-
Namper iruneana nu Yuusjaisha mashiash penker ainia?Warasam tuke iwiaku pujuttame - Yuusa chichame unuimiartai
-
-
Rúmanam 12:2 aujsarum juna aujmattsatarum:
Warinsha nampermattsam itiur enentaimsatniuitiam?
Ame pujamna nuisha warinia namperma ainia?
Nu nampermamun Jehová penkerash iiya?
Cumpleaños najanman Yuussha itiurak enentaimta? Yuusa umirniuka cumpleañosnum pachinkiaiti tamaka Yuusa chichamenka atsawai. Antsu Jehová umircha armia nu cumpleaños najanin armiayi tawai. Náṉkammari̱ [Génesis] 40:20-22 nuya Matéu 14:6-10 aujsatarum. Turarum juna aujmattsatarum:
Cumpleaños najanmanum wari nankaamasmia?
Ausajnia jui enentaimsam cumpleaños Jehovasha itiur enentaimta?
Cumpleañosnum tura Yuus nakitiana nu nampernum pachiniakui Yuus kajertukminiashit tu enentaimtsumeash. Jíinkiarma [Éxodo] 32:1-8 aujsatarum. Turarum VIDEO iisrum juna aujmattsatarum:
Warinsha turutsuk Jehová juna wakerawash tusar urukamtai iinkia enentaimsatniuitiaj?
Nusha itiurkaria turatniuitiaj?
Nampermamun Yuus penkerash iiya nu itiur nekaamniaitiaj?
Yuus papiinium nuna jintinkrateawak? Nu nekaattsam nu nampermamu tunia jintrait nu nekaata.
Aentsun, matsatkamun, tarachin turutskesha escudon paant amajsattsar namperan najanainiawak? Iikia aya Jehovak paant amajeaji tura Yuus ju nunkanam itiurchat irunna nunasha iwiarattawai tu enentaimiaji.
Nu nampernum Yuus nakitiamun najanainiawash? Iikia yajauchia nu najancha atiniaitji.
-
-
Penkera nujai warasartaiWarasam tuke iwiaku pujuttame - Yuusa chichame unuimiartai
-
-
AKANKAMU 53
Penkera nujai warasartai
Jehovaka “warau Yuusaiti” (1 Timoteo 1:11 TNM). Yuuska warasar penker pujusarat tusa wakerawai. Jehovaka ankan sumamsar warasar nankaamasarat tusa wakerawai. Ankan pujakur warasar nankaamastasar wari itiurkamniaitiaj nu jui nekaattaji.
1. Iniamkum warinsha najanattsam warinma enentaimsamniaitiam?
Iniamkum pujusam wari najanattsam wakeriniaitiam? Jea pujusa papii auju pujuttsa wakerincha iruneawai. Tura chikichkia tuntuinsamu antuktasa wakerincha iruneawai. Turutskesha película iistasa wakerincha iruneawai. Tura chikichkia internetan pujursatniun wakerin ainiawai. Chikichkia ni amikrijiai wekasatniun tura entsa yukuaktinian turutskesha nakurustinian wakerincha iruneawai. Warinkish najanattsarkia Yuus warinia wakera nu nekaatniuitji (Rúmanam 12:2). Urukamtai nu turatniuitiaj? Yajauch nukap irunu asamtai nu turatniuitji. Maaniamu tura tsanirmamu nuya Iwianchnia najanmasha nukap iruneawai (Salmo 11:5 TNM aujsata). Penkera nu turatai tusar wari itiurkamniaitiaj?
Ii amikri penker ainiakka iniamkur pujakrin penkera nu najanatniun yainmakartatji. Akankamu 48 nui nekaamji ti neka ainiajai wekana nu ti neka atatui. Antsu Yuusan umireatsna nujai wekana nu waitsattawai (Nekatai̱n Jintinkiartin [Proverbios] 13:20).
