Aminin Jehová Jesusjai najanawarmia nu yuminsata

Ame amikrum warinkish amakui itiura enentaimsaintiam? Wara asam amikrum yuminsainme. Jehová Jesusjai ti penkera nuna najanawarmiayi, ii tumashrin akikmakarmiayi. Yuminkiainia asar wari najanamniaitiaj nu nekaatai.

1. Yuus tura Jesusjai najanawarmiania nu yuminkiakur wari najanamniaitiaj?

Jesús Yuusa Uchirinti tu enentaimiainiaka tuke iwiaku pujuartatui tawai Yuus papii (Juaṉ 6:40). Aya Jesús awai tu tichatniuitji antsu ii iwiakmarincha Jesús turamiania aitkiasrik turatniuitji (Sántiak 2:17). Penkera nu najaneakrinkia Jehová tura Jesussha ti anenmasartatji (Juaṉ 14:21 aujsata).

2. Urutaiya Jehová tura Jesussha yuminsarminiaitiaj?

Jesús jasattuk ajas winia jakamur enentaimtursatarum timiayi (1 Kurintiunam 11:20). Jesús ni jakamun enentaimtustinian unuikiarturmiania nunaka ni unuiniamuri armiania nusha aitkiasan najanawartiniuyayi. Tuma asamtai Jesús junis timiayi: “Winia jakamur enentaimtakrum jutiksarmek turuki wetarum” (Lucas 22:19 TNM). Jehová Jesusjai turawarmiania nu yuminkiakmeka Jesús jakamu enentaimtamunam pachinkiatniuitme.

PENKER NEKAATAI

3. Jesús jakamu yuminsartai

Entsa jakeakmin yaksha japiki kukarani jirmakmiatai itiurak enentaimsaintiam? Jakeakmin yainmaku nu aents warikiash kajinmatkimniaitiam? Turutskesha yuminkia asam wari najanawaintiam?

1 Juaṉ 4:8-10 aujsarum juna aujmattsatarum:

• Jesús ii tumashrin akikmakmiania nusha urukamtai ti penkerait?

• Amin anenmainia asar najanawarmiania nui enentaimkium itiur nekapeam?

Jehová Jesusjai najanawarmiania nu yuminkiakur wari najanamniaitiaj? 2 Kurintiunam 5:15 tura 1 Juaṉ 4:11 nuya 5:3, 4 aujsatarum. Yuusa chichame jui aarma mashi aujtsuk chikichkimsar aujki weakrum juna aujmattsatarum:

• Jehová Jesusjai yuminsatai tusar wari najanatniuitiaj?

4. Jesusa aintsan najaneaji

Jehová Jesusjai turawarmiania nu yuminkiakrikia Jesusa aintsan najanatniuitji. 1 Pítiur 2:21 aujsarum juna aujmattsatarum:

• Wari najankumea Jesusa aintsan najanamniaitiam?

5. Jesús jakamu enentaimtamu najanniuitji

Jesús winia jakamur jutiksarmek turatarum timiania nui wari nankaamasmia? Nu nekaattsarum Lucas 22:14, 19, 20 TNM aujsarum juna aujmattsatarum:

• Jesús ni unuiniamurijiai yurumamiania nui wari nankaamasmia?

• Pan vinosha warinia nakumainia? (Akantramuri 19 tura 20 iistarum).

Jesuska ni unuiniamurin tuke uwitin winia jakamurun enentaimtursarat tusa wakerimiayi. Jakamur tsawantinin najanatarum tu timiayi. Tuma asamtai testigos de Jehovatikia tuke uwitin Jesús jakamu enentaimtustai tusar irunniuitji. Ni unuikiarturmiania aitkiasan najanniuitji. Jesús jakamusha itiur najantain nu nekaattsarum VIDEO iistarum tura juna aujmattsatarum:

VIDEO: Jesús jakamu enentaimtamu (1:41)

• Jesús jakamu enentaimtamunmasha wari najantain?

Panka Jesús ii tumashrin akikmaktaj tusa ni ayashi tunaartinchan sukartusmiania nuna nakumui. Vinoka Jesusa numpen nakumeawai.

WARI NEKAAM

Jesús iini turamiania nu yuminkiakrikia ni umirkatniuitji tura ni jakamu enentaimtamunmasha pachinkiatniuitji.

Awakeasrik nekaatin

• Jesús yuminkiakrikia wari najanatniuitiaj?

• Jehová Jesusjai amin anenmainia asar najanawarmiania nu yuminsartasam wakeramek? Itiura yuminsarminiaitiam?

• Jesús jakamu enentaimtamunmasha urukamtai tamtsuk pachinkiatniuitiaj?

NUKAP NEKAATA

Jesús jarutramka asakrin wari najanamniaitiaj nu antukta.

Jesús ni ayashijiai Jehovan paant awajsamiayi (9:28)

Yuus ni chichakmarin nekas umiktatui itiura ainis enentaimsamniaitiaj nu nekaata.

Jehová ni chichakuana nuna nekas umiktatui tu enentaimsartai (La Atalaya, octubre 2016)

Jesús urukamtai jakamia nuna nuwa penker nekaa ni iwiakmarin yapajiamiayi. Yajauchin najancha asan shiir nekapeajai tusa aujmateana nu aujsata.

Yuusa chichamen nekaawar yamaikia penker pujuiniawai (La Atalaya, 1 de agosto 2011)

Urukamtai Jesús jakamu enentaimtamunmasha warumchik aents pankan yu ainia tura vinon umin ainia.

Urukamtai testigos de Jehová Jesús jakamu enentaimtamun chikich religionka ainis najancha ainia? (jw.org nui aarma irunu)