Nukap aents Yuusa chichame unuimiatratniun itiurchat iiyarminiaiti tumaitkiusha Yuusa chichame unuimiatmaka ti penkeraiti. Nekasash Yuusa chichamen unuimiatki wetataj tu enentaimminiaitme. Yuusa chichame unuimiatki wetasar urukamtai kakartiniaitiaj? Itiurchat wainiakmesha Yuusa chichame unuimiatki wetinniash wari yainmakminiait?

1. Yuusa chichame unuimiartincha urukamtai penkerait?

“Yusa Chichame̱ iwiaaku chichamaiti, imiá kakarmaiti” (Israernum [Hebreos] 4:12). Yuusa chichamenka Yuus amin anenmana nuna aujmatu asa imia penkeraiti. Aya Yuusna nekaatniunak yainmakchattawai antsu ame iwiakmarmin penkera nu turatniuncha yainmaktatui. Tura uruma nui penker pujustin atatna nuna nekaatniuncha yainmaktatui. Nunasha iniankas Yuusa chichamenka Yuusa amikri atinian yainmaktatui. Yuusa chichame yainkiat tusam wakera asam unuimiatme.

2. Yuusa chichamenka nekas yainkratniuiti urukamtai ainis taji?

Yuusa chichame jintinkrateana nuka penker yainkratniuiti. Tuma asamtai Yuusa chichame junis tawai: “Nekasa nusha tura ti neka átincha núnisaṉ unuimiártincha nuyá̱ enentáimtai̱sha sumakta túram surukaip” (Nekatai̱n Jintinkiartin [Proverbios] 23:23). Yuusa chichamenka nekas yainkratin asamtai itiurchat wainiakrisha unuimiartinkia iniaisashtatji (Nekatai̱n Jintinkiartin [Proverbios] 2:4, 5 aujsata).

3. Yuusa chichame unuimiamun iniaisain tusa Jehovasha itiurak yainmakat?

Jehovaka amikrum asa tura ti kakaram asa penker nekarat tusa yainmaktatui. Yuuska wakeruktinniasha tura najanatniuncha yainmakminiaiti (Jiripiusnum [Filipenses] 2:12, 13 aujsata). Tuma asa Yuusa chichame unuimiatratniuncha ni yainmaktatui. Yuusa chichame tana nu umiktinniasha ni yainmaktatui. Warinkish itiurchat nupetkatniuncha ni yainmaktatui. Yuusa chichame unuimiatki wetasam Yuus seatin iniaisaip (1 Tisarúnikianam [1 Tesalonicenses] 5:17).

PENKER NEKAATAI

4. Yuusa chichame tuke unuimiartasam kakarta

Warinkisha nukap najanatin achiaku asar Yuusa chichame unuimiatratin itiurchat aminiaiti. Wari najanamniaitiaj? Jiripiusnum [Filipenses] 1:10 aujsarum juna aujmattsatarum:

• Warimpia imiankaska najanatniuitiaj?

• Yuusa chichame tuke unuimiartasam wari najanamniaitiam?

1. Warinmansha emka naikim chumpiam tura arum kaya chumpiakmeka mashikia chumpiashtatme.

2. Tumaitkiusha emka kaya chumpiakmeka naikmisha mash chumpiamniaitme. Aintsamek imiankaska emka najanatniuitiajnia nu najankumka warinkish turatniusha ankan takuttame.

Yuusa chichame unuimiatkur Yuus penker nekaattaji tura ni tuke enentaimtustatji. Mateo 5:3 TNM aujsarum juna aujmattsatarum:

• Yuusa chichame tuke unuimiakrikia urukattaj?

5. Yuusa chichamen unuimiarain tusa nakitiainiakuisha unuimiartinkia iniaisaip

VIDEO: Kajeramsha iniaitsuk unuimiaki wemiayi (5:22)

• Francesco Yuusa chichamen unuimiajai takui ni shuari tura ni amikrisha itiura enentaimsara?

• Yuusa chichame unuimiamun iniaisashmiania nui ni amikrisha urukawarmia?

2 Timiutéun 2:24, 25 aujsarum juna aujmattsatarum:

• Yuusa chichame unuimiakmin amee shuar tura amikrumsha warintiainia?

• Yaksha Yuusa chichame unuimiaraip turameakui wari itiurkatniuitiam? Urukamtai ainis turatniuitiam?

6. Jehová yainkiattawai tu enentaimsata

VIDEO: Jehovaka ii iwiakmarin yapajiatniun yainkratniuiti (3:56)

• Videonam iisajnia nui Jim Jehová wakeramu najanatasa warinia itiurka?

• Ni turamia nuna amesha warintinmek?

Israernum [Hebreos] 11:6 aujsarum juna aujmattsatarum:

• Yuussha imia nekas nin eainiana nunasha itiurkatin?

• Yuusa chichame unuimiartasam kakamna nuna Jehová iiyak itiurak enentaimia?

WARI NEKAAM

Yuusa chichame unuimiartin yupichuchichuitkiuisha tuke iwiaku pujutniun yainmaktatui. Jehová yainkiattawai tu enentaimiakminkia nekas yainmaktatui.

Awakeasrik nekaatin

• Yuusa chichame jintinkrateana nu amijiaisha urukamtai penkerait?

• Emka najanatniuitiajnia nu neka asam wari itiurkatniuitiam?

• Yuusa chichame tuke unuimiartasam urukamtai Yuussha seatniuitiam?

NUKAP NEKAATA

Tsawantan wasurkaij tusar warinia turawarmia nu nekaata.

Tsawantan antar wasurkaij tusar wari itiurkatniuitiaj? (¡Despertad!, febrero 2014)

Nuwa Yuusan umirkattsa najanmia nuna ni aishrinkia penker nekaachmiayi. Jehová itiura yainkiuit nu nekaata.

Itiurchat katsuntratniun Jehová yainmaji (5:05)

Nuwa Yuusa chichamen unuimiakui aishrisha urukamia nu nekaata.

Yuusa chichame tana nuna paant nekaamiajai (6:30)

Testigos de Jehová ainiana nuka yanaksha nii shuaran aran amajin ainiawai tiniu ainiawai. Nusha nekasashit?

Testigos de Jehová yanaksha nii shuarinian aran amajainiawak? (jw.org nui aarma irunu)

3. Imiantiasar wari najanatniuitiaj?

Amesha imiantiaj tusam wakerakmeka Jehová penker nekaatniuitme tura ni nekas yainkiattawai tu enentaimsatniuitme (Israernum [Hebreos] 11:6 aujsata). Jehová penker nekaki weakum tura ni nekas yainkiattawai ainis enentaimkiumka Jehová ti aneastatme. Nu turakmeka Yuusa chichame etserkattsam wakerittiame tura Yuus umirkatniusha wakerittiame (2 Timiutéun 4:2; 1 Juaṉ 5:3, 4). Yaksha penker Jehovan umireak Jehovai sumama imianminiaiti (Kurusenam [Colosenses] 1:9, 10).a