AKANKAMU 42
Natsasha tura nuatnaikiaru ainiana nusha warinia itiurkartiniait?
Nuatnaikiar warasar pujusminiaitji tu enentaimniush iruneawai. Nuatnaikiarusha mashikia waras pujuchu ainiawai, tura natsasha mashikia waitsar pujuchu ainiawai. Yuusa chichamenka tawai nuatnaikiamusha tura natsa pujamusha penkeraiti.
1. Natsaitkiurkia wari turamniaitiaj?
“Ya nuatnaiya nuka penkeran najaneawai antsu natsak pujaka ti penkeran najaneawai” tawai Yuus papii (1 Kurintiunam 7:32, 33; 7:38 TNM aujsata). Nuatnaikiachuka nu nankaamas penker turayi urukamtai ainis ta? Nuatkaka nuarin enentaimsattawai tura nuatnaikiaka aishrin enentaimsattawai. Antsu natsaka nunaka enentaimsachartatui. Ankantan achiakainia asar Yuusna nukap yaimkiarminiaiti. Yuusa chichame etserkatin tui utsumna nui wear yaimkiarminiaiti. Ankantan achiakainia asar Yuusa chichame nukap unuimiatrarminiaiti.
2. Registro civilnum nuatnaikiatin urukamtai penkerait?
Natsasha tura nuatnaikiaru ainia nusha penker pujuarminiaiti. Yuusa chichame junis tawai: “Chikichkijiainkia jimiara nu imia penkeraiti” (Eclesiastés 4:9 TNM). Nuatnaikiaru Yuusa chichame tana nuna uminiakka penker pujuartatui. Registro civilnum nuatnainiak aneastatajme, arantuktatajme tura penker iistatajme tiniu ainiawai. Tuma asar penker nuatnaikiaruka penker puju ainiawai. Tura uchirincha penker tsakakmau ainiawai.
3. Nuatkasha tura nuatnaikiasha Jehovan umirkartasar warinia turawartiniait?
Aishmanka ni aparin nukurin ikiuki ni nuwejain tsanin pujustiniaiti Yuus tu timiayi (Náṉkammari̱ [Génesis] 2:24). Jehovaka aishman ni nuwejai anenaisar tsaninkiar pujusarat tusa wakerawai. Antsu nuwaksha turutskesh aishmankesha tsanirmamtainkia tunaa najanachuka papii najana ajapataj takunka ajapamniaiti. Nunaka ninki enentaimsatniuiti (Matéu 19:9).a Jehovaka Kristu aents nuwa apatkarain tusa nakitiawai (1 Timiutéun 3:2).
PENKER NEKAATAI
Natsaitkiumsha turutskesha nuatnaikiaitkiumsha warasam pujustasam tura Jehovasha waramtiksattsam wari turatniuitiam nu nekaatai.
4. Natsaitmena nui penkera nu najanata
Jesuska natsa pujamusha penkeraiti tu enentaimniuyayi (Matéu 19:11, 12). Matéu 4:23 aujsarum juna aujmattsatarum:
Jesús natsauyania nui ni apari takatri najanattsa nuya chikichniash yaintasa warinia turamia?
Jesús turamia nunisan Kristu aents natsa ainia penkera nuna turuiniakka penker pujuartatui. VIDEO iisrum juna aujmattsatarum:
Kristu aents natsa ainiana nu warinia turawarminiait?
Jusha nekaata
Yuusa chichamenka urutma uwi achiakkuria nuatnaikiatniuitiaj nunaka tatsui. Tumaitkiusha yama tsakakrikia nuatnaikiashtiniaitji tawai. Yama tsakakrikia yajainsha tumatin wakerua wakerua ajatainti tura penker enentaimchatainti (1 Corintios 7:36 TNM).
5. Yajai nuatnaikiattam nuisha penker enentaimsata
Nankamsar nuatnaikiashtiniaitji. Matéu 19:4-6, 9 aujsarum juna aujmattsatarum:
Kristu aentska nuatnaitsuk urukamtai penker enentaimsartiniait?
