AKANKAMU 01
Yuusa chichamesha yainmakminiashit?
Urukamtai iwiakeaj, urukamtai waittiain, jakarsha uruktain, ukunmatai penker pujutjiash ainis animiatainti. Itiurkanak kuitian waitmakaintiaj turutskesha nuarjai uchirjai itiura warasan pujumniaitiaj tu enentaimtainti. Tu enentaimiajnia nuna penker nekaatniun Yuusa chichame yainmakminiaitji nukape aents ainis enentaimiainiawai. Amijiaisha Yuusa chichame chikich aentsnasha yainminiashit?
1. Yuus papiiniumsha wariniua nekaamniaitiaj?
Junis enentaimiajnia nuna Yuusa chichame penker nekaatniun yainmakminiaitji: Aentstisha tunia jiintraitiaj? Wari najanattsaria iwiakeaj? Yajauchin najanachariatcha urukamtai waitiainia? Jakarsha uruktain? Aentstikia penker matsamsattsar wakeriniaitji tumaitkiusha urukamtai maaniamu irunea? Ju nunkasha urukatniukit? Tu enentaimiajnia nuka Yuus papiinium penker nekaamniaitji. Nukap aents ni enentaimiainiana nuna Yuus papiinium penker nekaawaruiti.
2. Penker pujuarat tusa Yuus papiisha warinia jintintrameaj?
Yuus papiiniumka penker chicham nekaamniaitji. Nuatnaikiaru itiura warasar pujuarminiait nuna jintinkrateawai. Warinmansha ti enentaimkiur wari najanamniaitiaj nuyasha takakmakrisha wara warat takakmastasar wari najanamniaitiaj nunasha jintintrameaji. Yuusa chichame unuitiamprattana nujai ju papii unuimiatkum Yuus papii jintinkrateana nuka penker nekaattame. Nu turakum Yuusa chichamenka imia penkeraiti ainis titiatme (2 Timiutéun 3:16, 17).
Ju papiikia Yuus papiichuiti tumaitkiusha Yuusa chichame penker nekaatniun yainmaktatui. Tuma asamtai ju papiinium Yuus papii aarma iruneana nu mash aujsata. Ame unuimiamna nuka Yuus papiiniumsha aarma ana nu nekaata.
PENKER NEKAATAI
Yuusa chichamesha chikich aentsun itiura yainkiaruit nu nekaatai. Tura Yuusa chichame penker aujuujat nekaptiasar wari itiurkamniaitiaj nuyasha wari urukamtai chikich aentscha Yuusa chichamen unuitiampratniuit nusha nekaattaji.
3. Yuusa chichamenka nukap jintintrameaji
Linterna ekemakam ii weamunmaani tsaapin amajniuana aintsankete Yuusa chichamesha. Yuusa chichamenka ii wari najanatniuitiaj nuna paant jintintrameaji nuyasha ukunmatai wari nankaamastata nunasha ujatmaji.
Yus Kanta [Salmo] 119:105 aujsarum juna aujmattsatarum:
Juna aarusha Yuusa chichamen waritmia?
Amesha Yuusa chichame tana nusha waritia enentaimiam?
4. Wari nekaattsar wakeraj nuka Yuusa chichamen nekaamniaitji
Nuwa yaunchuk nekaatasa wakeramun Yuus papiinium nekaamiayi. VIDEO iisrum juna aujmattsatarum:
Video iisajnia nui nuwa warinia nekaatasa wakerimia?
Yuusa chichamen unuimiak warinia nekaamia?
Anintrustiniaitrume Yuusa chichame ainis tawai. Matéu 7:7 aujsarum juna aujmattsatarum:
Yuus papiinium wari nekaattsam wakeram?
5. Yuusa chichame aujeakum penker aujuujat nekaptiatme
Nukap aents Yuusa chichamen aujsatniun wakerin ainiawai. Nuna turuiniak penker pujuiniawai. VIDEO iisrum juna aujmattsatarum:
Natsamaru ainiana nu papii aujsatniun itiur enentaimtuinia?
Yuusa chichame aujsatniuncha itiur enentaimtuinia?
Yuusa chichame jintinkratmaka ikiakatmaji tura uruma nui penker pujustin atatna nuna jintintrameaji. Rúmanam 15:4 aujsarum juna aujmattsatarum:
Yuusa chichame ikiakatmajnia nuna tura uruma nui penker pujustin atatna nuna nekaatasam wakeramek?
6. Chikich yainmakui Yuusa chichamenka penker nekaamniaitme
Nukap aents ninki Yuusa chichamen aujainiaksha chikich aentsjai unuimiainiak penker nekaawaruiti. Túramuri̱ [Hechos] 8:26-31 aujsarum juna aujmattsatarum:
Yuusa chichame penker nekaatai tusar wari itiurkamniaitiaj? (Akantramuri 30, 31 iistarum).
Etiopianmaya aents Yuusa chichame jintintiam penker nekaamiayi. Yamaisha aintsan yaksha Yuusa chichame jintintramkurin penker nekaamniaitji.
CHIKICHKIA JUNIS TINIU AINIAWAI: Yuusa chichame unuimiamuka antar tsawan iniankamuiti.
Nekas aintsashit, amesha waritmea? Urukamtai tu enentaimiam?
WARI NEKAAM
Yuusa chichamenka penker pujuttsar wari najanatniuitiaj nuna jintintrameaji tura warinkisha nekaatasar wakerajnia nusha nekaamniaitji nuyasha ikiakatmaji tura uruma nui penker pujustin atatna nuna nekaatniuncha yainmaji.
Awakeasrik nekaatin
Penker pujuarat tusa Yuusa chichamesha wariniuna jintintrameaj?
Wari anintramua Yuus papiinium nekaamniaitiaj?
Amesha Yuus papiinium wariniua nekaattsam wakeram?
NUKAP NEKAATA
Yuusa chichame jintinkratmasha urukamtai penkerait nu nekaata.
Yuus papii jintinkratmaka tuke yainkratniuiti (La Atalaya, núm. 1 2018)
Uchichinmayan ti kuntuts enentaimniuyania nunasha Yuusa chichame itiur yainmia nu nekaata.
Nukap aents ju nunkanam iikrateaka Yuusaiti tu enentaimin ainiawai. Tumaitkiusha nu nekasashit, nuka Yuusa chichamen nekaamniaitji.
Urukamtai Yuus Papii unuimiartiniaitiaj? (Juka esarmaiti) (3:14)