Jehovainia penke kanakchartai

Nekas Kristu aentstikia warinkish nankaamakuisha Jehová tuke enentaimtustasar wakeraji. Amesha aintsam enentaimtsumeash? Tuke umireamna nuna Jehová shiir iiyawai (1 Crónicas 28:9 TNM aujsata). Wari nankaamakuiya Yuus umirkatin itiurchat aminiait? Nu itiurchat nupetkattsam wari itiurkatniuitiam?

1. Jehovan umirkarain tusa itiurtamkamniaitiaj?

Jehovan umirkarain tusar chikich aents itiurchat amajtamiarminiaitji. Yuusnumia aran amajkartustasar Yuusan iniasaruana nu testigos de Jehovanun warinkisha waitruawar tiarminiaiti. Ainis waitruiniaka apóstatas tutainti. Nuyasha pastor turutskesha sacerdote waitruawar testigos de Jehovanun aujmatin ainiawai. Ainis waitruiniakui nukap aents aran ajau ainiawai. Iin kajertamainiajnia nu ayamprumaktasar aujeakrikia itiurchatnum enkemkamniaitji. Nu aents internetnum aarar apujainiana nu aujsashtiniaitji, ni papiirisha aujsashtiniaitji, videon apujainiana nusha iischatniuitji. Ainis najaneakrikia itiurchatnum enkemkashtatji. Yuusan umirkarain tusar itiurchat amajkartuiniaka junis ainiawai Jesús timiayi: “Ikiuktiarum. Kusurua áintsaṉ áiniawai. Tura kusurúncha jintintiáiniawai. Mai̱ kusuru ásar mai̱ wá̱a̱nam akaikí̱ iniaawartatui” (Matéu 15:13, 14).

2. Nuyasha Yuus umirkattsar wari najanatniuitiaj?

Jehová anea asar antar religión najanainiana nui pachinkiatin penke nakitiaji. Antar religionna takakmaschatniuitji. Ii najaneajnia nuka antar religionnum najanainiana aintsan achatniuiti. Tura warinmansha pachinkiurkia antar religionna achatniuiti. Uunt Babilonianmaya jinkitiarum Jehová ainis tawai (Apukarípsis 18:2, 4).

PENKER NEKAATAI

3. Wait chichaman jintinkratainia irunu asamtai anearta

Jehová iruntramuriniu aujmatainiamu antukam itiur enentaimsattam? Nekatai̱n Jintinkiartin [Proverbios] 14:15 aujsarum juna aujmattsatarum:

• Warinkish antukrisha nekasaiti tutsuk urukamtai esetrar enentaimsatniuitiaj?

2 Juaṉ 9-11 aujsarum juna aujmattsatarum:

• Testigos de Jehovanu waitruawar etserainiana nujai nawamnaikiatniuashitiaj?

• Testigos de Jehovanu waitruawar aujmatainiana nujai aujnaiyachkursha ni enentaimiainiana nunisan enentaimsamniashitiaj?

• Yuusnan tura ni iruntramuriniun yajauch aujmatainiamu antureakrincha Yuussha itiurak enentaimpramniait?

4. Kristu aents tunaan najanamtaisha ameka Jehová tuke umirkata

Kristu aents ti yajauchin najana nekaarsha wari turatniuitiaj? Jehová Israel aentsun timiania nui enentaimsata. Levítico 5:1 TNM aujsatarum.

Yuusa chichame tana aintsan Kristu aents ti yajauchin najana nekaarkia uuntri ainiana nu ujakartiniaitji. Nu turutsuk ti yajauch najana chicharkur uuntri ainiana nujai aujmattsata titiniaitji. Ujaktinian nakitiakuinkia Jehová umirkattsar wakera asar uuntri ainiana nu ii ujakartiniaitji.

• Nu turakrikia Jehová anea asar umireajiash? Urukamtai aintsait?

• Nu turakrikia tunaan najana aneajiash? Urukamtai aintsait?

• Nu turakrikia chikich Kristu aents aneajiash? Urukamtai tu enentaimiam?

5. Warinkisha antar religión najanmanum pachinkiaip

VIDEO: Uunt Babilonianmaya jinkitia (5:06)

Rúkas [Lucas] 4:8 tura Apukarípsis 18:4, 5 aujsarum juna aujmattsatarum:

• Ame naarmesha antar religión ainiana nui peeteawash?

• Aents iruntraru ainiana nui pachitkiakmeka nu iruntramunam antar religionnumiajai takakmainiawak?

• Wi takakmajna nujai antar religionkan yayajak?

• Antar religionnumia aran ajastasam chikitcha wari najanatniuitiam?

• Antar religionnumia aran ajastasam wari itiurkattam?

Warinkish najankumsha Yuus umireakum shiir enentaimsattsam najanata.

WARI NEKAAM

Jehová tuke umirkattsarkia Jehovanu nakitraru ainiajai nawamnaikiashtiniaitji.

Awakeasrik nekaatin

• Testigos de Jehovanun yajauch aujmatainiamu urukamtai nakitratniuitiaj?

• Ii yachi ii umainsha tunaan najana nekakrikia wari turatniuitiaj?

• Antar religionnumia aran ajastasar wari itiurkatniuitiaj?

NUKAP NEKAATA

Testigos de Jehovanun waitruawar warinkish tuiniakuisha itiurkatniuitiaj nu nekaata.

Nekachiatar nekasaiti tichatniuiti (La Atalaya, agosto 2018)

Warinkish najanmanum pachitkiamna nui antar religionjai takakmainiawash tusam itiur nekaamniaitiam?

Amuukatin tsawannum pujajnia jui penke amusatuk ajasu asamtai nukap Yuusa takatri takakmasartai (La Atalaya, octubre 2019, párrafos 16-18)

Nukap aents Jehovan kajerainiana nu iin majat amajkartustasar wari turawaruit?

Anankramawaraij tusar anearartai (9:32)

Sacerdote antar religionkan iniaisamiania nu nekaata. Uchichik Yuusan penker nekaattsan wakerimiajai tana nui aujsata.

Yuusa chichamen nekaawar yamaikia penker pujuiniawai (La Atalaya, 1 de julio 2011)