ÑA̱ SÁNAʼA̱ ÑA̱ 9

¿Ntse na̱ kú na̱ néʼe táʼan va̱ʼa síʼín ndióxi̱?

Tsa̱ néʼe táʼan va̱ʼa cháá ga̱ síʼín Ndióxi̱ kú Se̱ʼe mañi̱ ra̱ Jesús. Tá kúmañi̱ kisi Jesús nuu̱ Ñuʼu ntseʼei̱ yóʼo, ñi̱ sikuú rá iin ángel ta ñi̱ sioó rá indiví (Juan 17:5). Ñi̱ kisi ra nuu̱ Ñúʼu̱ ntseʼei̱ yóʼo ñi̱ sa̱náʼa̱ ra̱ ña̱ nda̱a̱ nuu̱ na̱yivi siaʼa̱ Ndióxi̱ (Juan 18:​37). Jesús ñi̱ siʼi̱ ra̱ siaʼa̱ yo̱ tsa saá ñi̱ sa̱káku ra miio nuu̱ kua̱chi tsa saá kuvi ndatsaku tuku na̱yivi na̱ tsásóʼo ña̱ kaʼa̱n Tu̱ʼun Ndióxi̱ (Romanos 6:​23, NM). Vitsi Jesús kú rá Rey Gobierno Ndióxi̱, iin gobierno ña̱ indakaa̱ indiví ña̱ ndasanúchí Ñúʼu̱ ntseʼei̱ (Apocalipsis 19:​16).

Na̱ kú ángel néʼe táʼan va̱ʼa na síʼín Ndióxi̱. Na̱ kú ángel ko̱ kú ná tatún na̱yivi na̱ ndóo nuu̱ Ñúʼu̱ ntseʼei̱ yóʼo. Ndióxi̱ Jeová xinañúʼú ñi̱ ka̱va̱ʼa ra ángel sevi ñi̱ ka̱va̱ʼa ra Ñúʼu̱ ntseʼei̱ yóʼo (Job 38:​4-7). Millón ví kú ángel na̱ ndóo indiví kán (Daniel 7:​10). Na̱ kú ángel indiví kúñi̱ na̱ ña̱ ná sákuaʼá yó ña̱ nda̱a̱ siaʼa̱ Ndióxi̱ Jeová (Apocalipsis 14:​6, 7).

Saáñi ndóo na̱ néʼe táʼan va̱ʼa síʼín Ndióxi̱ nuu̱ Ñúʼu̱ ntseʼei̱ yóʼo; Ndióxi̱ kachí ra̱ ña̱ kú ná testigo ra. Iin testigo kú iin na̱yivi na síaʼa̱n nuu̱ na̱ kúmí chuun tsa kaʼa̱n na̱ ña síñi̱ na̱ siaʼa̱ inka̱ na̱. Na̱ testigo mií Jeová sánaʼa̱ na̱ siaʼa̱ ña̱ va̱ʼa ña̱ ku̱aʼa Ndióxi̱ Jeová nuu̱ na̱yivi (Isaías 43:​10). Tatún na̱ kú ángel, na̱ Testigo mií Jeová kúñi̱ na̱ chindeé ná miíní kundaa̱ iñi ní ña̱ nda̱a̱ siaʼa̱ Ndióxi̱ Jeová. Na̱ Testigo mií Jeová kúñi̱ na̱ ña̱ saáñi miíní kaneʼe táʼan va̱ʼa ní síʼín Ndióxi̱ Jeová.