya naartiniait tura naarun nekaawarat tusa wakerawash?
Yuuska yaunchuk ni naarin etserkamiayi. “Wikia Jehovayaitjai. Nuiti winia naarka” ainis timiayi (Isaías 42:5, 8 TNM aujsata). Yuusa naarinkia hebreo chichamnumia jusamuiti. “Turunat tusa ni najanniuiti” takur Jehová tutainti. Hebreo chichaman unuimiatin ainiana nuka ainis tiniu ainiawai. Jehovaka naarun nekarawarat tusa wakerawai (Éxodo 3:15 TNM). Nusha urukamtai ainis taji? Yuusa naarinkia Yuus papiinium ti nukap aarma irunu asamtai ainis taji. Yuusa naarinkia 7 mil iniankas timianu aarma awai.a “Nekas Yuuska, nayaimpinmasha nunkasha Jehovakete” (Deuteronomio 4:39 TNM).
2. Yuusa chichamesha Jehovanuncha warinia aujmatea?
Antar yuus nukap iruneawai tumaitkiusha nekas Yuuska chikichkiti, Jehová naartiniaiti tawai Yuusa chichame. Nusha urukamtai ainis taji? Ninkia ashi nunkanam nankaamakuiti (Yus Kanta [Salmo] 83:18 aujsata). Ninkia “Ashí Tujintkiachu Yúsaiti”. Tuma asamtai ni wakeramu najanatniun kakarman achiakeawai. Nuyasha nayaimpiniam irunna nuna tura ju nunkanam irunna nunasha mash najankaiti (Apukarípsis 4:8, 11). Tuke pujuuka tura tuke pujutniuka aya Jehová ninkiti (Yus Kanta [Salmo] 90:2).
PENKER NEKAATAI
Yuus arantakur tutaisha awai tura ni naarisha awai. Naarun nekaawarat tusa Yuussha warinia itiurkait nuyasha Yuussha urukamtai naarun nekarawarat tusa wakera nu nekaattaji.
3. Yuus arantakur tutai nukap irunui tumaitkiusha aya chikichik naariniak achiakeawai
Aentska naarin achiakainiawai tura arantakur tutaisha iruneawai. Nu nekaataj tusarum VIDEO iisrum juna aujmattsatarum:
Yuuska arantakur Uunt Yuus tutainti tumaitkiusha nuka urukamtai ni naarinchuit?
Aentska chikich yuusan enentaimtin ainiawai tawai Yuusa chichame. Muisais Ujakma [Deuteronomio] 10:17 aujsarum juna aujmattsatarum:
Nukap yuus irunkusha yakit nankaamantu Yuussha?
4. Yuuska naarun nekarawar turutiarat tusa wakerawai
Jehovasha naarun nekaat tusa wakerawash? VIDEO iisrum juna aujmattsatarum:
Jehová naarun nekarawarat tusa wakerawai amesha urukamtai tu enentaimiam?
Jehovaka naarun pachisarat tusa wakerawai. Juir 2:32 aujsarum juna aujmattsatarum:
Urukamtai Yuusa naarisha titiniaitiaj?
Yaksha ame naarmin takui itiur enentaimniuitiam?
Jehovasha ni naari takumin itiurak enentaimniuit?
5. Jehová aminkia amikiur ajasat tusa wakerawai
Nuwa Camboya nunkanmaya Soten naartin Yuusa naari nekaatniuka imia penkeraiti timiayi. VIDEO iisrum juna aujmattsatarum:
Soten Yuusa naarin nekaa urukamia?
Yaksha ii amikri ajakui emka nii naari nekaatainti. Sántiak 4:8 aujsarum juna aujmattsatarum:
Ya wini weamkatarum turameaj?
Jehová naari nekaamka ni amikri ajasminiashitiam?
CHIKICHKIA JUNIS TINIU AINIAWAI: Yuuska nukap naarin achiakeawai tumaitkiusha chikichik Yuuskete.
Yuusa naari Jehovayashit?
Yuuska naarun pachisarat tusa wakerawai tusam chikich aentscha itiurak jintintiawaintiam?
WARI NEKAAM
Nekas Yuuska Jehová naartiniaiti. Naarun nekartuawarat tusa wakerawai nuyasha amikiur ajasarat tusa naarun pachisarat tusa wakerawai.
Awakeasrik nekaatin
Jehovaka chikich yuusjainkia metekchaiti urukamtai timiniaitiam?
Yuusa naarisha urukamtai titiniaitiaj?
Jehovaka amikiur ati tusa wakerawai urukamtai ainis tame?
NUKAP NEKAATA
Yuuska nekas awai urukamtai taji nu nekaata.
Yuuska tuke pujuwiti urukamtai ainis taji nu nekaata.
Yaunchuk Yuusa naarin itiurak tiniu armia nu nekachkursha urukamtai Yuusa naari titiniaitiaj nu nekaata.
Urukamtai Yuusa naarisha titiniaitiaj? Yuuska chikichik naariniak achiakeawai urukamtai taji nu nekaata.
a Yuussha urukamtai Jehová tu naamkait nuyasha urukamtai chikich Yuus papii iruneana nuisha Yuusa naarin jurusaruit nuka apéndice 4A Yuus papiinium La Biblia. Traducción del Nuevo Mundo nui wainkiattame.