Testigos de Jehová iruntairin urukamtai wetiniaitiam?

Testigos de Jehová iruntairin amesha winitia urutainsha ainis turamiarukait? Testigos de Jehová iruntairin nui wechaitkiumka nui wetin natsamatsmeash? Testigos de Jehovasha ni iruntairincha wariniak najanin ainia? Urukamtai nuisha tuke irunin ainia? Wisha nui wetiniashitiaj? Tu enentaimtsumeash? Testigos de Jehová iruntairincha urukamtai wetiniaitiaj nuka juu akankamunam nekaattame.

1. Urukamtai nekassha iruntratniuitiaj?

Yaunchunia aents urukamtai iruntratniuitiaj nuna Yuus papiinium junis aarmiayi: “Uunt Yusan iruntramunmasha shiir awajsattajai” (Yus Kanta [Salmo] 26:12). Yamaisha aintsan testigos de Jehová iruntrar Yuusan enentaimtuiniak warau ainiawai. Tuke atsakamutin ashi nunkanam Yuus enentaimtustai tusar, nampersatai tusar nuyasha seatai tusar irunin ainiawai. Tuke uwitincha Yuus enentaimtustai tusar untsuri aents irunin ainiawai.

2. Ii iruntairincha wari nekaattam?

Iruntramu najaneajnia nuinkia Yuusa chichamenia unuimiattainti. Nuinkia Yuusa chichamen penker nekaawarat tusar paan jintinkrattainti (Neemías 8:8 aujsata). Amesha nui weakmeka Jehová urukuit nu penker nekaattame. Amin anenmana nu nekaam ni umirkatin wakerittiame. Nuyasha waras pujut tusa Yuussha itiura yaimakminiait nusha nekaattame (Yus Kanta [Salmo] 32:8).

3. Ii iruntairin nui chikich aents nekaawartatmena nusha itiura yainmakarminiait?

Yuusa chichame tawai: “Péṉker anenain tura péṉker túrin ajasártai tusar mai̱ yáiniaikiartiniaitji. Yusa Je̱e̱n Yus shuarja̱i̱ tuke iruntratin iniaisashtiniaitji” (Israernum [Hebreos] 10:24, 25). Ii iruntairinkia aents mai anenai ajau ainia nekaawartatme tura amijiai metek Yuusan penker nekaatniun wakeruiniasha nekaawartatme. Nuinkia Yuusa chichamen penker aujmatainiamusha nekaattame (Rúmanam 1:11, 12 aujsata). Nuyasha natsa turutskesha nuatnaikiaru ainiana nu warinkish itiurchatan wainkiaruana nujaisha aujmattsarminiaitme. Nu mash ainis asamtai Jehovaka iruntratin iniaisashtiniaitrume turamji.

PENKER NEKAATAI

4. Testigos de Jehovaka iruntramun najanin ainiawai

Yaunchuksha Kristu aentska Jehovan enentaimtustai tusar irunin armiayi (Rúmanam 16:3-5). Kurusenam [Colosenses] 3:16 aujsarum juna aujmattsatarum:

• Yaunchunia Kristu aents armia nusha itiura Jehovancha enentaimtin armia?

VIDEO: li iruntairinsha wari najantain? (2:12)

• Kurusenam [Colosenses] 3:16 nui tana aintsan ii iruntairincha wari najantain?

• Video turutskesha nakumkamu iisam ii iruntairiniusha wari penker iisum?

2 Kurintiunam 9:7 aujsarum juna aujmattsatarum:

• Testigos de Jehová iruntairinkia urukamtai kuitniaka seamcha ainia?

Juu atsakamutin unuimiatratajnia nuna ame unuitiameajai iista.

• Juu atsakamutin unuimiatratajnia nuna tua amesha penker iiyam?

Jusha nekaata

JW.ORG nui enkemam tui tura urutai testigos de Jehová irunainia nu nekaamniaitme.