2. Urukamtai aya warastin enentaimsashtiniaitiaj?
Iniamkur pujusar penkera nu najankursha aya nuke pujurchatniuitji. Aya nuke pujurkurkia chikitcha najanatin ankancha atatji. “Ashí tsawant péṉker túramnia nu wasurkairap” tawai Yuus papii (Ipisiunam [Efesios] 5:15, 16 aujsata).
PENKER NEKAATAI
Iniameakum pujusam itiurkamea penkera nu turamniaitiam nu nekaatai.
3. Yajauchia nu wararsaip
Yajauchia nu urukamtai wararsashtiniaitiaj? VIDEO iisrum juna aujmattsatarum:
Romanam maaninian iiniak wararin armia nunis yamaisha turuiniawak?
Uchi natsamaru Danny naartin warinia nekaamia?
Rúmanam 12:9 aujsarum juna aujmattsatarum:
Jui Yuusa chichame tana nu warinsha nankamsar iischatniun itiur yainmaj?
Jehová warinia nakitia? Nekatai̱n Jintinkiartin [Proverbios] 6:16, 17 tura Karaseanam [Gálatas] 5:19-21 aujsatarum. Yuusa chichame chikichkimsa aujsarum juna aujmattsatarum:
Jui tana aintsan aentscha warijiai nakurin ainia?
Iniamkur pujusar penkera nu turawartai
Junisam enentaimsata:
Wariniukit? Jehová nakitiana nukait?
Urutai? Chikich najanatniuncha achiakeajak?
Yajainia? Jehová umirainiatsna nujainiash nawamnaikiattaj?
Iniarminnium wekachatainti. Aintsan iniamkur pujusar yajauchia nujai waraschatniuitji.
4. Tsawan antram iniankasaip
VIDEO iisrum juna aujmattsatarum:
Uchi natsamaru yajauchinkia najanchamiayi tumaitkiusha warinia pujursa tsawantan iniankamia?
Filipenses 1:10 TNM aujsarum juna aujmattsatarum:
Yuusa chichame tana nui enentaimsam ankan pujakum ame najanattsa wakeramu urutma pujursatniuitiam?
5. Penkera nujai warasta
Jehovaka yajauchia nujai warasarain tusa nakitiawai. Antsu penkera nujai warasarat tusa wakerawai, tura iikia nujai warastiniaitji. Eclesiastés 8:15 TNM nuya Jiripiusnum [Filipenses] 4:8 aujsarum juna aujmattsatarum:
Amesha ankan pujakum wari najanattsam wakeriniaitiam?
Penkera nu najankur warasminiaitji.
CHIKICHKIA JUNIS TINIU AINIAWAI: Iwianchnia tura maaniamu nuya tsanirmamu aya iiyamuka yajauchichuiti.
Amesha warintinmek?
WARI NEKAAM
Jehovaka iniamuk pujuiniak penkera nuna najanainiak warasarat tusa wakerawai.
Awakeasrik nekaatin
Kristu aentstikia iniamkur pujakur warijiai waraschatniuitiaj?
Iniamkur pujusar warinsha najankur urukamtai aya nuke pujurchatniuitiaj?
Amesha penkera nujai warastasam wakerinkiaitiam? Urukamtai nujaisha warastasam wakeriniaitiam?
NUKAP NEKAATA
Iniamkur pujusar warijiai warastiniait nuna yaki turamminiaitiaj nu nekaata.
Iniamkum pujakum warinsha najanattsam warinma enentaimsatniuitiam nu nekaata.
Iniamkur pujakur penkera nu najaneajik? (La Atalaya, 15 de octubre 2011)
Aents urukamtai yajauchia nuna antuktinian tura iistinian iniaisamia nu nekaata. Aents puju ainian kajerniuyajnia nunaka iniaisamiajai tana nu aujsata.
Yuusa chichamen nekaawar yamaikia penker pujuiniawai (La Atalaya, 1 de febrero 2010)
Nuwa Iwianchnia nuna iistinian nakitramiania nu nekaata.
-