3. Jehovasha ni amikri ainiana nusha uruku arat tusa wakeriniait?

Jehovaka ashi aentsun anenaiti tumaitkiusha esetar wekainia nuna amikrinti (Nekatai̱n Jintinkiartin [Proverbios] 3:32). Jehovaka ni amikri ainiana nuka penkera nuna najanawarat tusa wakeriniaiti nuyasha yajauchia nunaka nakitrarat tusa wakeriniaiti. Jehová tana nunaka timiatrusnak umiktinniaka tujinkiamniaitjiai yaksha ainis enentaimminiaiti tumaitkiusha Yuuska waitnenkartin asa nin anena nunaka tura nin umirkattsa kakainianka shiir enentaimtawai (Yus Kanta [Salmo] 147:11; Túramuri̱ [Hechos] 10:34, 35).

Ashi aents amikri penkeran najanniun takuttsar wakerin ainiawai. Jehovasha aintsan amikruka penkera nuna najanin arat tusa wakerawai. Aents anankartin ainiawai tuma asamtai iisha anankartin aij tusar kakartiniaitji. Anankartichuitkiurkia urukattaj?

1. Urukamtai anankartichu atiniaitiaj?

Jehová aneakrikia tura arantakrikia chikichcha anankainiatsji. Jehovaka ii enentaimian tura ii najanman nekawai (Israernum [Hebreos] 4:13). Anankartichuitkiurninkia Jehovasha shiir iirmastatji. Ni chichamen junis tawai: “Warí Uunt Yuska yajauchin enentáimtinia núnaka muí̱jiawai, antsu esetar wekainia núnaka nekas péṉker amikri̱ya nútikias shiir enentáimtuiniawai” (Nekatai̱n Jintinkiartin [Proverbios] 3:32).

2. Anankartichu asar wari najanatniuitiaj?

Jehovaka “Atumí írutramurmiji̱a̱i̱ nekasa nu chichastarum” turameaji (Sakarías 8:16, 17). Anankartichu asar wari itiurkatniuitiaj? Ii shuarsha tura takatnumsha nuya ii yachisha ii umaisha nuya naamka ainiana nusha ananchaitji. Aents anankartichuka kasamchaiti (Nekatai̱n Jintinkiartin [Proverbios] 24:28 tura Ipisiunam [Efesios] 4:28 aujsata). Nuyasha warinmansha mashiniu akikmaitji (Rúmanam 13:5-7). Warinmansha “Iisha ashí péṉker túratin wakeraji” (Israernum [Hebreos] 13:18).

3. Anankartichuitkiurkia urukattaj?

Anankartichuitkiurninkia chikichcha nekas tiniuyi turamiartatji. Anankartichuitkiurkia ii yachijiaisha ii umaijiaisha penker pujuartatji. Nuyasha anankartichu asar penker enentaimtiatji. Anankartichuitkiurkia Yuusa chichame jintinkratmaka ti penker ujukattaji nuya chikichcha Jehovan enentaimtustasar wakeriarminiaiti (Titiun 2:10).

PENKER NEKAATAI

4. Jehovaka aents anankartichu ainian shiir iiniaiti

Yus Kanta [Salmo] 44:20, 21 tura Marakías 3:16 aujsarum juna aujmattsatarum:

• Warinsha uukar najanamniashitiaj? Urukamtai ainis enentaimiam?

• Chichakrin nekasa nu takurin Jehová itiurak enentaimprat?

5. Anankartichu tuke atiniaitji

VIDEO: Warasar pujustasar itiurkatniuitiaj? Itiurchat enentaimsaij tusar Yuus tuke umirkatniuitji (2:32)

Israernum [Hebreos] 13:18 aujsarum itiura anankartichu aminiaitiajnia nuna aujmattsatarum.

• Ii shuarjai.

• Takatnum turutskesha unuimiatainiam.

• Tuinkish pujakur.

6. Anankartichuitkiurkia penker pujuttaji

Anankartichuitkiursha itiurchatka wainkiamniaitji. Yus Kanta [Salmo] 34:12-16 aujsarum juna aujmattsatarum:

• Anankartichuitkiurkia itiur pujuttaj?

1. Aishman ni nuarijiai anannaiyashkunka nuatnaikiamunam penker pujuartatui.

2. Aents penker takakmainiakuinkia takata nerenniurisha shiir enentaimtuiniawai.

3. Anankartichunka anaikiamu ainiana nusha shiir enentaimtuiniawai.

WARI NEKAAM

Jehovaka ni amikrinkia warinsha najanainiak tura chichainiaksha anankartichu arat tusa wakerawai.

Awakeasrik nekaatin

• Warinma anankartichu atiniaitiaj?

• Nekasa nu uukminiashit?

• Urukamtai anankartichu atiniaitiam?

NUKAP NEKAATA

Uchirtin ainiasha ni uchirin anankartichu arat tusa itiur jintiawartiniait?

Tuke waitrutsuk chichakta (1:44)

Ni chichakmari umiana nuka urukatta?

Chichakmaram umikta turamka penker pujuttame (9:09)

Ii kuit akikmamujai yajauchin najanainiakuisha akikmaktiniashitiaj nu nekaata.

Naamkaru ainiana nu kuit akikmaktarum tuiniakui akikmaktiniashitiaj? (La Atalaya, 1 de septiembre 2011)

Aishman anankartiniaitiat yapajiamia nu nekaata.

Jehovaka penker asa tsankurkartinian nekaamiajai (La Atalaya, 1 de mayo 2015)

2. Yajai nawamnaiyam nuna Jehová itiur enentaimta?

Jehová amikrinkia penker ainiawai. “Warí Uunt Yuska yajauchin enentáimtinia núnaka muí̱jiawai, antsu esetar wekainia núnaka nekas péṉker amikri̱ya nútikias shiir enentáimtuiniawai” (Nekatai̱n Jintinkiartin [Proverbios] 3:32). Jehová aents ni umirainiatsna nujai tsaninkiar wekakrinkia itiurak enentaimsat? Ti kuntuts enentaimprattawai (Sántiak 4:4 aujsata). Aents yajauchijiai tsaninkiar wekasatin iniaisar Jehová umireakrikia tura ni umirainiana nujai nawamnaiyakrinkia Jehovaka warastatui tura ni amikri ajastatji (Yus Kanta [Salmo] 15:1-4).