1. Ii iruntairinkia jintinkratma antutainti tura nakumsar iniakmamma nuyasha video iitiainti. Juarkur tura amuakrisha nampesar amikiar Yuus seatainti.

2. Iruntramunam nui pujuinia aujmattsarat tusar ankan aankamu awai.

3. Nuinkia aishman, nuwa, uuntmantu, uchisha jeawarminiaiti.

4. Testigos de Jehová iruntairin nui wayatniuka kuitchaiti tura kuitian seamcha ainiawai.

5. Iruntainiam wetinkia yupichuchichuiti

Jesús ni shuarijiainkia Nazaretnum puju armiayi. Tuke uwitin Yuus enentaimtutai jea Jerusalennum aa asamtai wu armiayi. Naintiar naintiar amunmani menaintiu tsawan wekas jea wearmiayi. Rúkas [Lucas] 2:39-42 aujsarum juna aujmattsatarum:

• Jerusalennum wetin yupichuchiashia? Warintinmek?

• Testigos de Jehová iruntairin wetin urukamtai yupichuchichuit?

• Tumaitkiusha iruntainiam wetin penkerashit? Urukamtai ainis enentaimiam?

• Iruntainmasha urukamtai tuke wetiniaitiaj?

WARI NEKAAM

Iruntainiam weakmeka nui Jehovanu nukap nekaattame, ni aneastatme nuyasha chikich aents nui irunainiana nujai metek enentaimtusminiaitme.

Awakeasrik nekaatin

• Iruntainiam wetiniaitrume Jehovasha urukamtai ainis turameaj?

• Testigos de Jehová iruntairincha wari nekaattam?

• Amijiaisha iruntainiam wetin urukamtai penkerait?

NUKAP NEKAATA

Ii iruntairin wetin natsamamek? Aents ainis enentaimiu iruntainiam we urukamtai shiir enentaimsamia nu nekaata.

Shiir amikmatawarmia nuna kajinmatchaitjiai (4:16)

Natsamaru iruntainiam wetinian wakeru wemiania nu nekaata. Tura nui tuke wetasa warinia najanamia nusha nekaata.

Iruntramunam wetinian wakeriniuyajai (4:33)

Iruntainiam wetinian chikichcha wari tiniu ainia nu nekaata.

Testigos de Jehová iruntairincha urukamtai wetiniaitiam? (jw.org nui aarma irunu)

Aents kajek nankamas najanniuitiat testigos de Jehová iruntairin we itiura yapajniamia nu nekaata.

Pistolan tuke takusan wekainiuyajai (La Atalaya, 1 de julio 2014)

5. 1914 uwitin itiurchat ti nukap pampaarmiayi

VIDEO iistarum.

VIDEO: 1914 uwitin itiurchat ti nukap pampaarmiayi (1:10)

Ni uunt ajas ekemsamtai ju nunkanam wari nankaamastiniuya nuna Jesús timiayi. Rúkas [Lucas] 21:9-11 aujsarum juna aujmattsatarum:

• Aujsajnia jui aujmateana aintsan wari itiurchata iisuitiam?

Aents anaikiamu eketainiana nu amuukatin ishichik ajasmanum aents uruku artiniuya nuna Pablo timiayi. 2 Timiutéun 3:1-5 aujsarum juna aujmattsatarum:

• Aujsajnia jui aujmateana aintsan aentscha uruku ainia?

6. Jesús uunt anaikiamu ajasu asamtai Yuus umirkatniuitji

Matéu 24:3, 14 aujsarum juna aujmattsatarum:

• Wari etserna asamtai Jesús nayaimpiniam uunt anaikiamu ajas eketeawai taji?

• Amesha Yuusa chichame etserkattsam wari itiurkatniuitiam?

Jesús nayaimpiniam uunt ajas eketeawai. Jukerusan ashi nunkanam uunt ajas ekemsattawai. Israernum [Hebreos] 10:24, 25 aujsarum juna aujmattsatarum:

• Amuukatin ishichik ajasu asamtai wari turatniuitji ta?