Introducción
Tátu̱ʼun ki̱ʼa ió ini iin tatá kíʼvi̱ ini ra de̱ʼe ra, ki̱ʼa jaá ió ini Ndio̱s (1 Pedro 5:6, 7)
Ndíʼi ini Ndio̱s siaʼa̱ yó jáchi̱ mií sí ni̱ Ka̱va̱ʼa miíó. Tátu̱ʼun jánaʼa̱ iin tatá va̱ʼa ini nu̱ú de̱ʼe ra, ki̱ʼa jaá jánaʼa̱ Ndio̱s nuu̱ yó ndá ña̱ ki̱án kánian kee yó já kandoyi va̱ʼa yó.
Ña̱ nda̱a̱ jánaʼa̱ Ndio̱s nuu̱ yó ña̱yóʼo kée jii̱a̱n ini yó ta náke̱ʼe ña tu̱ndeé ini yó.
Tá ná kunijo̱ʼo ní ña̱ káʼa̱n Ndio̱s, jánaʼa̱ si nuu̱ ní íchi̱ nuu̱ kánian kuʼu̱n ní, kandaa si mií ní ta chindeé sí mií ní tá ndóʼo ní iin tu̱ndóʼó.
Jo ió chááka̱ ví ña̱ʼa ña̱ ke̱ʼe Ndio̱s nuu̱ ní, chindeé sí mií ní já kutaku ní ndijaá táʼa̱n kivi̱.