¿Ndá ki̱án kánian kee yó já ná kujii̱ ini na̱ veʼe yó kandoyi na?

Kujii̱ ini yó kandoyi yó xíʼín na̱ veʼe yó tá kúni̱ yó na̱ (Efesios 5:33)

Saʼndá Ndio̱s chuun ña̱ na̱ ni̱ ta̱ndaʼa̱ iin túʼún vá kánian kukuu ñajiʼí na̱ á yíi̱ ná.

Ta̱ kúú iin yíi̱ váʼa vií kúu ra xíʼín ñajiʼí ra̱ ta síni̱ ra̱ ndá ku̱ú ña̱ sínañúʼán.

Kánian chindeé ñá kúú ñajiʼí yíi̱ ña̱.

Kánian kunijo̱ʼo na̱ va̱lí ña̱ káʼa̱n naná na̱ xíʼín tatá na̱.

Vií kakuu ní xíʼín yíi̱ ní á xín ñajiʼí ní, na̱yivi ndaa̱ kukuu ní xíʼín ná e̱jándaʼví ní na̱ xín inga̱ na̱yivi, ni e̱kée sísi ní xíʼín ná (Colosenses 3:5, 8-10)

Nuu̱ Tu̱ʼun Ndio̱s kachía̱n ña̱ ta̱ kúú yíi̱ kánian kiʼvi̱ ini ra ñajiʼí ra̱ tátu̱ʼun ki̱ʼa kíʼvi̱ ini ra mií rá, ta ñá kúú ñajiʼí kánian koo ndiva̱ʼo ña̱ñúʼú ñá nuu̱ yíi̱a̱n.

Ko̱ váʼa ña̱ kuju̱ ta̱a xíʼín inga̱ ñá ko̱ kúú ñajiʼí ra̱, ta ñáʼa̱ ko̱ váʼa ña̱ kuju̱ ñá xíʼín inga̱ ta̱ ko̱ kúú yíi̱ ñá. Saʼndá Ndio̱s chuun ña̱ na̱ ni̱ ta̱ndaʼa̱ ko̱ kánian kuju̱ na̱ xíʼín inga̱ na̱ ko̱ kúú yíi̱ ná á ñajiʼí na̱.

Jánaʼa̱ Ndio̱s Jeová nuu̱ na̱yivi ndá ki̱án kánian kee na já kuu kandoyi jii̱ ná xíʼín na̱ veʼe na.