Nuwasha aishmansha uruku atiniait nuna Yuusa chichame tawai. Jehovan anea eakta.b 1 Kurintiunam 7:39 tura 2 Kurintiunam 6:14 aujsarum juna aujmattsatarum:
Mai Kristu aentsuk urukamtai nuatnaikiartiniait?
Kristu aentschajai nuatnaiyakrinkia Jehovasha itiurak enentaimsamniait?
Toro burrojai nunkan pukuiyarat tusar apatkar jinkiashminiaitji. Apatkar jinkiamka maimtaik waitsarminiaiti. Aintsan Kristu aents Kristu aentschajai nuatnaiyakka ti waitsattawai.
6. Nuatnaikiaruka kanakchartiniaiti tawai Jehová
Israel aentska antar ajapnai wearmiayi. Marakías 2:13, 14, 16 aujsarum juna aujmattsatarum:
Jehovasha urukamtai antar ajapnaiyawarain tusa nakitia?
Tsanirmawarmatainkia nuya ajapnaiyawarmatainkia ni shuar waitin ainiawai.
VIDEO iisrum juna aujmattsatarum:
Kristu aentsjai nuatnaikiachuitkiumka penker pujuttsam wari turamniaitiam?
7. Nuatnaikiam Jehová turatarum tana nu umikta
Yuus tana nu umiktin itiurchat aminiaiti.c Umianka Yuuska yaintatui. VIDEO iistarum.
Israernum [Hebreos] 13:4 aujsarum juna aujmattsatarum:
Yuus nuatnaikiarun ju turatarum tana nu penkerashit? Urukamtai tu enentaimiam?
Jehovaka penker nuatnaikiarat tusa wakerawai tura ajapnainiaksha papii najanawar ajapnaiyawartiniaiti tawai. Uunt naamkarusha ainis najanawarat tusar wakeruiniawai. Titiun 3:1 aujsarum juna aujmattsatarum:
Penker nuatnaikiakaitiam?
CHIKICHKIA JUNIS TINIU AINIAWAI: Penker nuatnaitsuk tsaninkiar pujusminiaitji.
Ainis tuiniakui amesha warintinmek?
WARI NEKAAM
Natsa pujustincha tura nuatnaikiamusha penkeraiti tawai Jehová. Natsaitkiursha tura nuatnaikiaitkiursha Yuus umireakrikia penker pujuttaji.
Awakeasrik nekaatin
Natsa akur wari najanamniaitiaj?
Yuus papii urukamtaiya mai Kristu aentsuk nuatnaikiartiniaiti ta?
Yuus papiisha wari akuinia ajapnaiyawartiniaiti ta?
NUKAP NEKAATA
Kristu aents yajai nuatnaikiatniuit?
Anajmanairam pujakmin turutskesha nuatnaikiam pujakmin wari yainmakminiait nu nekaata.
Nuatnaikiatin wakerakrikia iinkia wari najanatniuitiaj? (11:53)
Iniaisamiajna nunasha iniankas Jehová surusuiti aents tu enentaimiana nu nekaata.
Ukunmatainkia Yuusa chichamen unuimiatrattawai tu enentaimmiajai (1:56)
Kanaktinian enentaimtsuk turutskesha ajapnaiyatsuk iinkia warinma enentaimsatniuit?
Yuus atsankiana nu arantukartai (La Atalaya, diciembre 2018)
b Ni uchiri ni nawantri yajai nuatnaikiatta nuna eatniusha iruneawai. Nekaska Jehová anenan eakartiniaiti. Kuitrinniuiti turutskesha naatkaiti tu enentaimsachartiniaiti.
c Penker nuatnaitsuk aya tsaninkia pujakmeka iniaisataj takumka iniaisamniaitme, turutskesha nijiai nuatnaikiataj takumka nuatnaikiamniaitme. Nuka aminiuiti.